ಕೋವಿಡ್ ಲಸಿಕೆ ಸಿಕ್ಕ ನಂತ್ರ ಈ ವ್ಯಕ್ತಿ ಮಾಡಿದ್ದೇನು ಗೊತ್ತಾ?

Team Udayavani, Mar 10, 2021, 7:32 PM IST

ಕೆನಡಾ : ಕೋವಿಡ್ ವೈರಸ್ ಜನರನ್ನು ಇನ್ನಿಲ್ಲದಂತೆ ಕಾಡಿದೆ. ಯಾವ ರೀತಿ ಬೇಸರ ತರಿಸಿತ್ತು ಅಂದ್ರೆ, ಜನರು ಒಂದು ಕಾಲದಲ್ಲಿ ನಾವು ಮನೆ ಬಿಟ್ಟು ಹೊರಗಡೆ ಯವಾಗಪ್ಪಾ ಹೋಗ್ತೇವೆ ಎಂಬಷ್ಟರ ಮಟ್ಟಿಗೆ ಕಾಡಿಸಿತ್ತು. ಜನರು ಪಾರ್ಕ್ ಗೆ ಹೋಗುವಂತಿರಲಿಲ್ಲ, ಮದುವೆ ಸಮಾರಂಭಗಳಲ್ಲಿ ಭಾಗಿಯಾಗುವಂತಿರಲಿಲ್ಲ, ಸ್ನೇಹಿತರ ಕೂಡಿ ಮಾತನಾಡುವಂತಿರಲಿಲ್ಲಿ. ಯಾವಗಲೂ ಮನೆಯಲ್ಲೇ ಇರುವಂತೆ ಮಾಡಿತ್ತು ಈ ಕೋವಿಡ್ ವೈರಸ್. ಸದ್ಯ ಸಮಾಧಾನಕರ ವಿಚಾರ ಅಂದ್ರೆ ವೈರಸ್ ಗೆ ಲಸಿಕೆ ಸಿಕ್ಕಿದ್ದು, ಮನೆಯಿಂದ ಹೊರಗಡೆ ಬಂದು ಮೊದಲಿನಂತೆ ಎಂಜಾಯ್ ಮಾಡುವ ಕಾಲ ಒದಗಿದೆ.

ಇದೇ ಖುಷಿಯನ್ನ ಕೆನಡಾ ವ್ಯಕ್ತಿಯೊಬ್ಬ ವಿಶೇಷವಾಗಿ ಸೆಲೆಬ್ರೇಟ್ ಮಾಡಿದ್ದಾರೆ. ಅವರು ಸಂಭ್ರಮಿಸಿರುವ ವಿಡಿಯೋ ಸಾಮಾಜಿಕ ಜಾಲತಣದಲ್ಲಿ ಸಿಕ್ಕಾಪಟ್ಟೆ ವೈರಲ್ ಆಗುತ್ತಿದೆ.

Yesterday evening I received my Covid-19 vaccine. Then I went to a frozen lake to dance Bhangra on it for joy, hope and positivity, which I’m forwarding across Canada and beyond for everyone’s health and wellbeing. pic.twitter.com/8BS0N7zVZK

— Gurdeep Pandher of Yukon (@GurdeepPandher) March 2, 2021

ಕೆನಡಾದ ಗುರುದೀಪ್ ಪಂಡರ್ ಎಂಬುವ ವ್ಯಕ್ತಿ ಕೋವಿಡ್ ಲಸಿಕೆ ಸಿಕ್ಕ ಖುಷಿಯನ್ನು ನೃತ್ಯ ಮಾಡುವ ಮೂಲಕ ಸಂಭ್ರಮಿಸಿದ್ದಾರೆ. ತಾವು ಮಂಜಿನಲ್ಲಿ ಡ್ಯಾನ್ಸ್ ಮಾಡಿರುವ ವಿಡಿಯೋವನ್ನು ಟ್ವಿಟ್ಟರ್ ನಲ್ಲಿ ಶೇರ್ ಮಾಡಿದ್ದು, ನಿನ್ನೆ ನನಗೆ ಕೋವಿಡ್ ವ್ಯಾಕ್ಸಿನ್ ಸಿಕ್ಕಿದೆ. ಅದ್ರಿಂದ ನಾನು ಮಂಜಿನಲ್ಲಿ ಭಾಂಗ್ರಾ ನೃತ್ಯ ಮಾಡುತ್ತಿದ್ದೇನೆ. ಇನ್ಮೇಲೆ ನಾನು ಕೆನಡಾದಲ್ಲಿ ಎಲ್ಲಿ ಬೇಕಾದರೂ ಹೋಗಬಹುದು ಎಂದು ಖುಷಿ ಹಂಚಿಕೊಂಡಿದ್ದಾರೆ.

ವಿಡಿಯೋ ಪೋಸ್ಟ್ ಮಾಡಿದ ಕೆಲವೇ ಹೊತ್ತಿನಲ್ಲಿ ವೈರಲ್ ಆಗಿದ್ದು, ಹಲವು ಮಂದಿ ಕಮೆಂಟ್ ಮಾಡುತ್ತಿದ್ದಾರೆ. ಅಮೆರಿಕಾದ ಒಬ್ಬ ವ್ಯಕ್ತಿ ಕಮೆಂಟ್ ಮಾಡಿದ್ದು, ನಾನು ನಿಮ್ಮ ವಿಡಿಯೋವನ್ನು ನೋಡಿದೆ. ಇಡೀ ದಿನ ನಾನು ಅದರ ಗುಂಗಿನಲ್ಲೇ ಇದ್ದೇನೆ. ನೀವು ನನಗೆ ಇಷ್ಟವಾದ ವ್ಯಕ್ತಿ ಎಂದು ಬರೆದಿದ್ದಾರೆ.