ಸಂಖ್ಯಾ ಬಲದ ಕೊರತೆ : ಪರಿಷತ್ ನಲ್ಲಿ ಮತಾಂತರ ನಿಷೇಧ ಕಾಯಿದೆ ಮಂಡನೆಯಿಲ್ಲ

Team Udayavani, Dec 24, 2021, 4:58 PM IST

ಸುವರ್ಣ ಸೌಧ : ಸಂಖ್ಯಾ ಬಲದ ಕೊರತೆ ಹಿನ್ನೆಲೆಯಲ್ಲಿ ಮತಾಂತರ ನಿಷೇಧ ಕಾಯಿದೆಯನ್ನು ವಿಧಾನ ಪರಿಷತ್ ನಲ್ಲಿ ಸರಕಾರ ಮಂಡಿಸಿಲ್ಲ. ಈ ವಿಧೇಯಕ ಜನವರಿಯಲ್ಲಿ ಬೆಂಗಳೂರಿನಲ್ಲಿ ನಡೆಯುವ ಅಧಿವೇಶನದಲ್ಲಿ ಮಂಡನೆಯಾಗುವ ಸಾಧ್ಯತೆ ‌ಇದೆ.

ವಿಧಾನಸಭೆಯಲ್ಲಿ ಮತಾಂತರ ನಿಷೇಧ ವಿಧೇಯಕ ಗುರುವಾರ ಅಂಗೀಕಾರಗೊಂಡಿತ್ತು. ಆದರೆ ಮೇಲ್ಮನೆಯಲ್ಲಿ ಸಂಖ್ಯಾ ಬಲ ಕೊರತೆ ಕಾರಣಕ್ಕೆ ಮಂಡಿಸದೇ ಇರಲು ಸರಕಾರ ನಿರ್ಧರಿಸಿತ್ತು.

ಜೆಡಿಎಸ್ ಸಭಾತ್ಯಾಗ ನಡೆಸಿದರೆ ವಿಧೇಯಕ‌ ಮಂಡನೆಯ ಲೆಕ್ಕಾಚಾರ ಹಾಕಲಾಗಿತ್ತು. ಆದರೆ  ಜೆಡಿಎಸ್ ವಿಧೇಯಕವನ್ನು ವಿರೋಧಿಸಿದ್ದರಿಂದ ಸರಕಾರ ತನ್ನ ನಡೆಯನ್ನು ಬದಲಾಯಿಸಿದೆ.

ಮುಖ್ಯಮಂತ್ರಿ ಬಸವರಾಜ್ ಬೊಮ್ಮಾಯಿ ಅವರು ಸದ್ಯದ ಪರಿಸ್ಥಿತಿಯಲ್ಲಿ ಪರಿಷತ್ ನಲ್ಲಿ ಬಹುಮತವಿಲ್ಲ ಮುಂದೆ ನೋಡೋಣ ಎಂದು ಹೇಳಿಕೆ ನೀಡಿದ್ದರು.