ಡೆನ್ಮಾರ್ಕ್‌ ಓಪನ್‌ ಬ್ಯಾಡ್ಮಿಂಟನ್‌ : ಕ್ವಾರ್ಟರ್‌ ಫೈನಲ್‌ ಪ್ರವೇಶಿಸಿದ ಸಿಂಧು

Team Udayavani, Oct 21, 2021, 9:30 PM IST

ಹೊಸದಿಲ್ಲಿ : ಒಲಿಂಪಿಕ್ಸ್‌ ಅವಳಿ ಪದಕ ವಿಜೇತೆ ಪಿ.ವಿ. ಸಿಂಧು ಡೆನ್ಮಾರ್ಕ್‌ ಓಪನ್‌ ಬ್ಯಾಡ್ಮಿಂಟನ್‌ ಪಂದ್ಯಾವಳಿಯಲ್ಲಿ ಓಟ ಮುಂದುವರಿಸಿ ಕ್ವಾರ್ಟರ್‌ ಫೈನಲ್‌ ಪ್ರವೇಶಿಸಿದ್ದಾರೆ. ಆದರೆ ಕೆ. ಶ್ರೀಕಾಂತ್‌ ಈ ಹಾದಿಯಲ್ಲಿ ಎಡವಿ ಹೊರಬಿದ್ದರು.

ಸಿಂಧು ಥಾಯ್ಲೆಂಡ್‌ ಆಟಗಾರ್ತಿ ಬುಸನಾನ್‌ ಓಂಗ್ಬಾಮ್ರುಂಫಾನ್‌ ವಿರುದ್ಧ ತೀವ್ರ ಪೈಪೋಟಿ ಎದುರಿಸಿದರು. 3 ಗೇಮ್‌ಗಳ ಈ ಹೋರಾಟ 67 ನಿಮಿಷಗಳ ಕಾಲ ವಿಸ್ತರಿಸಲ್ಪಟ್ಟಿತು.

ಅಂತಿಮವಾಗಿ ಸಿಂಧು 21-16, 12-21, 21-15 ಅಂತರದಿಂದ ಗೆದ್ದು ಬಂದರು. ಟೋಕಿಯೊ ಒಲಿಂಪಿಕ್ಸ್‌ ಬಳಿಕ ಸಿಂಧು ಆಡುತ್ತಿರುವ ಮೊದಲ ಪಂದ್ಯಾವಳಿ ಇದಾಗಿದೆ.

ಪುರುಷರ ಸಿಂಗಲ್ಸ್‌ನ 16ರ ಸುತ್ತಿನಲ್ಲಿ ಕೆ. ಶ್ರೀಕಾಂತ್‌ ಜಪಾನ್‌ನ ಕೆಂಟೊ ಮೊಮೊಟ ವಿರುದ್ಧ 21-13, 9-21 ಅಂತರದ ಸೋಲನುಭವಿಸಿದರು.

ಇದನ್ನೂ ಓದಿ : ರಾಜ್ಯದಲ್ಲಿ ಬಂಡವಾಳ ಹೂಡಿಕೆಗೆ ಆಸಕ್ತಿ, ಉದ್ಯೋಗಗಳ ಸೃಷ್ಟಿ: ನಿರಾಣಿ ವಿಶ್ವಾಸ