ಇಂಗ್ಲೆಂಡ್‌ ಸ್ಥಳೀಯ ಚುನಾವಣೆ ಕನ್ಸರ್ವೇಟಿವ್‌ ಪಕ್ಷಕ್ಕೆ ಸೋಲು

Team Udayavani, May 7, 2023, 8:00 AM IST

ಲಂಡನ್‌: ಬ್ರಿಟನ್‌ ಪ್ರಧಾನಿ ರಿಷಿ ಸುನಕ್‌ ನೇತೃತ್ವದ ಕನ್ಸರ್ವೇಟಿವ್‌ ಪಕ್ಷ ಇಂಗ್ಲೆಂಡ್‌ನ‌ ಸ್ಥಳೀಯ ಚುನಾವಣೆಯಲ್ಲಿ ತೀವ್ರ ಹಿನ್ನೆಡೆ ಅನುಭವಿಸಿದೆ. 2002ರ ಬಳಿಕ ಇದೇ ಮೊದಲಬಾರಿಗೆ ಪ್ರತಿಪಕ್ಷ ಲೇಬರ್‌ ಪಕ್ಷವು ಸ್ಥಳೀಯ ಚುನಾವಣೆಯಲ್ಲಿ ಕನ್ಸರ್ವೇಟಿವ್‌ ಪಕ್ಷವನ್ನು ಹಿಂದಿಕ್ಕಿದೆ.

ಇಂಗ್ಲೆಂಡ್‌ನ‌ 48 ಕೌನ್ಸಿಲ್‌ ಸ್ಥಾನಗಳಲ್ಲಿ ಕನ್ಸರ್ವೇಟಿವ್‌ ಪಕ್ಷ ಸೋತಿದ್ದು, ಇದರಿಂದ 1 ಸಾವಿರಕ್ಕೂ ಅಧಿಕ ಕೌನ್ಸಿಲರ್‌ಗಳನ್ನು ಕಳೆದುಕೊಂಡಂತಾಗಿದೆ. ಆಡಳಿತಾರೂಢ ಪಕ್ಷದ ಈ ಹಿನ್ನೆಡೆಗೆ ನೇರ ಪ್ರಧಾನ ಮಂತ್ರಿಯನ್ನೇ ಹೊಣೆಯಾಗಿದೆ. ರಿಷಿ ಸುನಕ್‌ ಪ್ರಧಾನಿಯಾಗುವುದಕ್ಕೆ ಅರ್ಹರಲ್ಲ ಎಂಬುದಕ್ಕೆ ಲಂಡನ್‌ ಜನತೆ ಈ ರೀತಿ ಸಾಕ್ಷ್ಯ ನೀಡಿದ್ದಾರೆ. ಇದು ಅವರ ಆಡಳಿತದ ಬಗ್ಗೆ ಜನರಿಗಿರುವ ಸ್ಪಷ್ಟ ನಿರಾಕಾರ ಎಂದು ಲೇಬರ್‌ ವಕ್ತಾರ ಕೇರ್‌ ಸ್ಟ್ರಾಮರ್‌ ಹೇಳಿದ್ದಾರೆ. ಅಲ್ಲದೆ, ಮುಂದಿನ ಸಾರ್ವತ್ರಿಕ ಚುನಾವಣೆಯಲ್ಲಿ ಗೆಲುವು ಯಾರನ್ನು ಅರಸಲಿದೆ ಎಂಬುದಕ್ಕೆ ಇದೇ ಸಾಕ್ಷಿ ಎಂದೂ ರಿಷಿ ಅವರನ್ನು ಲೇವಡಿ ಮಾಡಿದ್ದಾರೆ.