Stock Market: ಷೇರುಪೇಟೆ ಸೂಚ್ಯಂಕ 900ಕ್ಕೂ ಅಧಿಕ ಅಂಕ ಕುಸಿತ; 9 ಲಕ್ಷ ಕೋಟಿ ರೂ. ನಷ್ಟ

Team Udayavani, Oct 22, 2024, 6:03 PM IST

ಮುಂಬೈ: ಜಾಗತಿಕ ವಹಿವಾಟಿನ ಬೆಳವಣಿಗೆಯ ಪರಿಣಾಮ ಮಂಗಳವಾರ (ಅ.22) ಬಾಂಬೆ ಷೇರುಪೇಟೆ ಸಂವೇದಿ ಸೂಚ್ಯಂಕ ಸೆನ್ಸೆ*ಕ್ಸ್‌ ಭಾರೀ ಪ್ರಮಾಣದ ಕುಸಿತದೊಂದಿಗೆ ದಿನಾಂತ್ಯದ ವಹಿವಾಟು ಅಂತ್ಯಗೊಂಡಿದೆ. ಇದರಿಂದಾಗಿ ಹೂಡಿಕೆದಾರರ ಕೋಟ್ಯಂತರ(9ಲಕ್ಷ ಕೋಟಿ) ರೂಪಾಯಿ ಲಾಭಾಂಶ ಕರಗಿ ಹೋದಂತಾಗಿದೆ.

ಷೇರುಪೇಟೆಯ ಸಂವೇದಿ ಸೂಚ್ಯಂಕ ಸೆನ್ಸೆ*ಕ್ಸ್‌ 930.55 ಅಂಕಗಳಷ್ಟು ಕುಸಿತದೊಂದಿಗೆ 80,220.72 ಅಂಕಗಳೊಂದಿಗೆ ದಿನಾಂತ್ಯದ ವಹಿವಾಟು ಅಂತ್ಯಗೊಂಡಿದೆ. ಅದೇ ರೀತಿ ಎಸ್‌ ಎಸ್‌ ಇ ನಿಫ್ಟಿ ಕೂಡಾ 319 ಅಂಕಗಳ ಇಳಿಕೆಯೊಂದಿಗೆ 24,472.10 ಅಂಕಗಳ ಮಟ್ಟದಲ್ಲಿ ವಹಿವಾಟು ಕೊನೆಗೊಂಡಿದೆ.

ಸಂವೇದಿ ಸೂಚ್ಯಂಕ ಮತ್ತು ನಿಫ್ಟಿ ಇಳಿಕೆಯಿಂದ ಅದಾನಿ ಎಂಟರ್‌ ಪ್ರೈಸಸ್‌, ಮಹೀಂದ್ರ & ಮಹೀಂದ್ರ, ಭಾರತ್‌ ಇಲೆಕ್ಟ್ರಾನಿಕ್ಸ್‌, ಕೋಲ್‌ ಇಂಡಿಯಾ, ಟಾಟಾ ಸ್ಟೀಲ್‌ ಷೇರುಗಳು ನಷ್ಟ ಕಂಡಿದೆ.

ಐಸಿಐಸಿಐ ಬ್ಯಾಂಕ್‌, ನೆಸ್ಲೆ ಇಂಡಿಯಾ, ಇನ್ಫೋಸಿಸ್‌ ಷೇರುಗಳು ಲಾಭಗಳಿಸಿದೆ. ಇನ್ನು ಆಟೋಮೊಬೈಲ್‌, ಕ್ಯಾಪಿಟಲ್‌ ಗೂಡ್ಸ್‌, ಮೆಟಲ್‌, ಪವರ್‌, ಟೆಲಿಕಾಂ, ಮೀಡಿಯಾ, ಪಿಎಸ್‌ ಯು ಬ್ಯಾಂಕ್‌ ಸೆಕ್ಟರ್‌ ಷೇರುಗಳು ನಷ್ಟ ಕಂಡಿದೆ.