ಲಿಂಗಾಯತ ನಾಯಕರಿಗೆ B.L.ಸಂತೋಷ ಅವಮಾನ: ಸಿದ್ದು

Team Udayavani, Apr 28, 2023, 6:45 AM IST

ರಾಯಚೂರು: ಬಿ.ಎಲ್‌.ಸಂತೋಷ ಲಿಂಗಾಯತ ನಾಯಕರಿಗೆ ಅವಮಾನ ಮಾಡಿದ್ದಾರೆ. ಯಡಿಯೂರಪ್ಪ ಸಿಎಂ ಇದ್ದಾಗ ಕಣ್ಣೀರು ಹಾಕಿಸಿದರು. ಜಗದೀಶ ಶೆಟ್ಟರ್‌ಗೆ ಟಿಕೆಟ್‌ ನೀಡದೆ ಪಕ್ಷದಿಂದ ತೆಗೆದು ಹಾಕಿದರು. ಲಕ್ಷ್ಮಣ್‌ ಸವದಿಗೂ ಟಿಕೆಟ್‌ ಕೊಡಲಿಲ್ಲ. ಹಾಗಾದರೆ ಲಿಂಗಾಯತರಿಗೆ ನಿಜವಾಗಿಯೂ ಅವಮಾನ ಮಾಡಿದವರು ಯಾರು ಎಂದು ಮಾಜಿ ಸಿಎಂ ಸಿದ್ದರಾಮಯ್ಯ ಪ್ರಶ್ನಿಸಿದರು.

ಮಾನ್ವಿಯಲ್ಲಿ ಗುರುವಾರ ಸುದ್ದಿಗಾರರ ಜತೆ ಮಾತನಾಡಿದ ಅವರು, ಮೊಮ್ಮಗ ಧವನ್‌ ರಾಕೇಶ್‌ ಇನ್ನೂ ವಿದ್ಯಾರ್ಥಿ. ರಾಜಕೀಯಯಕ್ಕೆ ಬಂದಿಲ್ಲ. ಪಿಯುಸಿ ಓದುತ್ತಿದ್ದಾನೆ. ವರುಣಾ ಕ್ಷೇತ್ರದಲ್ಲಿ ನಮ್ಮ ಸೊಸೆ ಚುನಾವಣೆ ಪ್ರಚಾರ ಮಾಡುತ್ತಿದ್ದಾರೆ. ಅದರಲ್ಲೇನು ತಪ್ಪು? ಸೋಮಣ್ಣ ಜೆಡಿಎಸ್‌ ಅಭ್ಯರ್ಥಿಗೆ ಚಾಮರಾಜನಗರದಲ್ಲಿ ಆಮಿಷ ಒಡ್ಡಿದ್ದಾರೆ. ಮುಂದೆ ನಮ್ಮ ಕ್ಷೇತ್ರದಲ್ಲೂ ಆಮಿಷ ಒಡ್ಡುತ್ತಾರೆ. ಬಿಜೆಪಿಯವರಿಗೆ ಈಗಾಗಲೇ ನಡುಕ ಶುರುವಾಗಿದೆ. ಕಾಂಗ್ರೆಸ್‌ ಗೆಲ್ಲುತ್ತದೆ ಎಂದು ಅವರಿಗೂ ಗೊತ್ತಾಗಿದೆ. ಇಡೀ ರಾಜ್ಯದ ಜನರಿಗೂ ಸತ್ಯ ಗೊತ್ತಾಗಿದೆ ಎಂದರು.