ಎಚ್ಚರ: ತಿರುಪತಿ ದರ್ಶನಕ್ಕೆ ಹುಟ್ಟಿಕೊಂಡಿವೆ ನಕಲಿ ವೆಬ್‌ಗಳು!

Team Udayavani, Apr 26, 2023, 8:13 AM IST

ತಿರುಪತಿ: ತಿರುಪತಿ ತಿಮ್ಮಪ್ಪನ ದರ್ಶನ ಪಡೆಯಲು ಭಕ್ತರು ಆನ್‌ಲೈನ್‌ನಲ್ಲಿ ನೋಂದಣಿ ಮಾಡಿಕೊಳ್ಳುವುದು ಜಾಸ್ತಿಯಾಗಿದೆ. ಇಂತಹ ಹೊತ್ತಿನಲ್ಲೇ ತಿರುಮಲ ತಿರುಪತಿ ದೇವಸ್ಥಾನಮ್‌ ಮಂಡಳಿ ಭಕ್ತರಿಗೆ ಎಚ್ಚರಿಕೆ ನೀಡಿ, ಆನ್‌ಲೈನ್‌ನಲ್ಲಿ ನೋಂದಣಿ ಮಾಡುವಾಗ ಹುಷಾರಾಗಿರಿ ಎಂದು ಹೇಳಿದೆ.

ಇತ್ತೀಚೆಗೆ 40ಕ್ಕೂ ಅಧಿಕ ವೆಬ್‌ಸೈಟ್‌ಗಳು ಟಿಟಿಡಿ ವೆಬ್‌ಸೈಟ್‌ ಅನ್ನೇ ಹೋಲುವಂತೆ ವಿನ್ಯಾಸ ಮಾಡಿಕೊಂಡು ಭಕ್ತರನ್ನು ವಂಚಿಸುತ್ತಿವೆ. ಈ ಬಗ್ಗೆ ಭಕ್ತರೂ ದೂರು ನೀಡಿದ್ದಾರೆ. ಆದ್ದರಿಂದ ಟಿಟಿಡಿ ವೆಬ್‌ಸೈಟ್‌ ಎಂದು ಖಾತ್ರಿಪಡಿಸಿಕೊಂಡ ಬಳಿಕವೇ ಟಿಕೆಟ್‌ ಹಾಗೂ ವಸತಿ ಕಾಯ್ದಿರಿಸುವ ಪ್ರಕ್ರಿಯೆ ಕೈಗೊಳ್ಳಿ ಎಂದು ಮನವಿ ಮಾಡಿದೆ. ಅದಕ್ಕಾಗಿ ತಮ್ಮ ಅಧಿಕೃತ ವೆಬ್‌ ಐಡಿಯ ಕುರಿತೂ ಮಾಹಿತಿ ನೀಡಿದೆ. https://tirupatibalaji-ap-gov.org/ಈ ಮಾದರಿಯಲ್ಲಿ ಇರುವ ವೆಬ್‌ಗಳು ನಕಲಿ. https://tirupatibalaji.ap.gov.in/ ಈ ವೆಬ್‌ ಅಸಲಿ ಎಂದು ಟಿಟಿಡಿ ತಿಳಿಸಿದೆ. ವಂಚನೆಯ ವಿರುದ್ಧ ಟಿಟಿಡಿ ಮಂಡಳಿಯು ತಿರುಮಲ ಪೊಲೀಸ್‌ ಠಾಣೆಯಲ್ಲಿ ದೂರು ಸಲ್ಲಿಸಿದೆ. ಸೈಬರ್‌ ಸೆಲ್‌ ವಿಭಾಗ ಇದರ ತನಿಖೆ ಆರಂಭಿಸಿದೆ.