ಇಂಗ್ಲೆಂಡ್‌, ಚೀನಾ ಹೊರತುಪಡಿಸಿ 156 ದೇಶೀಯರಿಗೆ ಭಾರತದ ಇ-ವೀಸಾ ಲಭ್ಯ

Team Udayavani, Apr 14, 2021, 10:25 PM IST

ನವದೆಹಲಿ: ವಿವಿಧ ಕಾರಣಗಳಿಗಾಗಿ ಭಾರತಕ್ಕೆ ಬರಲು ತುದಿಗಾಲಲ್ಲಿ ನಿಂತಿರುವ ವಿದೇಶೀಯರಿಗೆ, ಭಾರತದ ವಿದೇಶಾಂಗ ಸಚಿವಾಲಯ ಸಂತೋಷದ ಸುದ್ದಿ ನೀಡಿದೆ. ಜಗತ್ತಿನ 156 ರಾಷ್ಟ್ರಗಳ ಪ್ರಜೆಗಳು ಇನ್ನು ಎಲ್ಲರೀತಿಯ ವೀಸಾಗಳಡಿಯಲ್ಲಿ ಭಾರತಕ್ಕೆ ಬರಬಹುದು. ಅಂದರೆ ತನ್ನ ಹೊಸ ಆದೇಶದ ಮೂಲಕ ವೈದ್ಯಕೀಯ, ಉದ್ಯಮ, ಪ್ರವಾಸಿ, ಕಾನ್ಫರೆನ್ಸ್‌ ಇ-ವೀಸಾಗಳಡಿಯಲ್ಲಿ ಭಾರತಕ್ಕೆ ಬರಲು ಅನುವು ಮಾಡಿಕೊಟ್ಟಿದೆ. ಆದರೆ ಈ ಅನುಕೂಲ ಚೀನಾ ಮತ್ತು ಇಂಗ್ಲೆಂಡ್‌ ದೇಶೀಯರಿಗೆ ಲಭ್ಯವಿಲ್ಲ.

ಈ ಎರಡು ದೇಶೀಯರಿಗೆ ವೀಸಾ ನೀಡುವ ಬಗ್ಗೆ ಸದ್ಯದಲ್ಲೇ ಚರ್ಚೆ ನಡೆಸಿ ಕೇಂದ್ರ ತೀರ್ಮಾನಿಸಲಿದೆ. ಕಳೆದ ವರ್ಷ ಮಾರ್ಚ್‌ನಲ್ಲಿ ಕೊರೊನಾ ತೀವ್ರವಾಗಿದ್ದಾಗ ಕೇಂದ್ರಸರ್ಕಾರ ಬಹುತೇಕ ಎಲ್ಲ ರೀತಿಯ ವೀಸಾಗಳನ್ನು ಅಮಾನತು ಮಾಡಿತ್ತು.

ಆದರೆ ಅಕ್ಟೋಬರ್‌ ತಿಂಗಳಲ್ಲಿ ಪರಿಸ್ಥಿತಿಯನ್ನು ಅವಲೋಕಿಸಿ ಬಹುತೇಕ ಎಲ್ಲ ರೀತಿಯ ವೀಸಾಗಳನ್ನು ನಿರ್ಬಂಧಮುಕ್ತಗೊಳಿಸಿತ್ತು. ಅದರಲ್ಲಿ ಇ-ವೀಸಾ, ಪ್ರವಾಸಿ, ವೈದ್ಯಕೀಯ ವೀಸಾಗಳು ಸೇರಿರಲಿಲ್ಲ. ಈಗ ಇವುಗಳನ್ನೂ ನಿರ್ಬಂಧಮುಕ್ತ ಮಾಡಲಾಗಿದೆ.

ಇದನ್ನೂ ಓದಿ :ಕೈಕೊಟ್ಟ ಪ್ರಿನ್ಸ್‌ ಹ್ಯಾರಿ, ಕೋರ್ಟ್‌ ಮೆಟ್ಟಿಲೇರಿದ ವಕೀಲೆ!