Google ರಿವ್ಯೂ ಟಾಸ್ಕ್: 4.08 ಲ.ರೂ. ವಂಚನೆ

Team Udayavani, Jun 29, 2023, 5:24 AM IST

ಮಂಗಳೂರು: ಆನ್‌ಲೈನ್‌ ಗೂಗಲ್‌ ರಿವ್ಯೂ ಟಾಸ್ಕ್ ನೀಡಿ 4.08 ಲಕ್ಷ ರೂ. ವಂಚಿಸಿರುವ ಕುರಿತಂತೆ ಸೆನ್‌ ಠಾಣೆಯಲ್ಲಿ ದೂರು ದಾಖಲಾಗಿದೆ.

ದೂರುದಾರರಿಗೆ ಜೂ. 26ರಂದು ಅಪರಿಚಿತ ವ್ಯಕ್ತಿಯೊಬ್ಬ ವಾಟ್ಸ್‌ ಆ್ಯಪ್‌ಗೆ ಸಂದೇಶ ಕಳುಹಿಸಿ, ಆನ್‌ಲೈನ್‌ ಗೂಗಲ್‌ ರಿವ್ಯೂ ಟಾಸ್ಕ್ ಮಾಡಿದರೆ ಕಮಿಷನ್‌ ನೀಡುವುದಾಗಿ ತಿಳಿಸಿದ್ದಾನೆ. ಇದನ್ನು ನಂಬಿದ ಅವರು ಹಂತ-ಹಂತವಾಗಿ ತಮ್ಮ ವಿವಿಧ ಬ್ಯಾಂಕ್‌ ಖಾತೆಯಿಂದ 4,08,000 ರೂ. ಪಾವತಿಸಿದ್ದಾರೆ. ಆದರೆ ಬಳಿಕ ಕಮಿಷನ್‌ ಹಣವಾಗಲೀ, ಪಾವತಿಸಿದ ಹಣವಾಗಲೀ ವಾಪಸು ನೀಡದೆ ವಂಚನೆ ಮಾಡಿದ್ದಾನೆ ಎಂದು ದೂರಿನಲ್ಲಿ ತಿಳಿಸಲಾಗಿದೆ.

ಉದ್ಯೋಗ ಆಮಿಷ: 1.12 ಲ.ರೂ. ವಂಚನೆ
ಮಂಗಳೂರು: ಉದ್ಯೋಗ ನೀಡುವುದಾಗಿ ನಂಬಿಸಿ ಹಣ ವರ್ಗಾಯಿಸಿಕೊಂಡು ವಂಚಿಸಿರುವ ಬಗ್ಗೆ ಮಂಗಳೂರಿನ ಸೆನ್‌ ಅಪರಾಧ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
ದೂರುದಾರರ ಇ-ಮೇಲ್‌ಗೆ ಅಪರಿಚಿತನೋರ್ವ [email protected] ನಿಂದ ಮಾ. 18ರಂದು ವಿದೇಶದಲ್ಲಿ ಉದ್ಯೋಗದ ಬಗ್ಗೆ ಸಂದೇಶ ಕಳುಹಿಸಿದ್ದ. ಅನಂತರ ಆಫ‌ರ್‌ ಲೆಟರ್‌ ಕಳುಹಿಸಿದ್ದ. ಅನಂತರ ನೇಮಕಾತಿ ಸಂಬಂಧವಾಗಿ ಠೇವಣಿ ಹಣ ನೀಡಬೇಕೆಂದು ತಿಳಿಸಿ ಹಂತ ಹಂತವಾಗಿ ಒಟ್ಟು 1,12,760 ರೂ.ಗಳನ್ನು ವರ್ಗಾಯಿಸಿಕೊಂಡು ವಂಚಿಸಿದ್ದಾನೆ ಎಂದು ದೂರಲಾಗಿದೆ.