ಮಾರುತಿ ಸುಜುಕಿಗೆ ಲಾಭ ಶೇ. 66 ಕುಸಿತ

Team Udayavani, Oct 27, 2021, 11:15 PM IST

ನವದೆಹಲಿ : ಮಾರುತಿ ಸುಜುಕಿ ಸಂಸ್ಥೆಯ 2ನೇ ತ್ರೈಮಾಸಿಕದ ವರದಿ ಬುಧವಾರದಂದು ಬಿಡುಗಡೆಯಾಗಿದೆ. ಸಂಸ್ಥೆಗೆ ಕಳೆದ ವರ್ಷದ 2ನೇ ತ್ರೈಮಾಸಿಕಕ್ಕೆ ಹೋಲಿಸಿದರೆ ಈ ವರ್ಷದ 2ನೇ ತ್ರೈಮಾಸಿಕದಲ್ಲಿ ಶೇ. 66 ಕಡಿಮೆ ಲಾಭವಾಗಿದೆ.

2021ರ ಕ್ಯೂ2ರಲ್ಲಿ ಸಂಸ್ಥೆಗೆ 1,420 ಕೋಟಿ ರೂ. ಲಾಭವಾಗಿತ್ತು. ಅದು 2022ರ ಕ್ಯೂ2ರಲ್ಲಿ 487 ಕೋಟಿ ರೂ.ಗೆ ಇಳಿಕೆಯಾಗಿದೆ. ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಉಂಟಾಗಿರುವ ಚಿಪ್‌ ಕೊರತೆಯಿಂದಾಗಿ ಸಂಸ್ಥೆಯ ಆದಾಯಕ್ಕೆ ಹೊಡೆತ ಬಿದ್ದಿದೆ.

ಈ ಅವಧಿಯಲ್ಲಿ 3,70,619 ವಾಹನಗಳನ್ನು ಮಾರಾಟ ಮಾಡಿದ್ದು, 18,756 ಕೋಟಿ ರೂ. ಆದಾಯ ಗಳಿಸಿತ್ತು. ಕಳೆದ ವಿತ್ತೀಯ ವರ್ಷದ ಇದೇ ಅವಧಿಯಲ್ಲಿ 3,20,133 ವಾಹನ ಮಾರಾಟವಾಗಿದ್ದು, ಆದಾಯ 20,551 ಕೋಟಿ ರೂ. ಆಗಿದೆ. ವಾಹನ ಮಾರಾಟದಲ್ಲಿ ಶೇ. 3 ಇಳಿಕೆಯಾಗಿದೆ. ಈ ವರ್ಷದ 2ನೇ ತ್ರೈಮಾಸಿಕದ ಅಂತ್ಯದ ವೇಳೆಗೆ ಸುಮಾರು 2 ಲಕ್ಷ ಗ್ರಾಹಕರ ಹೊಸ ಕಾರಿನ ಬೇಡಿಕೆಯನ್ನು ಪೂರೈಸುವಲ್ಲಿ ಸಂಸ್ಥೆ ವಿಫ‌ಲವಾಗಿದ್ದಾಗಿ ತಿಳಿಸಲಾಗಿದೆ.

ಇದನ್ನೂ ಓದಿ : ಭಿಕ್ಷಾಟನೆ ಜೊತೆಗೆ ದುಷ್ಟಟಗಳಿಗೆ ಒಳಗಾಗಿದ್ದ 15 ಮಂದಿಯನ್ನು ರಕ್ಷಿಸಿದ ನ್ಯಾಯಾಧೀಶರು