ಯುದ್ಧದ ಕುರಿತು ಗೇಲಿ : ಟೀಕೆಗಳ ಬಳಿಕ ಟ್ವೀಟ್ ಡಿಲೀಟ್ ಮಾಡಿದ ಅರ್ಷದ್ ವಾರ್ಸಿ

Team Udayavani, Feb 25, 2022, 10:14 AM IST

ಮುಂಬಯಿ : ಬಾಲಿವುಡ್ ನಟ ಅರ್ಷದ್ ವಾರ್ಸಿ ಅವರು ರಷ್ಯಾ ಮತ್ತು ಉಕ್ರೇನ್ ನಡುವಿನ ಕುರಿತಾಗಿ ಹಾಸ್ಯದ ರೂಪದಲ್ಲಿ ಮಾಡಿದ ಮೆಮೆಯೊಂದು ಸಾರ್ವಜನಿಕರ ಆಕ್ರೋಶಕ್ಕೆ ಗುರಿಯಾಗಿದೆ.

ಅರ್ಷದ್ ವಾರ್ಸಿ ಅವರು ಗೋಲ್ ಮಾಲ್ ಚಿತ್ರದ ದೃಶ್ಯವೊಂದನ್ನು ಟ್ವೀಟ್ ಮಾಡಿ, ಯುದ್ಧದ ಸನ್ನಿವೇಶವನ್ನು ತುಲನೆ ಮಾಡಿದ್ದರು. ಈ ಬಗ್ಗೆ ಸಾರ್ವಜನಿಕ ವಲಯದಲ್ಲಿ ಹಲವರು ಟ್ವೀಟ್ ಮಾಡಿ ನಟನ ವಿರುದ್ಧ ಖಂಡನೆ ವ್ಯಕ್ತಪಡಿಸಿ, ಯುದ್ಧವನ್ನು ಸಂಭ್ರಮಿಸುವ, ಹಾಸ್ಯ ಮಾಡುವ ಸಮಯ ಇದಲ್ಲ ಎಂದು ಬರೆದಿದ್ದರು.

ಒಬ್ಬ ವ್ಯಕ್ತಿ ಎಷ್ಟು ಸಂವೇದನಾಶೀಲನಾಗಿರಬಹುದು? ಎಂದು ಹಲವಾರು ಪ್ರಶ್ನಿಸಿದ್ದಾರೆ.
ಹಾಸ್ಯ ಮಾಡಲು ಇದು ಸರಿಯಾದ ಸಮಯವಲ್ಲ ಸರ್…ಯುದ್ಧವು ತುಂಬಾ ಅಪಾಯಕಾರಿ ಸನ್ನಿವೇಶವಾಗಿದೆ…ನಾವು ಗೇಲಿ ಮಾಡಬಾರದು ಎಂದು ಹಲವಾರು ಮಂದಿ ಬರೆದಿದ್ದಾರೆ.

ಆಕ್ರೋಶ ವ್ಯಕ್ತವಾದ ಬಳಿಕ ಅರ್ಷದ್ ವಾರ್ಸಿ ಅವರು ಟ್ವೀಟ್ ಡಿಲೀಟ್ ಮಾಡಿದ್ದಾರೆ.