ಹಾಂಕಾಂಗ್‌ ಪರ ವಕಾಲತ್ತು ವಹಿಸಿದ್ರೆ ಇಂಗ್ಲೆಂಡನ್ನು ಕುರುಡಾಗಿಸುತ್ತೇವೆ: ಚೀನಾ

Team Udayavani, Nov 21, 2020, 10:02 PM IST

ಲಂಡನ್‌: ಹಾಂಕಾಂಗ್‌ ವಿಚಾರದಲ್ಲಿ ವಕಾಲತ್ತು ವಹಿಸಲು ಬಂದರೆ, ಇಂಗ್ಲೆಂಡ್‌ ಮತ್ತು ಅದರ “ಫೈವ್‌ ಐಸ್‌’ ಮೈತ್ರಿಯ ಕಣ್ಣುಗಳನ್ನೇ ಕೀಳಬೇಕಾಗುತ್ತದೆ ಎಂದು ಕುತಂತ್ರಿ ಚೀನಾ ಅಮಾನುಷ ಎಚ್ಚರಿಕೆ ರವಾನಿಸಿದೆ.

ಹಾಂಕಾಂಗ್‌ ಪಾರ್ಲಿಮೆಂಟ್‌ನಿಂದ ಪ್ರಜಾಪ್ರಭುತ್ವ ಪರ ನಿಲುವು ಹೊಂದಿದ್ದ ನಾಲ್ವರು ಸಂಸದರನ್ನು ಏಕಾಏಕಿಯಾಗಿ ಹೊರಹಾಕಿದ್ದಕ್ಕೆ ಇಂಗ್ಲೆಂಡ್‌, ಅಮೆರಿಕ, ಆಸ್ಟ್ರೇಲಿಯಾ, ಕೆನಡಾ ಮತ್ತು ನ್ಯೂಜಿಲೆಂಡ್‌ ಒಳಗೊಂಡ “ದಿ ಫೈವ್‌ ಐಸ್‌’ ಮೈತ್ರಿ ಖಂಡಿಸಿದ ಬೆನ್ನಲ್ಲೇ ಚೀನಾ ಈ ಕಟು ಹೇಳಿಕೆ ನೀಡಿದೆ.

“ಚೀನಾ ಯಾವತ್ತೂ ಸಮಸ್ಯೆ ಸೃಷ್ಟಿಸುವುದಿಲ್ಲ, ಯಾವುದಕ್ಕೂ ಹಿಂಜರಿಯುವುದೂ ಇಲ್ಲ. ಆ ಮೈತ್ರಿಗೆ 5 ಕಣ್ಣುಗಳೇ ಇರಲಿ, 10 ಕಣ್ಣುಗಳೇ ಇರಲಿ… ಚೀನಾದ ಸಾರ್ವಭೌಮತ್ವ, ಭದ್ರತೆ ಮತ್ತು ಅಭಿವೃದ್ಧಿಯ ಹಿತಾಸಕ್ತಿಗೆ ದಕ್ಕೆ ತರಲು ಯತ್ನಿಸಿದರೆ ಅವರ ಕಣ್ಣುಗಳನ್ನು ಕುರುಡಾಗಿಸಬೇಕಾಗುತ್ತದೆ’ ಎಂದು ಚೀನಾ ವಿದೇಶಾಂಗ ಸಚಿವಾಲಯ ವಕ್ತಾರ ಝಾವೋ ಲಿಜಿಯಾನ್‌ ಎಚ್ಚರಿಸಿದ್ದಾರೆ.

ಇದನ್ನೂ ಓದಿ:ಕೋವಿಡ್ ಸೋಂಕಿತರ ಸಮಸ್ಯೆಗೆ ಔಷಧಿ ಸಂಶೋಧನೆ: ಭಾರತೀಯ ಮೂಲದ ವೈದ್ಯೆಯ ಸಾಧನೆ !