ಕೌರ್‌ 2 ಪಂದ್ಯ ಅಮಾನತು

Team Udayavani, Jul 26, 2023, 7:25 AM IST

ದುಬಾೖ: ಬಾಂಗ್ಲಾದೇಶ ವಿರುದ್ಧದ ಅಂತಿಮ ಏಕದಿನ ಪಂದ್ಯದ ವೇಳೆ ಅಶಿಸ್ತಿನಿಂದ ವರ್ತಿಸಿದ ಭಾರತ ತಂಡದ ನಾಯಕಿ ಹರ್ಮನ್‌ಪ್ರೀತ್‌ ಕೌರ್‌ ಅವರಿಗೆ ಐಸಿಸಿ
2 ಅಂತಾರಾಷ್ಟ್ರೀಯ ಪಂದ್ಯಗಳ ಅಮಾನತು ಶಿಕ್ಷೆ ವಿಧಿಸಿದೆ.

ಈ ಪಂದ್ಯದ ವೇಳೆ ತಮ್ಮ ವಿರುದ್ಧ ಲೆಗ್‌ ಬಿಫೋರ್‌ ತೀರ್ಪು ಬಂದಾಗ ಆಕ್ರೋಶ ಗೊಂಡ ಕೌರ್‌, ಬ್ಯಾಟ್‌ನಿಂದ ಸ್ಟಂಪ್‌ಗೆ ಬಡಿದಿದ್ದರು. ಬಳಿಕ ಅಂಪಾಯರ್‌ಗಳನ್ನು ಬಹಿರಂಗ ಟೀಕಿಸಿದ್ದರು. ಫೋಟೋ ಸೆಷನ್‌ ವೇಳೆ ಬಾಂಗ್ಲಾ ಅಂಪಾಯರ್‌ಗಳೂ ಬರಲಿ ಎಂದು ವ್ಯಂಗ್ಯ ವಾಡಿದ್ದರು. ಈ ಎಲ್ಲ ಅಶಿಸ್ತಿನ ವರ್ತನೆಗಳನ್ನು ಪರಿಗಣಿಸಿ ಕೌರ್‌ ಅವರಿಗೆ ಪಂದ್ಯದ ಸಂಭಾವನೆಯ ಶೇ. 75ರಷ್ಟು ದಂಡ ಹೇರಲಾಗಿತ್ತು. ಅಮಾನತಿನಿಂದಾಗಿ ಮುಂಬರುವ ಏಷ್ಯಾಡ್‌ ಕೂಟದ ಮೊದಲೆರಡು ಪಂದ್ಯಗಳಿಂದ ಕೌರ್‌ ಹೊರಗುಳಿಯಲಿದ್ದಾರೆ.

ಹರ್ಮನ್‌ಪ್ರೀತ್‌ ವರ್ತನೆಯನ್ನು ಮಾಜಿ ಆಟಗಾರ್ತಿಯ ರಾದ ಶಾಂತಾ ರಂಗಸ್ವಾಮಿ, ಡಯಾನಾ ಎಡುಲ್ಜಿ ಮೊದ ಲಾದವರೆಲ್ಲ ತೀವ್ರವಾಗಿ ಖಂಡಿಸಿದ್ದರು.