ಬ್ರಿಜ್‌ ಭೂಷಣ್‌ ವಿರುದ್ಧದ ಆರೋಪಗಳ ಬಗ್ಗೆ ನಿಷ್ಪಕ್ಷಪಾತ ತನಿಖೆ: ಅನುರಾಗ್‌ ಠಾಕೂರ್‌

Team Udayavani, Apr 28, 2023, 8:01 AM IST

ಶಿಮ್ಲಾ: ಮೇಲುಸ್ತುವಾರಿ ಸಮಿತಿಯ ಮುಂದೆ ತಮ್ಮ ವಾದವನ್ನು ಮಂಡಿಸಲು ಪ್ರತಿಭಟನೆ ನಿರತ ಕುಸ್ತಿಪಟುಗಳಿಗೆ ಸರಕಾರ ಸಾಕಷ್ಟು ಅವಕಾಶ ನೀಡಿದೆ ಎಂದು ಕ್ರೀಡಾ ಸಚಿವ ಅನುರಾಗ್‌ ಠಾಕೂರ್‌ ಅವರು ಗುರುವಾರ ಹೇಳಿದ್ದಾರೆ ಮತ್ತು ಬ್ರಿಜ್‌ ಭೂಷಣ್‌ ವಿರುದ್ಧದ ಆರೋಪಗಳ ಬಗ್ಗೆ “ನಿಷ್ಪಕ್ಷಪಾತ ತನಿಖೆ” ಯ ಬದ್ಧತೆಯನ್ನು ಪುನರುಚ್ಚರಿಸಿದ್ದಾರೆ.
ಜಂತರ್‌ ಮಂತರ್‌ನಲ್ಲಿ ಕೆಲವು ಕುಸ್ತಿಪಟುಗಳು ಪ್ರತಿಭಟನೆ ನಡೆಸುತ್ತಿದ್ದಾರೆ. ನಾನು ಅವರೊಂದಿಗೆ 12 ಗಂಟೆಗಳ ಕಾಲ ಕಳೆದಿದ್ದೇನೆ – ಮೊದಲ ದಿನ ಏಳು ಗಂಟೆ ಮತ್ತು ಮರುದಿನ ಐದು ಗಂಟೆ. ನಾನು ಅವರ ಎಲ್ಲ ಕುಂದುಕೊರತೆಗಳನ್ನು ಆಲಿಸಿದ್ದೇನೆ, ರಾತ್ರಿ 2.30ಕ್ಕೆ ಪತ್ರಿಕಾಗೋಷ್ಠಿ ನಡೆಸಿದ್ದೇನೆ. ಅವರೊಂದಿಗೆ ಮಾತನಾಡಿ ಸಮಿತಿ ರಚಿಸಿದ್ದೇನೆ ಎಂದರು.

“ಅವರು ಸದಸ್ಯರೊಬ್ಬರನ್ನು ಸೇರಿಸಲು ಕೇಳಿದ್ದರು ಮತ್ತು ಬಬಿತಾ ಪೊಗಟ್‌ ಅವರ ಹೆಸರನ್ನು ನೀಡಿದರು. ನಾವು ಅವರನ್ನು ಸಮಿತಿಗೆ ಸೇರಿಸಿದ್ದೇವೆ. ನಮ್ಮ ಮನಸ್ಸಿನಲ್ಲಿ ಏನೂ ಇಲ್ಲ, ನಿಷ್ಪಕ್ಷಪಾತ ತನಿಖೆ ನಡೆಸಲು ನಾವು ಬಯಸಿದ್ದೇವೆ” ಎಂದು ಠಾಕೂರ್‌ ಹೇಳಿದರು.