ಕಾದಂಬರಿಕಾರ ಅಬ್ದುಲ್ ರಜಾಕ್ ಗುರ್ನಾರಿಗೆ ಒಲಿಯಿತು ಸಾಹಿತ್ಯ ಕ್ಷೇತ್ರದ ನೊಬೆಲ್

Team Udayavani, Oct 7, 2021, 5:33 PM IST

ಸ್ಟಾಕ್‌ಹೋಮ್‌ : 2021 ನೇ ಸಾಲಿನ ಸಾಹಿತ್ಯ ಕ್ಷೇತ್ರಕ್ಕೆ ಕೊಡ ಮಾಡುವ ನೊಬೆಲ್ ಪ್ರಶಸ್ತಿಯನ್ನು ತಾಂಜಾನಿಯಾ ಮೂಲದ ಕಾದಂಬರಿಕಾರ ಅಬ್ದುಲ್ ರಜಾಕ್ ಗುರ್ನಾ ಅವರಿಗೆ ನೀಡಲಾಗಿದೆ.

ನೊಬೆಲ್‌ ಸಮಿತಿಯು ಸ್ವೀಡನ್‌ನ ರಾಜಧಾನಿ ಸ್ಟಾಕ್‌ಹೋಮ್‌ನಲ್ಲಿ ಗುರುವಾರ  ನಡೆದ ಪತ್ರಿಕಾಗೋಷ್ಠಿಯಲ್ಲಿ ಈ ವಿಚಾರವನ್ನು ತಿಳಿಸಿದ್ದು, 10 ಮಿಲಿಯನ್ ಸ್ವೀಡಿಷ್ ಕ್ರೌನ್( $1.14 ಡಾಲರ್) ಬಹುಮಾನವನ್ನು ನೀಡಲಾಗುತ್ತಿದೆ.

72 ರ ಹರೆಯದ  ಅಬ್ದುಲ್ ರಜಾಕ್ ಗುರ್ನಾ ಅವರು ಪ್ರಸಕ್ತ ಲಂಡನ್ ನಲ್ಲಿ ನೆಲೆಸಿದ್ದು , ವಸಾಹತುಶಾಹಿಯ ಪರಿಣಾಮಗಳು, ಖಂಡಗಳ ನಡುವಿನ ಸಂಸ್ಕೃತಿಗಳು,ಕೊಲ್ಲಿಯಲ್ಲಿ ನಿರಾಶ್ರಿತರ ಭವಿಷ್ಯದ ಬಗ್ಗೆ ಅವರ  ಬರೆಯುವಿಕೆಗಾಗಿ ಪ್ರಶಸ್ತಿ ನೀಡಲಾಗಿದೆ.

ಗುರ್ನಾ ಅವರು ಪ್ಯಾರಡೈಸ್,ದಿಸರ್ಷನ್,ಬೈ ದಿ ಸೀ ಸೇರಿದಂತೆ ಹಲವು ಕಾದಂಬರಿಗಳನ್ನು ಬರೆದಿದ್ದಾರೆ.ಎ ಕಂಪ್ಯಾನಿಯನ್ ಟು ಸಲ್ಮಾನ್ ರಶ್ದಿ ಪುಸ್ತಕದ ಸಂಪಾದಕರಾಗಿ ಕೆಲಸ ಮಾಡಿದ್ದರು.