ರೇಷ್ಮಾ ನಾಣಯ್ಯ ಗ್ಲಾಮರಸ್‌ ಫೋಟೋಶೂಟ್‌

Team Udayavani, Jan 7, 2021, 12:45 PM IST

“ಏಕ್‌ಲವ್ಯ’ ಚಿತ್ರದ ಮೂಲಕ ಬಣ್ಣದ ಲೋಕಕ್ಕೆ ಎಂಟ್ರಿಕೊಟ್ಟಿರುವ ರೇಷ್ಮಾ ನಾಣಯ್ಯ ಈಗ ಹೊಸ ಸಿನಿಮಾದಲ್ಲಿ ಬಿಝಿಯಾಗಿದ್ದಾರೆ. ಆ ದಿನಗಳು ಚೇತನ್‌ ನಾಯಕರಾಗಿರುವ “ಮಾರ್ಗ’ ಚಿತ್ರದಲ್ಲೂ ರೀಷಾ ನಾಯಕಿ. ಈಗ ರೇಷ್ಮಾ ಕಲರ್‌ಫ‌ುಲ್‌ ಆಗಿ ಫೋಟೋಶೂಟ್‌ ವೊಂದನ್ನು ಮಾಡಿಸಿದ್ದಾರೆ. ಈ ಮೂಲಕ ಸ್ಟೈಲಿಶ್‌ ಆಗಿ ಮಿಂಚಿದ್ದಾರೆ. ಸದ್ಯ “ಏಕ್‌ ಲವ್ಯ’ ಚಿತ್ರೀಕರಣ ಮುಗಿಸಿರುವ ರೀಷಾ, “ಮಾರ್ಗ’ ಚಿತ್ರೀಕರಣಕ್ಕೆ ಅಣಿಯಾಗುತ್ತಿದ್ದಾರೆ.

ಇವತ್ತು ಬೇರೆ ಬೇರೆ ಭಾಷೆಯ ಚಿತ್ರರಂಗದಲ್ಲಿ ಬಿಝಿಯಾಗಿರುವ ಅದೆಷ್ಟೋ ನಾಯಕಿ ನಟಿಯರಿಗೆ ಮೊದಲ ಅವಕಾಶ ಕಲ್ಪಿಸಿರೋದು ಮಾಡೆಲಿಂಗ್‌ ಹಾಗೂ ಕಾಲೇಜಿನಲ್ಲಿ ನಡೆಸುವ ಬ್ಯೂಟಿ ಕಾಂಪಿಟೇಶನ್‌. ರೀಷಾಗೂ “ಏಕಲವ್ಯ’ ಚಿತ್ರದಲ್ಲಿ ಅವಕಾಶ ನೀಡಿದ್ದು ಬ್ಯೂಟಿ ಕಾಂಪಿಟೇಶನ್‌. ರೀಷಾ ಭಾಗವಹಿಸಿದ್ದ ಬ್ಯೂಟಿ ಕಾಂಪಿಟೇಶನ್‌ವೊಂದನ್ನು ನೋಡಿದ ಪ್ರೇಮ್‌, ಆಡಿಷನ್‌ ಮಾಡಿ ಚಿತ್ರಕ್ಕೆ ನಾಯಕಿಯನ್ನಾಗಿ ಆಯ್ಕೆ ಮಾಡಿದರಂತೆ. ಚಿತ್ರಕ್ಕೆ ಆಯ್ಕೆಯಾದ ನಂತರ ರೀಷಾ ನಾಗತಿಹಳ್ಳಿ ಟೆಂಟ್‌ ಸ್ಕೂಲ್‌ ಗೆ ಸೇರಿ ನಟನೆಯ ತರಬೇತಿ ಕಲಿತರಂತೆ.

ಜೊತೆಗೆ ಪ್ರೇಮ್‌ ಕೂಡಾ ತಮ್ಮ ಚಿತ್ರಕ್ಕೆ ಬೇಕಾದ ದೃಶ್ಯಗಳ ರಿಹರ್ಸಲ್‌ ನಡೆಸಿ ರೆಡಿ ಮಾಡಿಸಿದರಂತೆ. ಎಲ್ಲಾ ಓಕೆ, ಈ ಚಿತ್ರದಲ್ಲಿ
ರೇಷ್ಮಾ ಪಾತ್ರವೇನು ಎಂದು ನೀವು ಕೇಳಬಹುದು. ಅದಕ್ಕೆ ಈಗಲೇ ಉತ್ತರವಿಲ್ಲ. ಏಕೆಂದರೆ ಪ್ರೇಮ್‌ ಯಾರಿಗೂ ಕಥೆ ಹೇಳುವುದಿಲ್ಲ. ರೇಷ್ಮಾ ಗೂ ಪಾತ್ರದ ಬಗ್ಗೆ ಸ್ವಲ್ಪ ಹೇಳಿದ್ದು ಬಿಟ್ಟರೆ ಮಿಕ್ಕಂತೆ ಯಾವ ಅಂಶವೂ ಗೊತ್ತಿಲ್ಲ. “ಸದ್ಯಕ್ಕೆ ಸಿನಿಮಾ ಬಗ್ಗೆ ಏನೂ ಹೇಳುವುದಿಲ್ಲ. ಕ್ಯಾಮರಾ ಮುಂದೆ ಆತ್ಮವಿಶ್ವಾಸದಿಂದ ನಿಲ್ಲುವುದನ್ನಷ್ಟೇ ಕಲಿತಿದ್ದೇನೆ’ ಎನ್ನುವುದು ರೇಷ್ಮಾ .