ಬೆಂಗಾಲಿ ಜೋಡಿ ಫೋಟೋ ಬಗ್ಗೆ ನೆಟ್ಟಿಗರು ಕಿಡಿ! ಕೃತಕ ಬುದ್ಧಿಮತ್ತೆ ಬಳಸಿ ರಚಿಸಿದ ಫೋಟೋ

Team Udayavani, Jan 4, 2023, 7:50 AM IST

ನವದೆಹಲಿ: ಕೃತಕ ಬುದ್ಧಿಮತ್ತೆ (ಆರ್ಟಿಫಿಶಿಯಲ್‌ ಇಂಟೆಲಿಜೆನ್ಸ್‌) ತಂತ್ರಜ್ಞಾನ ಬಳಕೆಯೊಂದಿಗೆ ರಚಿಸುತ್ತಿರುವ ಚಿತ್ರಗಳು ಇತ್ತೀಚಿನ ದಿನಗಳಲ್ಲಿ ಟ್ರೆಂಡ್‌ನ‌ಲ್ಲಿದ್ದು, ಜಾಲತಾಣಗಳಲ್ಲೂ ಈ ಕಲೆಯ ಬಗ್ಗೆ ಭಾರೀ ಪ್ರಶಂಸೆ ವ್ಯಕ್ತವಾಗುತ್ತಿದೆ.

ಆದರೆ, ಇದೇ ತಂತ್ರಜ್ಞಾನ ಬಳಸಿ ಬೆಂಗಾಲಿ ಮದುವೆ ಸಂಪ್ರದಾಯದ ಚಿತ್ರ ರಚಿಸಿದ್ದ ವ್ಯಕ್ತಿಯೊಬ್ಬರು ಈಗ ನೆಟ್ಟಿಗರ ಕೆಂಗಣ್ಣಿಗೆ ಗುರಿಯಾಗಿದ್ದು, ಬೆಂಗಾಲಿ ಜೋಡಿಯ ಫೋಟೋಗೆ ಭಾರೀ ಆಕ್ಷೇಪ ವ್ಯಕ್ತವಾಗಿದೆ.

ಟ್ವಿಟರ್‌ ಬಳಕೆದಾರರೊಬ್ಬರು ಎಐ ತಂತ್ರಜ್ಞಾನ ಬಳಸಿ ದೇಶದ ವಿವಿಧ ಮದುವೆ ಸಂಪ್ರದಾಯಗಳನ್ನು ವಿವರಿಸುವ ಚಿತ್ರಗಳನ್ನು ರಚಿಸಿ, ಪೋಸ್ಟ್‌ ಮಾಡಿದ್ದರು. ಅಂಥ ಚಿತ್ರಗಳ ಪೈಕಿ, ಬೆಂಗಾಲಿ ಜೋಡಿಯನ್ನು ಕೈಯ್ಯಲ್ಲಿ ಮೀನು ಹಿಡಿದಿರುವಂತೆ ಚಿತ್ರಿಸಿದ್ದರು.

ಈ ಫೋಟೋ ಬಗ್ಗೆ ನೆಟ್ಟಿಗರು ಆಕ್ಷೇಪ ವ್ಯಕ ಪಡಿಸಿದ್ದು, ಮೀನು ನಮ್ಮ ಸಂಪ್ರದಾಯದ ಒಂದು ಭಾಗವಷ್ಟೇ. ಆದರೆ, ಬೆಂಗಾಲಿಗಳಿಗೆ ಅದೇ ಪ್ರಮುಖ ಎನ್ನುವಂತೆ ಬಿಂಬಿಸಲಾಗಿದೆ, ಇದು ಸರಿಯಲ್ಲ ಎಂದಿದ್ದಾರೆ.