ದೀಪಿಕಾ, ಅಕ್ಷಯ್‌ಗೆ ಒಲಿದ ದಾದಾಸಾಹೇಬ್‌ ಫಾಲ್ಕೆ ಅಂತಾರಾಷ್ಟ್ರೀಯ ಚಲನಚಿತ್ರೋತ್ಸವ ಪ್ರಶಸ್ತಿ

Team Udayavani, Feb 21, 2021, 8:52 PM IST

ಮುಂಬೈ: ಪ್ರಸಕ್ತ ವರ್ಷದ “ದಾದಾಸಾಹೇಬ್‌ ಫಾಲ್ಕೆ ಅಂತಾರಾಷ್ಟ್ರೀಯ ಚಲನಚಿತ್ರೋತ್ಸವ ಪ್ರಶಸ್ತಿ’ ಬಾಲಿವುಡ್‌ನ‌ ಖ್ಯಾತ ನಾಮರಾದ ದೀಪಿಕಾ ಪಡುಕೋಣೆ, ಅಕ್ಷಯ್‌ ಕುಮಾರ್‌, ಸುಶ್ಮಿತಾ ಸೇನ್‌, ಸುಶಾಂತ್‌ ಸಿಂಗ್‌ ರಜಪೂತ್‌ ಅವರಿಗೆ ಒಲಿದು ಬಂದಿದೆ.

ಆ್ಯಸಿಡ್‌ ದಾಳಿಗೆ ತುತ್ತಾಗಿ ಬದುಕುಳಿದ ಲಕ್ಷ್ಮಿ ಅಗರ್ವಾಲ್‌ ಜೀವನಗಾಥೆಯ, ಮೇಘನಾ ಗುಲ್ಜಾರ್‌ ನಿರ್ದೇಶನದ “ಚಪಾಕ್‌’ ಚಿತ್ರದ ನಟನೆಗಾಗಿ ದೀಪಿಕಾ ಪಡುಕೋಣೆಗೆ “ಉತ್ತಮ ನಟಿ’ ಪ್ರಶಸ್ತಿ ನೀಡಲಾಗಿದೆ.

“ಅಕ್ಕಿ’ಗೆ ಒಲಿದ “ಲಕ್ಷ್ಮಿ’:
ಹಾರರ್‌- ಕಾಮಿಡಿ “ಲಕ್ಷ್ಮಿ’ ಚಿತ್ರದ ನಟನೆಗಾಗಿ ಬಾಲಿವುಡ್‌ ಸ್ಟಾರ್‌ ಅಕ್ಷಯ್‌ ಕುಮಾರ್‌ಗೆ “ಉತ್ತಮ ನಟ’ ಪ್ರಶಸ್ತಿ ಲಭಿಸಿದೆ. ನೆಟ್‌ ಫ್ಲಿಕ್ಸ್‌ನ “ಗಿಲ್ಟಿ’ ಸಿನಿಮಾದಲ್ಲಿನ ಅತ್ಯುತ್ತಮ ನಟನೆಗಾಗಿ ಕಿಯಾರಾ ಅಡ್ವಾಣಿಗೆ “ವಿಮರ್ಶಕರ ಉತ್ತಮ ನಟಿ’ ಗರಿ ಒಲಿದಿದೆ.

ಸುಶಾಂತ್‌ ಸಿಂಗ್‌ ರಜಪೂತ್‌ ಅವರಿಗೆ “ಚಿಚೋರೆ’ ಯಲ್ಲಿನ ಅಭಿನಯಕ್ಕಾಗಿ ಮರಣೋತ್ತರವಾಗಿ “ವಿಮರ್ಶಕರ ಉತ್ತಮ ನಟ’ ಗೌರವ ಸಿಕ್ಕರೆ, ವೆಬ್‌ ಸೀರಿಸ್‌ ವಿಭಾಗದಲ್ಲಿನ “ಉತ್ತಮ ನಟಿ’ ಪ್ರಶಸ್ತಿ “ಆರ್ಯ’ ಚಿತ್ರಕ್ಕಾಗಿ ಸುಶ್ಮಿತಾ ಸೇನ್‌ ಪಾಲಾಗಿದೆ.

ಇದನ್ನೂ ಓದಿ:ಕಾಂಗ್ರೆಸ್ ರಾಜ್ಯಾಧ್ಯಕ್ಷನ ಬೆದರಿಕೆ…ನಟ ಅಮಿತಾಭ್ ಮನೆಗೆ ಭದ್ರತೆ ಹೆಚ್ಚಳ

ಪ್ರಶಸ್ತಿ ಪಟ್ಟಿ
ಉತ್ತಮ ನಟಿ: ದೀಪಿಕಾ ಪಡುಕೋಣೆ (ಚಪಾಕ್‌)
ಉತ್ತಮ ನಟ: ಅಕ್ಷಯ್‌ ಕುಮಾರ್‌ (ಲಕ್ಷ್ಮಿ)
ವಿಮರ್ಶಕರ ಉತ್ತಮ ನಟಿ: ಕಿಯಾರಾ ಅಡ್ವಾಣಿ (ಗಿಲ್ಟಿ)
ವಿಮರ್ಶಕರ ಉತ್ತಮ ನಟ: ಸುಶಾಂತ್‌ ಸಿಂಗ್‌ ರಜಪೂತ್‌ (ಚಿಚೋರೆ)
ಉತ್ತಮ ಚಿತ್ರ: ತಾನಾಜಿ
ಉತ್ತಮ ವಿದೇಶಿ ಫೀಚರ್‌ ಚಿತ್ರ: ಪ್ಯಾರಾಸೈಟ್‌
ಉತ್ತಮ ನಿರ್ದೇಶಕ: ಅನುರಾಗ್‌ ಬಸು (ಲುಡೋ)