ಉತ್ತರಾಖಂಡ ಕುಂಭಮೇಳಕ್ಕೆ “ಕೋವಿಡ್ ನೆಗೆಟಿವ್ ‘ ಪ್ರಮಾಣಪತ್ರ ಕಡ್ಡಾಯ

Team Udayavani, Feb 28, 2021, 10:55 PM IST

ಡೆಹ್ರಾಡೂನ್‌: ಉತ್ತರಾಖಂಡದ ಹರಿದ್ವಾರದಲ್ಲಿ ಏ.1ರಿಂದ 28 ದಿನಗಳ ಕಾಲ ನಡೆಯಲಿರುವ ಕುಂಭಮೇಳಕ್ಕಾಗಿ ಪ್ರಮಾಣೀಕೃತ ಕಾರ್ಯಾಚರಣೆ ಪದ್ಧತಿಯನ್ನು ಬಿಡುಗಡೆ ಮಾಡಲಾಗಿದೆ.

ಹರಿದ್ವಾರವನ್ನು ಪ್ರವೇಶಿಸುವ ಗರಿಷ್ಠ 72 ಗಂಟೆಗಳ ಮುನ್ನ ಪಡೆದ “ಕೊರೊನಾ ಇಲ್ಲ’ ಎಂಬ ಪ್ರಮಾಣಪತ್ರವನ್ನು ನೀಡಲೇಬೇಕು. ಹಾಗೆಯೇ ಹೆಸರನ್ನು ಆನ್‌ಲೈನ್‌ನಲ್ಲಿ ನೋಂದಣಿ ಮಾಡಿಕೊಳ್ಳಬೇಕು. ಜೊತೆಗೆ ಇ-ಪಾಸ್‌ ಅಥವಾ ಅನುಮತಿಯನ್ನು ಆನ್‌ಲೈನ್‌ ಮೂಲಕವೇ ಪಡೆದುಕೊಂಡಿರಬೇಕು. ವೈದ್ಯಕೀಯ ಸಕ್ಷಮತೆ ಪ್ರಮಾಣಪತ್ರವನ್ನೂ ಸಲ್ಲಿಸಬೇಕು.

ಈ ದಾಖಲೆಗಳನ್ನೆಲ್ಲ ಮೊಬೈಲ್‌ನಲ್ಲೂ ತೋರಿಸಬಹುದು ಅಥವಾ ಮುದ್ರಿತಪ್ರತಿಯನ್ನೂ ನೀಡಬಹುದೆಂದು ಎಂದು ಉತ್ತರಾಖಂಡ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಸಚಿವಾಲಯ ತಿಳಿಸಿದೆ. ಸದ್ಯ ದೇಶಾದ್ಯಂತ ಕೊರೊನಾ ಇರುವುದರಿಂದ ಕುಂಭಮೇಳದ ಅವಧಿಯನ್ನು 28 ದಿನಗಳಿಗೆ ಸೀಮಿತಗೊಳಿಸಲಾಗಿದೆ.

ಇದನ್ನೂ ಓದಿ:ಮಾರ್ಚ್ 1ರಿಂದ ಎರಡನೇ ಹಂತದ ಲಸಿಕಾ ಅಭಿಯಾನ : 9 ಗಂಟೆಯಿಂದ ನೋಂದಣಿ ಪ್ರಾರಂಭ