21 ನೇ ಶತಮಾನದಲ್ಲೂ ಹುಡುಗಿಯರನ್ನು ಸರಕು ಎಂದು ಪರಿಗಣಿಸಲಾಗಿದೆ : ಬಾಂಬೆ ಹೈಕೋರ್ಟ್

Team Udayavani, Feb 15, 2023, 3:53 PM IST

ಮುಂಬಯಿ : 21 ನೇ ಶತಮಾನದಲ್ಲೂ ಹುಡುಗಿಯರನ್ನು ಸರಕು ಎಂದು ಪರಿಗಣಿಸಲಾಗಿದೆ ಮತ್ತು ಆರ್ಥಿಕ ಲಾಭಕ್ಕಾಗಿ ಮಾಧ್ಯಮವಾಗಿ ಬಳಸಲಾಗುತ್ತಿದೆ ಬಾಂಬೆ ಹೈಕೋರ್ಟ್ ಹೇಳಿದೆ.

ಒಂದು ವರ್ಷದ ಮಗುವನ್ನು “ಖರೀದಿಸಿದ” ಮಹಿಳೆಗೆ ಜಾಮೀನು ನೀಡುವ ವೇಳೆ ಹೈಕೋರ್ಟ್ ನ ನ್ಯಾಯಮೂರ್ತಿ ಎಸ್ ಎಂ ಮೋದಕ್ ಅವರ ಏಕ ಪೀಠವು ಈ ಅಭಿಪ್ರಾಯ ಹೊರ ಹಾಕಿದೆ.

“ನೈತಿಕತೆ ಮತ್ತು ಮಾನವ ಹಕ್ಕುಗಳ ತತ್ವಗಳ” ಪರಿಭಾಷೆಯಲ್ಲಿ ಒಂದು ವರ್ಷದ ಹೆಣ್ಣು ಮಗುವನ್ನು ಆಕೆಯ ತಾಯಿ ಮಾರಾಟ ಮಾಡಿರುವುದು ಅತ್ಯಂತ ಆಕ್ಷೇಪಾರ್ಹವಾಗಿದೆ ಎಂದು ಫೆಬ್ರವರಿ 8 ರಂದು 45 ರಿಂದ ಸಲ್ಲಿಸಿದ ಜಾಮೀನು ಅರ್ಜಿಯ ಆದೇಶದಲ್ಲಿ ಹೇಳಿದೆ. ಅಶ್ವಿನಿ ಬಾಬರ್ ಎಂಬಾಕೆಯನ್ನು ಕಳೆದ ವರ್ಷ ಮಹಾರಾಷ್ಟ್ರದ ಸತಾರಾ ಪೊಲೀಸರು ಬಂಧಿಸಿದ್ದರು.

ತಾಯಿ ಸಾಲವನ್ನು ಮರುಪಾವತಿಸಿದ ನಂತರ ಆರೋಪಿ ದಂಪತಿಗಳು ಮಗುವನ್ನು ಹಿಂದಿರುಗಿಸಲು ನಿರಾಕರಿಸಿದಾಗ,ಪೊಲೀಸ್ ದೂರು ದಾಖಲಿಸಲಾಗಿತ್ತು. ನಂತರ ಹೆಣ್ಣು ಮಗುವನ್ನು ತಾಯಿಗೆ ಹಿಂತಿರುಗಿಸಲಾಗಿದೆ.