ISRO: ನಾಳೆ ಚಂದ್ರಯಾನ-3 ಉಡಾವಣೆ

Team Udayavani, Jul 13, 2023, 7:18 AM IST

ನವದೆಹಲಿ: ಭಾರತದ ಬಹುನಿರೀಕ್ಷಿತ ಬಾಹ್ಯಾಕಾಶ ಯೋಜನೆ ಚಂದ್ರಯಾನ-3ರ ಉಡಾವಣೆಗೆ ದಿನಗಣನೆ ಆರಂಭವಾಗಿದ್ದು, ನಾಳೆ ಅಂದರೆ ಜುಲೈ 14ರ ಶುಕ್ರವಾರ­ದಂದು ಶ್ರೀಹರಿಕೋಟದಿಂದ ಬಾಹ್ಯಾಕಾಶ ನೌಕೆ ನಭಕ್ಕೆ ಹಾರಲಿದೆ.

ಸತೀಶ್‌ ಧವನ್‌ ಬಾಹ್ಯಾಕಾಶ ಕೇಂದ್ರದಿಂದ ಮಧ್ಯಾಹ್ನ 2.35ಕ್ಕೆ ಬಾಹ್ಯಾಕಾಶ ನೌಕೆ ಉಡಾವಣೆಗೊಳ್ಳಲಿದ್ದು, “ಫ್ಯಾಟ್‌ ಬಾಯ್‌’ ಎಂದು ಕರೆಯಲ್ಪಡುವ ಎಲ್‌ವಿಎಂ3- ಎಂ4 ರಾಕೆಟ್‌ ಉಪಗ್ರಹವನ್ನು ಹೊತ್ತೂಯ್ಯ­ಲಿದೆ. ಇದು ಸತತ 6 ಯಶಸ್ವಿ ಕಾರ್ಯಾಚರಣೆಗಳನ್ನು ಪೂರೈಸಿದೆ ಎಂದು ಭಾರತೀಯ ಬಾಹ್ಯಾಕಾಶ ಸಂಶೋಧನಾ ಸಂಸ್ಥೆ (ಇಸ್ರೋ) ತಿಳಿಸಿದೆ. ಅಲ್ಲದೇ, ಜಿಯೋ ಟ್ರಾನ್ಸ್‌ಫ‌ರ್‌ ಆರ್ಬಿಟ್‌( ಜಿಟಿಒ)ಗೆ ಬಾಹ್ಯಾಕಾಶ ನೌಕೆಯನ್ನು ಉಡಾ­ವಣೆ­ಗೊಳಿಸಲು ಉದ್ದೇಶಿಸಿರುವ, ಎಲ್‌ವಿಎಂ3- ಎಂ4 ನಡೆಸುತ್ತಿರುವ 4ನೇ ಕಾರ್ಯಾ­ಚರಣೆ ಇದಾಗಿದ್ದು, ಚಂದ್ರಯಾನ -3ರ ಬಾಹ್ಯಾ­ಕಾಶ ನೌಕೆಯನ್ನು ಯಶಸ್ವಿಯಾಗಿ ಕಕ್ಷೆಗೆ ಸೇರ್ಪಡೆ­ಗೊಳಿಸಲಿದೆ ಎಂದು ಇಸ್ರೋ ವಿಶ್ವಾಸ ವ್ಯಕ್ತಪಡಿಸಿದೆ.

ಈಗಾಗಲೇ ಉಡಾವಣಾ ಪೂರ್ವಾಭ್ಯಾಸವನ್ನು ಇಸ್ರೋ ಪೂರ್ಣಗೊಳಿಸಿದೆ. ಚಂದ್ರಯಾನ-2ರಲ್ಲಿ ಆದಂಥ ತಾಂತ್ರಿಕ ದೋಷಗಳನ್ನು ಪರಿಹರಿಸಿ ಚಂದ್ರಯಾನ-3ನ್ನು ಸಜ್ಜು­ಗೊಳಿಸಿದೆ. ಉಪಗ್ರಹ ಉಡಾವಣೆಯಾದ ಬಳಿಕ ಆಗಸ್ಟ್‌ 23-24ರ ವೇಳೆಗೆ ಚಂದ್ರನ ಮೇಲ್ಮೆ„ನಲ್ಲಿ ಸುರಕ್ಷಿತ ಲ್ಯಾಂಡಿಂಗ್‌ ಸಾಧಿಸುವ ಗುರಿಯನ್ನು ಮಿಷನ್‌ ಹೊಂದಿದೆ.