BJPಯಿಂದ DMK ಫೈಲ್ಸ್‌ ರಿಲೀಸ್‌!

Team Udayavani, Apr 15, 2023, 7:42 AM IST

ಚೆನ್ನೈ: ಕಾಂಗ್ರೆಸ್‌ ಫೈಲ್ಸ್‌ ಮೂಲಕ ಕಾಂಗ್ರೆಸ್‌ ಸರಕಾರದ ಹಗರಣಗಳ ಆರೋಪ ಪಟ್ಟಿ ಬಿಚ್ಚಿಟ್ಟಿದ್ದ ಬಿಜೆಪಿ, ಈಗ ತಮಿಳುನಾಡಿನ ಡಿಎಂಕೆ ಪಕ್ಷದ ಹಗರಣಗಳ ಪಟ್ಟಿ ತೆರೆದಿಡಲು ಮುಂದಾಗಿದೆ. ತಮಿಳುನಾಡು ಬಿಜೆಪಿ ಘಟಕದ ಅಧ್ಯಕ್ಷ ಕೆ. ಅಣ್ಣಾಮಲೈ ಡಿಎಂಕೆ ಫೈಲ್ಸ್‌ ಬಿಡುಗಡೆಗೊಳಿಸಿದ್ದು, ಸಿಎಂ ಸ್ಟಾಲಿನ್‌ ಅವರು 200 ಕೋಟಿ ರೂ.ಗಳ ಲಂಚ ಪಡೆದಿರುವುದಾಗಿ ಆರೋಪಿಸಿದ್ದಾರೆ.

2006ರಿಂದ 2011ರ ಡಿಎಂಕೆ ಆಡಳಿತಾವಧಿಯಲ್ಲಿ ಚೆನ್ನೈ ಮೆಟ್ರೋ ರೈಲು ಯೋಜನೆ ಹಂತ 1 ಅನ್ನು ಕಾರ್ಯಗೊತಗಳಿಸುವ ಬಿಡ್‌ನ‌ಲ್ಲಿ ಗೆದ್ದಿದ್ದ ಬಹುರಾಷ್ಟ್ರೀಯ ಕಂಪೆನಿಯು ತಾನು ಬಿಡ್‌ ಗೆಲ್ಲುವುದಕ್ಕಾಗಿ ಸಿಎಂ ಸ್ಟಾಲಿನ್‌ ಅವರಿಗೆ 200 ಕೋಟಿ ರೂ.ಗಳ ಲಂಚ ನೀಡಿದೆ. ಅಲ್ಲದೇ ಡಿಎಂಕೆಯ ವಿವಿಧ ನಾಯಕರು ಒಟ್ಟಾರೆ 1.34 ಲಕ್ಷ ಕೋಟಿ ರೂ.ಗಳಷ್ಟು ಅಕ್ರಮ ಆಸ್ತಿ ಹೊಂದಿದ್ದಾರೆ. ಈ ಸಂಬಂಧ ಸಿಬಿಐ ತನಿಖೆ ನಡೆಸುವಂತೆ ಕೋರಿ ದೂರು ದಾಖಲಿಸುತ್ತೇನೆ ಎಂದಿದ್ದಾರೆ. ಇತ್ತ ಆರೋಪಗಳನ್ನು ಡಿಎಂಕೆ ತಳ್ಳಿ ಹಾಕಿದ್ದು, ಸಂಸದರಾದ ಆರ್‌.ಎಸ್‌. ಭಾರತಿ ಅವರು ಅಣ್ಣಾಮಲೈ ಆರೋಪ “ಒಂದು ಜೋಕ್‌’ ಎಂದಿದ್ದಾರೆ.