ಶೀಘ್ರದಲ್ಲಿ ‘ಕೆಜಿಎಫ್ 3’ ಚಿತ್ರೀಕರಣ ಪ್ರಾರಂಭಿಸುವುದಿಲ್ಲ: ಕಾರ್ಯಕಾರಿ ನಿರ್ಮಾಪಕ

Team Udayavani, May 15, 2022, 7:52 PM IST

ಕೆಜಿಎಫ್ 3, ಚಿತ್ರೀಕರಣ, ಕಾರ್ಯಕಾರಿ ನಿರ್ಮಾಪಕ,

ಬೆಂಗಳೂರು : ರಾಕಿಂಗ್ ಸ್ಟಾರ್ ಯಶ್ ಅಭಿನಯದ ”ಕೆಜಿಎಫ್ ಚಾಪ್ಟರ್ 2” ಭಾರಿ ಯಶಸ್ಸಿನ ಬಳಿಕ ಚಾಪ್ಟರ್ 3  ಕುರಿತು ಸುದ್ದಿ ಹೊರ ಬಂದ ಬೆನ್ನಲ್ಲೇ ”ಶೀಘ್ರದಲ್ಲಿ ಚಿತ್ರೀಕರಣ ಪ್ರಾರಂಭಿಸುವುದಿಲ್ಲ” ಎಂದು ಕಾರ್ಯಕಾರಿ ನಿರ್ಮಾಪಕ ಕಾರ್ತಿಕ್ ಗೌಡ ಸ್ಪಷ್ಟನೆ ನೀಡಿದ್ದಾರೆ.

”ಹರಿದಾಡುತ್ತಿರುವ ಸುದ್ದಿಗಳೆಲ್ಲ ಊಹಾಪೋಹ. ನಮ್ಮ ಮುಂದೆ ಸಾಕಷ್ಟು ರೋಚಕ ಯೋಜನೆಗಳೊಂದಿಗೆ, ಹೊಂಬಾಳೆ ಫಿಲ್ಮ್ಸ್ ಶೀಘ್ರದಲ್ಲೇ ಕೆಜಿಎಫ್ ಅಧ್ಯಾಯ 3 ಅನ್ನು ಪ್ರಾರಂಭಿಸುವುದಿಲ್ಲ. ಅದರ ಕೆಲಸವನ್ನು ಪ್ರಾರಂಭಿಸಿದಾಗ ನಾವು ಅಬ್ಬರದಿಂದ ನಿಮಗೆ ತಿಳಿಸುತ್ತೇವೆ.” ಎಂದು ಟ್ವೀಟ್ ಮಾಡಿದ್ದಾರೆ.

The news doing the rounds are all speculation. With a lot of exciting projects ahead of us , we @hombalefilms will not be starting #KGF3 anytime soon. We will let you know with a bang when we start the work towards it.

— Karthik Gowda (@Karthik1423) May 14, 2022

ಪ್ರಶಾಂತ್ ನೀಲ್ ನಿರ್ದೇಶನದ ಚಿತ್ರವು ಸಾವಿರ ಕೋಟಿ ರೂ. ಗಳಿಕೆಯನ್ನು ದಾಟಿದ ಬೆನ್ನಲ್ಲೇ ಮೂರನೇ ಅಧ್ಯಾಯದ ಕುರಿತು  ನಿರ್ಮಾಪಕ ವಿಜಯ್ ಕಿರಗಂದೂರು ಮಾಹಿತಿ ಬಹಿರಂಗ ಪಡಿಸಿದ್ದರು. ಚಿತ್ರ 2024 ರಲ್ಲಿ ಚಿತ್ರ ಬಿಡುಗಡೆಯಾಗಲಿದೆ ಎಂದು ದೃಢಪಡಿಸಿದ್ದರು. ಅದಲ್ಲದೆ ಹೊಸ ಪಾತ್ರಗಳೊಂದಿಗೆ “ಮಾರ್ವೆಲ್ ಶೈಲಿಯ” ವಿಶ್ವವನ್ನು ರಚಿಸಲು ಯೋಜನೆ ರೂಪಿಸಲಾಗಿದೆ ಎಂದು ಹೇಳಿದ್ದರು.ಆದರೆ ಈಗ ಕಾರ್ಯಕಾರಿ ನಿರ್ಮಾಪಕರ ಹೇಳಿಕೆ ಯು-ಟರ್ನ್ ತೆಗೆದುಕೊಂಡ ಹಾಗೆ ಕಾಣುತ್ತಿದೆ.

ಕೆಜಿಎಫ್ ಅಧ್ಯಾಯ 1 , ಡಿಸೆಂಬರ್ 21 , 2018 ರಲ್ಲಿ ಬಿಡುಗಡೆಯಾಗಿತ್ತು. 250 ಕೋಟಿ ರೂ ಗೂ ಹೆಚ್ಚು ಬಾಕ್ಸ್ ಆಫೀಸ್ ಗಳಿಕೆ ಕಂಡಿತ್ತು.