ಕಾಶ್ಮೀರ ಮಾಜಿ ಸಿಎಂಗಳಿಗೆ ನೀಡಲಾಗಿದ್ದ ವಿಶೇಷ ಭದ್ರತೆ ಹಿಂಪಡೆಯಲು ಕೇಂದ್ರ ಚಿಂತನೆ

Team Udayavani, Jan 6, 2022, 7:59 PM IST

ಶ್ರೀನಗರ/ನವದೆಹಲಿ: ಹಿಂದಿನ ಜಮ್ಮು ಮತ್ತು ಕಾಶ್ಮೀರ ರಾಜ್ಯದ ನಾಲ್ವರು ಮಾಜಿ ಮುಖ್ಯಮಂತ್ರಿಗಳಿಗೆ ವಿಶೇಷ ಭದ್ರತಾ ಗುಂಪಿನ (ಎಸ್‌ಎಸ್‌ಜಿ) ವತಿಯಿಂದ ನೀಡವಾಗುವ ಭದ್ರತೆಯನ್ನು ವಾಪಸ್‌ ಪಡೆಯಲು ಕೇಂದ್ರ ಸರ್ಕಾರ ಚಿಂತನೆ ನಡೆಸಿದೆ.

ಡಾ.ಫಾರೂಕ್‌ ಅಬ್ದುಲ್ಲಾ, ಒಮರ್‌ ಅಬ್ದುಲ್ಲಾ, ಗುಲಾಂ ನಬಿ ಆಜಾದ್‌, ಮೆಹಬೂಬಾ ಮುಫ್ತಿ ಅವರಿಗೆ ಈ ಭದ್ರತೆ ನೀಡಲಾಗುತ್ತಿದೆ. ಜಮ್ಮು ಮತ್ತು ಕಾಶ್ಮೀರ ಪುನರ್‌ ರಚನಾ ಕಾಯ್ದೆ (ರಾಜ್ಯ ಕಾಯ್ದೆಗಳ ಸ್ವೀಕೃತಿ) ಆದೇಶ 2020ಕ್ಕೆ ಕೇಂದ್ರ ಸರ್ಕಾರ 2020 ಮಾ.31ರಂದು ಅನುಮೋದನೆ ನೀಡಿ 19 ತಿಂಗಳು ಕಳೆದ ಬಳಿಕ ಈ ತೀರ್ಮಾನ ಪ್ರಕಟಿಸಲಾಗಿದೆ.

ಪರಿಷ್ಕೃತ ಕಾಯ್ದೆಯಲ್ಲಿ ಮಾಜಿ ಮುಖ್ಯಮಂತ್ರಿಗಳು ಮತ್ತು ಅವರ ಕುಟುಂಬ ಸದಸ್ಯರಿಗೆ ಎಸ್‌ಎಸ್‌ಜಿ ವತಿಯಿಂದ ಭದ್ರತೆ ನೀಡುವ ಅಂಶವನ್ನು ತೆಗೆದು ಹಾಕಲಾಗಿತ್ತು.

ಇದನ್ನೂ ಓದಿ : ರಾಜ್ಯದಲ್ಲಿ ಇಂದು 5,031 ಹೊಸ ಕೇಸ್ : ಬೆಂಗಳೂರಿನ ಪಾಸಿಟಿವಿಟಿ ದರ 7.5% ಕ್ಕೆ ಏರಿಕೆ