ಮಿಯಾಮಿ ಓಪನ್‌ ಟೆನಿಸ್‌: ದ್ವಿತೀಯ ಸುತ್ತಿಗೆ ಬೋಪಣ್ಣ, ಸಾನಿಯಾ

Team Udayavani, Mar 26, 2022, 11:27 PM IST

ಮಿಯಾಮಿ: “ಮಿಯಾಮಿ ಓಪನ್‌ ಟೆನಿಸ್‌’ ಪಂದ್ಯಾವಳಿಯಲ್ಲಿ ರೋಹನ್‌ ಬೋಪಣ್ಣ ಮತ್ತು ಸಾನಿಯಾ ಮಿರ್ಜಾ ಡಬಲ್ಸ್‌ ವಿಭಾಗದ ಮೊದಲ ಸುತ್ತನ್ನು ಯಶಸ್ವಿಯಾಗಿ ದಾಟಿದ್ದಾರೆ.

ಬೆಲ್ಜಿಯಂ ಜತೆಗಾರ್ತಿ ಕರ್ಸ್ಟನ್‌ ಫ್ಲಿಪ್‌ಕೆನ್ಸ್‌ ಅವರೊಂದಿಗೆ ಕಣಕ್ಕಿಳಿದ ಸಾನಿಯಾ ಮಿರ್ಜಾ ಕೆನಡಾದ ಲೇಲಾ ಫೆರ್ನಾಂಡೆಜ್‌-ಅಮೆರಿಕದ  ನೀಲ್‌ ವಿರುದ್ಧ 6-3, 7-6 (2) ಅಂತರದ ಗೆಲುವು ಸಾಧಿಸಿದರು. ಇವರ ಮುಂದಿನ ಎದುರಾಳಿ ನೆದರ್ಲೆಂಡ್ಸ್‌ನ ಡಿಸೈರ್‌ ಕ್ರಾಜಿಕ್‌-ಡೆಮಿ ಶುರ್.

ಇದನ್ನೂ ಓದಿ:ಐಪಿಎಲ್‌: ಕೆಕೆಆರ್‌ ಸೂಪರ್‌ ಶೋ; ಚೆನ್ನೈಗೆ ಸೋಲು

ಪುರುಷರ ಡಬಲ್ಸ್‌ನಲ್ಲಿ ರೋಹನ್‌ ಬೋಪಣ್ಣ-ಕೆನಡಾದ ಡೆನ್ನಿಸ್‌ ಶಪೊವಲೋವ್‌ ಸೇರಿಕೊಂಡು ಮಾರ್ಸೆಲೊ ಅರೆವಾಲೊ (ಎಲ್‌ ಸಾಲ್ವಡಾರ್‌)-ಜೀನ್‌ ಜೂಲಿಯನ್‌ ರೋಜರ್‌ (ನೆದರ್ಲೆಂಡ್ಸ್‌) ಅವರನ್ನು 6-7 (5 -7), 6-2, 10-3 ಅಂತರದಿಂದ ಮಣಿಸಿದರು.