ಮತ್ತೊಂದು ದಾಖಲೆ ಬರೆದ ಬುಟ್ಟ ಬೊಮ್ಮಾ ಹಾಡು: ಸಂಗೀತ ನಿರ್ದೇಶಕ ಧಮನ್ ಹೇಳಿದ್ದೇನು ?

Team Udayavani, Aug 2, 2020, 2:05 PM IST

ತೆಲಂಗಾಣ: ಅಲ್ಲು ಅರ್ಜುನ್​ ಹಾಗೂ ತ್ರಿವಿಕ್ರಮ್​ ನಟನೆಯ ಅಲಾ ವೈಕುಂಠಪುರಂಲೋ ಸಿನಿಮಾ ಚಿತ್ರಮಂದಿರಗಳಲ್ಲಿ ಯಶಸ್ವಿ ಪ್ರದರ್ಶನ ಕಂಡಿತ್ತು. ಇದೀಗ ಈ  ಚಿತ್ರದ ಬುಟ್ಟ ಬೊಮ್ಮ ಹಾಡು ಯೂಟ್ಯೂಬ್​ನಲ್ಲಿ 30 ಕೋಟಿ ವೀಕ್ಷಣೆ ಪಡೆದಿದ್ದು,  150 ಕೋಟಿಗೂ ಅಧಿಕ ಶೇರ್ ಆಗಿ ದಾಖಲೆ ಬರೆದಿದೆ.

ಥಮನ್​ ಸಂಗೀತ ನಿರ್ದೇಶನದ ಈ ಹಾಡನ್ನು ಅರ್ಮಾನ್ ಮಲ್ಲಿಕ್​ ಹಾಡಿದ್ದಾರೆ. ವಿಶ್ವದಾದ್ಯಂತ ಖ್ಯಾತಿ ಪಡೆದ ನೂರು ವಿಡಿಯೋ ಹಾಡುಗಳಲ್ಲಿ ಬುಟ್ಟ ಬೊಮ್ಮ 15ನೇ ಸ್ಥಾನದಲ್ಲಿದ್ದು, ಈ ಬಗ್ಗೆ ಇಂಗ್ಲಿಷ್​ ಪತ್ರಿಕೆಯೊಂದು ವರದಿ ಮಾಡಿದೆ. ಈ ಬಗ್ಗೆ ಸಂಗೀತ ನೀರ್ದೇಶಕ ಥಮನ್​  ಈ ಹಿಂದೆ ಟ್ವೀಟ್​ ಮಾಡಿದ್ದರು.

ಅಲಾ ವೈಕುಂಠಪುರಂಲೋ ಸಿನಿಮಾದ ಹಾಡುಗಳಲ್ಲಿ ರಾಮುಲೊ ರಾಮುಲಾ ಹಾಗೂ ಬುಟ್ಟ ಬೊಮ್ಮ ಹೆಚ್ಚು ಖ್ಯಾತಿ ಪಡೆದವು. ಅದರಲ್ಲೂ ಅಲ್ಲು ಅರ್ಜುನ್​ ಸಖತ್ ಸ್ಟೆಪ್ ಹಾಕಿರುವ ಬುಟ್ಟ ಬೊಮ್ಮ  ವಿಡಿಯೋ ಹಾಡು ಬಿಡುಗೆಯಾದಾಗಲೇ ಯೂಟ್ಯೂಬ್​ನಲ್ಲಿ ಕೋಟಿ ಕೋಟಿ ವೀಕ್ಷಣೆ ಪಡೆದುಕೊಂಡಿತ್ತು. ಇದೇ ಹಾಡಿಗೆ ಮಾರ್ಚ್​ ತಿಂಗಳಿನಿಲ್ಲಿ ಯೂಟ್ಯೂಬ್​ನಲ್ಲಿ 19 ಕೋಟಿಗೂ ಅಧಿಕ ವೀಕ್ಷಣೆ ಸಿಕ್ಕಿತ್ತು.

ಇನ್ನು ಈ ಸಿನಿಮಾದ ಆಲ್ಬಂನಲ್ಲಿರುವ ವಿಡಿಯೋ ಹಾಡುಗಳು  ಯೂಟ್ಯೂಬ್​ನಲ್ಲಿ ಒಟ್ಟಾರೆ ನೂರು ಕೋಟಿ​ ವೀಕ್ಷಣೆ ಪಡೆದಿವೆ. ಕಲೆಕ್ಷನ್​ ವಿಷಯದಲ್ಲಿ ಈಗಾಗಲೇ ದಾಖಲೆ ಮಾಡಿರುವ ಈ ಸಿನಿಮಾ, ಈಗ ಹಾಡಿನ ವಿಷಯದಲ್ಲಿ ಮತ್ತೊಂದು ಹೊಸ ರೆಕಾರ್ಡ್​ ನಿರ್ಮಿಸಿದೆ.