Tragedy: ತನ್ನ ಅಪಾರ್ಟ್‌ಮೆಂಟ್‌ನಲ್ಲೇ ನೇಣಿಗೆ ಶರಣಾದ ಭೋಜ್‌ಪುರಿ ನಟಿ… ಕಾರಣ ನಿಗೂಢ

Team Udayavani, Apr 30, 2024, 9:37 AM IST

ಬಿಹಾರ: ಭೋಜ್‌ಪುರಿ ನಟಿ ಅಮೃತಾ ಪಾಂಡೆ (27) ಬಿಹಾರದ ಭಾಗಲ್ಪುರದಲ್ಲಿರುವ ತಮ್ಮ ಅಪಾರ್ಟ್‌ಮೆಂಟ್‌ನಲ್ಲಿ ನೇಣಿಗೆ ಶರಣಾಗಿರುವುದಾಗಿ ಪೊಲೀಸರು ಮಾಹಿತಿ ನೀಡಿದ್ದಾರೆ.

ಮಾಧ್ಯಮ ವರದಿಗಳ ಪ್ರಕಾರ, ಅಮೃತಾ ಆತ್ಮಹತ್ಯೆ ಮಾಡಿಕೊಳ್ಳುವ ಕೆಲವು ಗಂಟೆಗಳ ಮೊದಲು ತನ್ನ ವಾಟ್ಸಾಪ್ ಸ್ಟೇಟಸ್‌ನಲ್ಲಿ ರಹಸ್ಯವಾದ ಪೋಸ್ಟ್ ಒಂದನ್ನು ಹಂಚಿಕೊಂಡಿದ್ದು ‘ ಜೀವನವು ಎರಡು ದೋಣಿಗಳ ಮೇಲೆ ಸವಾರಿ ಮಾಡುತ್ತಿದೆ, ನಾನು ನಮ್ಮ ದೋಣಿಯನ್ನು ಮುಳುಗಿಸಿ ಅವನ ಹಾದಿಯನ್ನು ಸುಲಭಗೊಳಿಸಿದ್ದೇನೆ’ ಎಂದು ಬರೆದುಕೊಂಡಿದ್ದಾರೆ.

ಘಟನೆ ಸಂಬಂಧ ಜೋಗಸರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು, ಘಟನಾ ಸ್ಥಳಕ್ಕೆ ಬಂದು ಪರಿಶೀಲನೆ ನಡೆಸಿದ ಪೊಲೀಸರು ಎಫ್‌ಎಸ್‌ಎಲ್‌ ಮೂಲಕ ತನಿಖೆ ನಡೆಸಿದ್ದು, ಸ್ಥಳದಿಂದ ಕತ್ತಿನಲ್ಲಿದ್ದ ಸೀರೆ, ಮೊಬೈಲ್‌ ಮತ್ತಿತರ ವಸ್ತುಗಳನ್ನು ವಶಪಡಿಸಿಕೊಂಡಿದ್ದಾರೆ. ಸಂಜೆ ವೇಳೆ ಅಪಾರ್ಟ್‌ಮೆಂಟ್‌ನಲ್ಲಿ ಮಹಿಳೆಯೊಬ್ಬರು ಆತ್ಮಹತ್ಯೆ ಮಾಡಿಕೊಂಡಿರುವ ಬಗ್ಗೆ ಮಾಹಿತಿ ಲಭಿಸಿದೆ ಎಂದು ಪೊಲೀಸರು ತಿಳಿಸಿದ್ದಾರೆ. ಮಾಹಿತಿ ತಿಳಿದ ತಕ್ಷಣ ಎಸ್‌ಎಚ್‌ಒ ಕೃಷ್ಣ ನಂದನ್‌ಕುಮಾರ್‌ ಸಿಂಗ್‌, ಎಸ್‌ಐ ರಾಜೀವ್‌ ರಂಜನ್‌ ಮತ್ತು ಶಕ್ತಿ ಪಾಸ್ವಾನ್‌ ಸ್ಥಳಕ್ಕೆ ಧಾವಿಸಿದರು. ಫ್ಲಾಟ್ ತಲುಪಿದಾಗ, ಅಮೃತಾ ಅವರ ದೇಹವು ಹಾಸಿಗೆಯ ಮೇಲೆ ಬಿದ್ದಿರುವುದು ಕಂಡುಬಂದಿದೆ.

