ಹೃತಿಕ್ ರೋಷನ್ ಕೈ ಹಿಡಿದುಕೊಂಡು ಹೋದ ಮಹಿಳೆ ಯಾರು? ಕುತೂಹಲ

Team Udayavani, Jan 30, 2022, 5:29 PM IST

ಮುಂಬಯಿ: ಬಾಲಿವುಡ್ ಖ್ಯಾತ ನಟ ಹೃತಿಕ್ ರೋಷನ್ ಮಹಿಳೆಯೊಬ್ಬರ ಕೈ ಹಿಡಿದುಕೊಂಡು ಶನಿವಾರ ರಾತ್ರಿ ಮುಂಬೈನ ರೆಸ್ಟೊರೆಂಟ್‌ನಿಂದ ಹೊರಬರುವುದನ್ನು ಸುದ್ದಿಗಾರರು ಗಮನಿಸಿದ್ದಾರೆ.

ಹೃತಿಕ್ ರೋಷನ್ ಬಿಳಿ ಶರ್ಟ್ ಮತ್ತು ನೀಲಿ ಬಣ್ಣದ ಜಾಕೆಟ್ ನೊಂದಿಗೆ ಮಾಸ್ಕ್ ಧರಿಸಿದ್ದರು. ಮಹಿಳೆ ಸಡಿಲವಾದ ಪ್ಯಾಂಟ್ ಮತ್ತು ಕಪ್ಪು ಟಾಪ್ ಧರಿಸಿದ್ದರು. ಹೃತಿಕ್ ರೋಷನ್ ರೆಸ್ಟೊರೆಂಟ್‌ನಿಂದ ನಿರ್ಗಮಿಸುವ ವೇಳೆ ಮಹಿಳೆಯ ಕೈಯನ್ನು ಬಿಡದೆ ತನ್ನ ಕಾರಿನ ಕಡೆಗೆ ನಡೆದರು.

ಕಾರು ಚಾಲನೆ ಮಾಡುವ ಮೊದಲು, ಹೃತಿಕ್ ಕೈ ಬೀಸುವುದನ್ನು ಖಚಿತಪಡಿಸಿಕೊಂಡರು. ಸುದ್ದಿ ತಿಳಿಯುತ್ತಿದ್ದಂತೆ ಅವರಿಬ್ಬರು ಡೇಟಿಂಗ್ ಮಾಡುತ್ತಿದ್ದಾರೆಯೇ ಎಂದು ಅಭಿಮಾನಿಗಳು ಆಶ್ಚರ್ಯ ಪಡುತ್ತಿದ್ದಾರೆ. ವರದಿಗಳ ಪ್ರಕಾರ, ನಿಗೂಢ ಮಹಿಳೆ ಸಂಗೀತಗಾರ್ತಿ ಮತ್ತು ನಟಿ ಸಬಾ ಆಜಾದ್ ಎನ್ನಲಾಗಿದೆ.

2000 ನೇ ಇಸವಿಯಲ್ಲಿ ಬೆಂಗಳೂರಿನಲ್ಲಿ ಖಾಸಗಿ ಸಮಾರಂಭದಲ್ಲಿ ಹೃತಿಕ್,  ಸುಸ್ಸಾನ್ ಖಾನ್ ಅವರನ್ನು ವಿವಾಹವಾಗಿದ್ದರು. ಅವರು ಡಿಸೆಂಬರ್ 2013 ರಲ್ಲಿ ವಿಚ್ಛೇದನವನ್ನು ಪಡೆದಿದ್ದಾರೆ. ದಂಪತಿಗೆ ಇಬ್ಬರು ಗಂಡು ಮಕ್ಕಳಿದ್ದಾರೆ, ಹ್ರೇಹಾನ್ (ಜನನ 2006) ಮತ್ತು ಹೃದಯಾನ್ (2008).

ಹುಟ್ಟುಹಬ್ಬದ ಸಂದರ್ಭದಲ್ಲಿ, ನಟ ತನ್ನ ಮುಂಬರುವ ಚಿತ್ರ ವಿಕ್ರಮ್ ವೇದದ ಮೊದಲ ಫೋಟೋವನ್ನು ತನ್ನ ಇನ್‌ಸ್ಟಾಗ್ರಾಮ್ ನಲ್ಲಿ ಹಂಚಿಕೊಂಡಿದ್ದಾರೆ, ಅಲ್ಲಿ ಅವರು ‘ವೇಧಾ’ ಪಾತ್ರವನ್ನು ನಿರ್ವಹಿಸಲಿದ್ದಾರೆ. ವಿಕ್ರಮ್ ವೇದ ಆಕ್ಷನ್ ಥ್ರಿಲ್ಲರ್ ಚಿತ್ರವಾಗಿದೆ. ಚಿತ್ರವು ಸೆಪ್ಟೆಂಬರ್ 30 ರಂದು ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾಗಲಿದೆ. ಚಿತ್ರದಲ್ಲಿ ಹೃತಿಕ್ ರೊಂದಿಗೆ ಸೈಫ್ ಅಲಿ ಖಾನ್ ಮತ್ತು ರಾಧಿಕಾ ಆಪ್ಟೆ ಪ್ರಮುಖ ಪಾತ್ರಗಳಲ್ಲಿದ್ದಾರೆ.