ಧೋನಿ ಐಪಿಎಲ್ ಆಡದಿದ್ದರೆ, ನಾನೂ ಆಡುವುದಿಲ್ಲ: ರೈನಾ ಹಳೆಯ ವಿಡಿಯೋ ವೈರಲ್

Team Udayavani, Feb 14, 2022, 7:04 PM IST

2022 ಮೆಗಾ ಹರಾಜಿನಲ್ಲಿ ಮಾರಾಟವಾಗದೆ ಹೋದ ಸುರೇಶ್ ರೈನಾ

ಮುಂಬಯಿ: ಭಾನುವಾರ ಬೆಂಗಳೂರಿನಲ್ಲಿ ನಡೆದ ಐಪಿಎಲ್ 2022 ಮೆಗಾ ಹರಾಜಿನಲ್ಲಿ ಭಾರತದ ಮಾಜಿ ಕ್ರಿಕೆಟಿಗ ಸುರೇಶ್ ರೈನಾ ಮಾರಾಟವಾಗದೆ ಹೋದರು. ಮೊದಲ ದಿನ ಮಾರಾಟವಾಗದ ನಂತರ, 2 ಕೋಟಿ ರೂ.ಗಳ ಮೂಲ ಬೆಲೆಯನ್ನು ಹೊಂದಿದ್ದ ಅನುಭವಿ ಬ್ಯಾಟರ್ ಅನ್ನು ಹರಾಜಿನ ಅಂತಿಮ ದಿನದಂದೂ ಹತ್ತು ಐಪಿಎಲ್ ಫ್ರಾಂಚೈಸಿಗಳು ನಿರ್ಲಕ್ಷಿಸಿದವು, ರೈನಾ ಐಪಿಎಲ್ ಹರಾಜಿನಲ್ಲಿ ಮೊದಲ ಬಾರಿಗೆ ಮಾರಾಟವಾಗದೆ ಹೋದರು.

ಗಮನಾರ್ಹವಾಗಿ, 2008 ರಲ್ಲಿ ಐಪಿಎಲ್ ಪ್ರಾರಂಭವಾದಾಗಿನಿಂದ ಇದು ಕೇವಲ ಎರಡನೇ ಋತುವನ್ನು ರೈನಾ ಕಳೆದುಕೊಳ್ಳುತ್ತಿದ್ದಾರೆ. ಅವರು ವೈಯಕ್ತಿಕ ಕಾರಣಗಳಿಂದಾಗಿ ಯುಎಇ ನಿಂದ ಮನೆಗೆ ಹಿಂದಿರುಗಿದ ನಂತರ ಐಪಿಎಲ್ 2020 ರ ಋತುವನ್ನು ತಪ್ಪಿಸಿಕೊಂಡಿದ್ದರು.

ಏತನ್ಮಧ್ಯೆ, ರೈನಾ ಅವರ ಹಳೆಯ ವಿಡಿಯೋ ಇದೀಗ ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿದೆ. ವಿಡಿಯೋದಲ್ಲಿ, ಮುಂದಿನ ಋತುವಿನಲ್ಲಿ ಧೋನಿ ಭಾಯ್ ಆಡದಿದ್ದರೆ, ನಾನು ಕೂಡ ಆಡುವುದಿಲ್ಲ. ನಾವು 2008 ರಿಂದ CSK ಗಾಗಿ ಆಡುತ್ತಿದ್ದೇವೆ… ಈ ವರ್ಷ ನಾವು ಗೆದ್ದರೆ ಮುಂದಿನ ವರ್ಷವೂ ಆಡಲು ಅವರನ್ನು ಮನವೊಲಿಸುವೆ.. “ನಾನು ನನ್ನ ಅತ್ಯುತ್ತಮ ಪ್ರಯತ್ನ ಮಾಡುತ್ತೇನೆ. ಅವರು ಆಡದಿದ್ದರೆ, ನಾನು ಯಾವುದೇ ಐಪಿಎಲ್ ತಂಡದಲ್ಲಿ ಆಡುತ್ತೇನೆ ಎಂದು ನಾನು ಭಾವಿಸುವುದಿಲ್ಲ ಎಂದು ರೈನಾ ನ್ಯೂಸ್ 24  ಗೆ ನೀಡಿದ ಸಂದರ್ಶನದಲ್ಲಿ ಹೇಳಿದ್ದರು.

Why yrr ??#SureshRaina | @ImRaina pic.twitter.com/FtGQuIO45o

— ABHISHEK BAMNAVAT ?? (@CoverDrive001) February 13, 2022

ರೈನಾ ಸಿಎಸ್‌ಕೆ ನಾಯಕ ಎಂಎಸ್ ಧೋನಿ ಅವರೊಂದಿಗೆ ಉತ್ತಮ ಸ್ನೇಹಿತರೆಂದು ಹೆಸರುವಾಸಿಯಾಗಿದ್ದಾರೆ.