Delhi: 60 ಕಿ.ಮೀ. ಬೆನ್ನಟ್ಟಿ ಪಾರ್ಶ್ವನಾಥ್‌ ಡೆವಲಪರ್ಸ್‌ ಸಿಇಒ ಬಂಧಿಸಿದ ದೆಹಲಿ ಪೊಲೀಸರು!

Team Udayavani, Aug 5, 2024, 11:48 AM IST

ನವದೆಹಲಿ: ಪಾರ್ಶ್ವನಾಥ್‌ ಡೆವಲಪರ್ಸ್‌ ನ ಅಂಗಸಂಸ್ಥೆಯಾದ ಪಾರ್ಶ್ವನಾಥ್‌ ಲ್ಯಾಂಡ್‌ ಮಾರ್ಕ್‌ ಡೆವಲಪರ್ಸ್‌ ರಿಯಲ್ಟಿ ಸಂಸ್ಥೆಯ ನಿರ್ದೇಶಕ, ಮುಖ್ಯ ಕಾರ್ಯನಿರ್ವಹಣಾ(CEO) ಅಧಿಕಾರಿಯನ್ನು ಸುಮಾರು 60 ಕಿಲೋ ಮೀಟರ್‌ ದೂರದವರೆಗೆ ಬೆನ್ನಟ್ಟಿ ಬಂಧಿಸಿರುವ ಘಟನೆ ಸೋಮವಾರ(ಆ.05) ನಡೆದಿರುವುದಾಗಿ ದೆಹಲಿ ಪೊಲೀಸರು ತಿಳಿಸಿದ್ದಾರೆ.

ಗುರುಗ್ರಾಮ್‌ ನ ಡಿಎಲ್‌ ಎಫ್-2 ನಿವಾಸಿ ಸಂಜೀವ್‌ ಜೈನ್‌ ಎಂಬ ವ್ಯಕ್ತಿಯನ್ನು ದೆಹಲಿ ವಿಮಾನ ನಿಲ್ದಾಣದಲ್ಲಿ ದಿಲ್ಲಿ ಪೊಲೀಸ್‌ ಸ್ಪೆಷಲ್‌ ಟಾಸ್ಕ್‌ ಫೋರ್ಸ್‌ (STF) ಬಂಧಿಸಿರುವುದಾಗಿ ವರದಿ ವಿವರಿಸಿದೆ.

ರಾಷ್ಟ್ರೀಯ ಗ್ರಾಹಕರ ವ್ಯಾಜ್ಯಗಳ ಪರಿಹಾರ ಆಯೋಗ(NCDRC)ದ ಮುಂದೆ ಹಾಜರಾಗಲು ವಿಫಲರಾಗಿದ್ದ ಜೈನ್‌ ವಿರುದ್ಧ ಜಾಮೀನು ರಹಿತ ವಾರಂಟ್‌ ಜಾರಿಗೊಳಿಸಿತ್ತು. ಈ ಹಿನ್ನೆಲೆಯಲ್ಲಿ ಶನಿವಾರ (ಆ.03) ಇಂದಿರಾಗಾಂಧಿ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದಲ್ಲಿ ವಿಶೇಷ ತನಿಖಾ ತಂಡ ಜೈನ್‌ ಅವರನ್ನು ಬಂಧಿಸಿರುವುದಾಗಿ ಡೆಪ್ಯುಟಿ ಕಮಿಷನರ್‌ ಆಫ್‌ ಪೊಲೀಸ್‌ ಸುರೇಂದ್ರ ಚೌಧರಿ ಪ್ರಕಟನೆಯಲ್ಲಿ ತಿಳಿಸಿದ್ದಾರೆ.

ರಜತ್‌ ಬಬ್ಬಾರ್‌ ಪ್ರಕಟನೆಯ ಪ್ರಕಾರ, ಗ್ರಾಹಕ ವ್ಯಾಜ್ಯಗಳ ಪರಿಹಾರ ನ್ಯಾಯಾಲಯ ಜಾಮೀನು ರಹಿತ ವಾರಂಟ್‌ ಜಾರಿ ಮಾಡಿರುವುದಾಗಿ ವರದಿ ತಿಳಿಸಿದೆ.