Bard: ಕನ್ನಡ ಸೇರಿ ದೇಶದ 7 ಭಾಷೆಗಳಲ್ಲಿ ಬಾರ್ಡ್‌

Team Udayavani, Jul 14, 2023, 7:52 AM IST

ಕೃತಕ ಬುದ್ಧಿಮತ್ತೆ ಆಧಾರಿತ ಚಾಟ್‌ಜಿಪಿಟಿ ಬಳಕೆಗೆ ಬರುತ್ತಿದ್ದಂತೆ ಅದೇ ರೀತಿಯ ಇನ್ನಿತರ ಪ್ರತಿಸ್ಪರ್ಧಿ ಆ್ಯಪ್‌ಗ್ಳು ಅಭಿವೃದ್ಧಿಗೊಳ್ಳುತ್ತಿವೆ. ಗೂಗಲ್‌ ತನ್ನ ಬಾರ್ಡ್‌ ಅನ್ನು ಕಣಕ್ಕಿಳಿಸಿದೆ. ಇದೀಗ ಬಾರ್ಡ್‌ 180 ರಾಷ್ಟ್ರಗಳಲ್ಲಿ ಸೇವೆ ನೀಡುವುದಲ್ಲದೇ, ಭಾರತದಲ್ಲಿ ಕನ್ನಡ ಸಹಿತ 7 ಭಾಷೆಗಳಲ್ಲಿ ಸೇವೆ ಒದಗಿಸಲು ಲಭ್ಯವಾಗಿದೆ.

ಒಟ್ಟು 40 ಭಾಷೆಗಳಲ್ಲಿ ಬಾರ್ಡ್‌ ಜನರಿಗೆ ಸೇವೆ ನೀಡಲಿದೆ. ಈ ಭಾಷಾ ಸೇರ್ಪಡೆಯಿಂದಾಗಿ ಆಯಾ ಸ್ಥಳೀಯ ಭಾಷೆಗಳಲ್ಲೇ ಪದ್ಯ, ಗದ್ಯ, ಏನನ್ನೇ ಕೇಳುವುದಿದ್ದರೂ ಭಾಷಾ ದೋಷವಿಲ್ಲದಂತೆ ಬಳಕೆದಾರರು ಅರಿತುಕೊಳ್ಳಲು ಸಹಾಯವಾಗಲಿದೆ. ಇನ್ನು ಬಾರ್ಡ್‌ಗೆ ಶೀಘ್ರವೇ ಗೂಗಲ್‌ ಲೆನ್ಸ್‌ ಅನ್ನು ಅಳವಡಿಸುವ ಬಗ್ಗೆಯೂ ಗೂಗಲ್‌ ಚಿಂತನೆ ನಡೆಸಿದ್ದು, ಇದರಿಂದ ಚಿತ್ರಗಳನ್ನು ಸ್ಕ್ಯಾನ್‌ ಮಾಡಿ, ಅದರ ಬಗ್ಗೆ ಮಾಹಿತಿ ಪಡೆಯಲು ಬಳಕೆದಾರರಿಗೆ ಸಹಾಯವಾಗಲಿದೆ.