ಕುಟುಂಬ ಸದಸ್ಯರ ಮಾನಹಾನಿಕರ ವೀಡಿಯೋ ವೈರಲ್‌: ಯುವಕ ಆತ್ಮಹತ್ಯೆ

Team Udayavani, Jul 5, 2023, 5:16 AM IST

ಮೂಡುಬಿದಿರೆ: ಕುಟುಂಬದ ಸದಸ್ಯರೊಬ್ಬರ ಬಗೆಗಿನ ಮಾನಹಾನಿಕರ ವೀಡಿಯೋ ವೈರಲ್‌ ಪ್ರಕರಣದಿಂದ ಮನನೊಂದು ಯುವಕನೊಬ್ಬ ಸೋಮವಾರ ರಾತ್ರಿ ಆತ್ಮಹತ್ಯೆ ಮಾಡಿಕೊಂಡ ಘಟನೆ ಪುರಸಭೆ ವ್ಯಾಪ್ತಿಯ ಬಗ್ಗಜಾಲ್‌ ಸುವರ್ಣನಗರದಲ್ಲಿ ಸಂಭವಿಸಿದೆ.

ಮೂಡುಬಿದಿರೆ ದ್ವಿಚಕ್ರ ವಾಹನ ಶೋರೂಂ ಉದ್ಯೋಗಿ ಸುಮಂತ್‌ ಕುಮಾರ್‌ (21) ಆತ್ಮಹತ್ಯೆ ಮಾಡಿಕೊಂಡ ಯುವಕ. ಕೆಲವು ದಿನಗಳ ಹಿಂದೆ ಆತನ ಕುಟುಂಬದ ಸದಸ್ಯರೊಬ್ಬರ ಮಾನಹಾನಿಕರ ವೀಡಿಯೋ ಮಾಡಿ ವೈರಲ್‌ ಮಾಡಲಾಗಿತ್ತು. ಮನನೊಂದ ಸುಮಂತ್‌ ಸೋಮವಾರ ರಾತ್ರಿ ಮನೆಯಲ್ಲಿ ಆತ್ಮಹತ್ಯೆ ಮಾಡಿಕೊಂಡಿದ್ದಾನೆ. ಸ್ಥಳೀಯ ಶಿಕ್ಷಣ ಸಂಸ್ಥೆಯೊಂದರಲ್ಲಿ ಕೆಲಸದಲ್ಲಿರುವ ತಾಯಿ ಮನೆಗೆ ಮರಳಿದಾಗ ಪ್ರಕರಣ ಬೆಳಕಿಗೆ ಬಂದಿದೆ.

ಪ್ರಕರಣಕ್ಕೆ ಸಂಬಂಧಿಸಿ ಆರೋಪಿ ಮಿಜಾರಿನ ಶಾಂತಿಗಿರಿ ನಿವಾಸಿ ಜಯನನ್ನು ಪೊಲೀಸರು ವಶಕ್ಕೆ ತೆಗೆದುಕೊಂಡಿದ್ದು, 15 ದಿನಗಳ ನ್ಯಾಯಾಂಗ ಬಂಧನ ವಿಧಿಸಲಾಗಿದೆ. 2022ರಲ್ಲಿ ಆರೋಪಿಯು ವೀಡಿಯೋ ಚಿತ್ರೀಕರಿಸಿ ಬ್ಲಾಕ್‌ವೆುàಲ್‌ ಮಾಡುತ್ತಿದ್ದ ಎಂದು ಮೂಲ ಗಳು ತಿಳಿಸಿವೆ. ಮೂಡುಬಿದಿರೆ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.