ಈ ಕುರಿತು ಕುಟುಂಬಸ್ಥರು ನೀಡಿದ ಮಾಹಿತಿಯಂತೆ ಶನಿವಾರ ಮಧ್ಯಾಹ್ನ ಅಮೃತಾ ಅವರ ಸಹೋದರಿ ಕೊನೆಗೆ ಹೋದ ವೇಳೆ ಅಮೃತಾ ನೇಣಿಗೆ ಶರಣಾಗಿದ್ದಳು ಇದನ್ನು ಕಂಡು ಗಾಬರಿಗೊಂಡ ಸಹೋದರಿ ಮನೆಯ ಇತರ ಸದಸ್ಯರಿಗೆ ಮಾಹಿತಿ ನೀಡಿದ್ದಾಳೆ ಕೂಡಲೇ ಕೊನೆಗೆ ಹೋದ ಸದಸ್ಯರು ಹರಿತವಾದ ಚಾಕುವಿನಿಂದ ಸೀರೆಯನ್ನು ಕತ್ತರಿಸಿದ್ದಾರೆ ಬಳಿಕ ಆಕೆಯನ್ನು ಹತ್ತಿರದ ಆಸ್ಪತ್ರೆಗೆ ಕರೆದೊಯ್ದಿದ್ದಾರೆ ಪರಿಶೀಲಿಸಿದ ವೈದ್ಯರು ಮೃತಪಟ್ಟಿರುವುದಾಗಿ ತಿಳಿಸಿದ್ದಾರೆ ಬಳಿಕ ಮೃತದೇಹವನ್ನು ಮನೆಗೆ ತಂದಿದ್ದಾರೆ.

2022 ರಲ್ಲಿ ಮದುವೆಯಾಗಿದ್ದ ಅಮೃತಾ:
ಅಮೃತಾ ಅವರು 2022 ರಲ್ಲಿ ಛತ್ತೀಸ್‌ಗಢದ ಬಿಲಾಸ್‌ಪುರದ ನಿವಾಸಿ ಚಂದ್ರಮಣಿ ಜಂಗಡ್ ಅವರನ್ನು ವಿವಾಹವಾಗಿದ್ದರು. ಅಲ್ಲದೆ ಪತಿ ಮುಂಬೈನಲ್ಲಿ ಅನಿಮೇಷನ್ ಇಂಜಿನಿಯರ್ ಆಗಿದ್ದು ದಂಪತಿಗೆ ಮಕ್ಕಳು ಆಗಿರಲಿಲ್ಲ ಎನ್ನಲಾಗಿದೆ.

ಸಹೋದರಿಯ ಹೇಳಿಕೆ ಪ್ರಕಾರ, ಅಮೃತಾ ತನ್ನ ವೃತ್ತಿಜೀವನದ ಬಗ್ಗೆ ತುಂಬಾ ಚಿಂತಿತರಾಗಿದ್ದರು. ಖಿನ್ನತೆಗೆ ಒಳಗಾಗಿದ್ದಳು. ಈ ಕಾರಣಕ್ಕಾಗಿ ಆಕೆಯೂ ಚಿಕಿತ್ಸೆ ಪಡೆಯುತ್ತಿದ್ದಳು ಆದರೆ ಕೆಲ ದಿನಗಳ ಹಿಂದೆ ಸಹೋದರಿಯ ಮದುವೆಯಾಗಿದ್ದು ಈ ವೇಳೆ ಲವಲವಿಕೆಯಿಂದಿದ್ದ ಅಮೃತಾಗೆ ಏನಾಯಿತು ಎಂಬುದು ತಿಳಿಯುತ್ತಿಲ್ಲ ಎಂದು ಹೇಳಿದ್ದಾರೆ.

ಭೋಜ್‌ಪುರಿ ಚಿತ್ರಗಳ ಹೊರತಾಗಿ, ಅಮೃತಾ ಕೆಲವು ವೆಬ್ ಸರಣಿಗಳಲ್ಲಿ ಕೆಲಸ ಮಾಡಿದ್ದರು. ನಟಿ ಅನೇಕ ಧಾರಾವಾಹಿಗಳು ಮತ್ತು ಚಲನಚಿತ್ರಗಳಲ್ಲಿಯೂ ಪಾತ್ರಗಳನ್ನು ನಿರ್ವಹಿಸಿದ್ದಾರೆ. ಇತ್ತೀಚೆಗಷ್ಟೇ ಅಮೃತಾ ಅವರ ಹಾರರ್ ವೆಬ್ ಸೀರೀಸ್ ಪ್ರತಿಶೋಧದ ಮೊದಲ ಭಾಗ ಬಿಡುಗಡೆಯಾಗಿದೆ.

ಘಟನೆ ಸಂಬಂಧ ಪೊಲೀಸರು ತನಿಖೆ ನಡೆಸುತ್ತಿದ್ದು ಇದರ ಬಳಿಕ ಹೆಚ್ಚಿನ ವಿವರ ಗೊತ್ತಾಗಲಿದೆ.

ಇದನ್ನೂ ಓದಿ: Licenses: ಪತಂಜಲಿಗೆ ಸೇರಿದ 14 ಉತ್ಪನ್ನಗಳ ಲೈಸೆನ್ಸ್ ರದ್ದು ಮಾಡಿದ ಸರಕಾರ.. ಇಲ್ಲಿದೆ ಕಾರಣ