ಉದ್ವಿಗ್ನತೆಯ ನಡುವೆ ಟೋರ್ಕಾಮ್ ಗಡಿಯನ್ನು ಪುನಃ ತೆರೆದ ಪಾಕಿಸ್ಥಾನ

Team Udayavani, Feb 25, 2023, 2:32 PM IST

ಇಸ್ಲಾಮಾಬಾದ್ : ಉದ್ವಿಗ್ನತೆಯ ನಡುವೆ ಕಳೆದ ಆರು ದಿನಗಳಿಂದ ಅಲ್ಲಿ ಸಿಲುಕಿರುವ 7,000 ಟ್ರಕ್‌ಗಳ ಸಂಚಾರಕ್ಕೆ ಪಾಕಿಸ್ಥಾನ ಶನಿವಾರ ವಾಹನ ಸಂಚಾರಕ್ಕಾಗಿ ಟೋರ್ಕಾಮ್ ಗಡಿಯನ್ನು ಪುನಃ ತೆರೆಯಿತು.

ಗಡಿಯಾಚೆಗಿನ ದಾಳಿಗೆ ಕಾರಣವಾದ ತಾಲಿಬಾನ್ ಉಗ್ರಗಾಮಿಗಳಿಗೆ ಕಾಬೂಲ್ ಸುರಕ್ಷಿತ ಆಶ್ರಯವನ್ನು ಒದಗಿಸುತ್ತಿದೆ ಎಂದು ಪಾಕಿಸ್ಥಾನ ಆರೋಪಿಸಿ ಕಳೆದ ಭಾನುವಾರ ಟೋರ್ಕಮ್ ಗಡಿ ಮುಚ್ಚಿತ್ತು. ಮಧ್ಯ ಏಷ್ಯಾದ ದೇಶಗಳಿಗೆ ಪಾಕಿಸ್ಥಾನಕ್ಕೆ ಪ್ರಮುಖ ವಾಣಿಜ್ಯ ಕೇಂದ್ರ ಮತ್ತು ವ್ಯಾಪಾರ ಮಾರ್ಗವಾಗಿತ್ತು. ಈ ಭಾಗದಲ್ಲಿ ಹಿಂಸಾಚಾರ ಹೆಚ್ಚುತ್ತಿದೆ.

ಇದಕ್ಕೂ ಮೊದಲು, ಪಾಕಿಸ್ಥಾನ ಸರಕಾರವು ಪಾದಚಾರಿಗಳಿಗೆ ಮಾತ್ರ ಟೋರ್ಕಾಮ್ ಗಡಿಯನ್ನು ಪುನಃ ತೆರೆದಿತ್ತು, ಆದರೆ ತರಕಾರಿಗಳು, ಕೋಳಿ ಮತ್ತು ಮೊಟ್ಟೆಗಳಂತಹ ಕೊಳೆಯುವ ವಸ್ತುಗಳು ಸೇರಿದಂತೆ ಸರಕುಗಳನ್ನು ತುಂಬಿದ 7,000 ಕ್ಕೂ ಹೆಚ್ಚು ಟ್ರಕ್‌ಗಳು ಸಿಕ್ಕಿಹಾಕಿಕೊಂಡಿದ್ದವು.

ಪಾಕಿಸ್ಥಾನದ ಕಡೆಯಿಂದ ಟೋರ್ಕಾಮ್ ಗಡಿಯನ್ನು ತೆರೆಯಲಾಗಿದೆ ಮತ್ತು ಸರಕುಗಳು ಸೇರಿದಂತೆ ಎಲ್ಲಾ ವಾಹನಗಳ ಸಂಚಾರವನ್ನು ಪ್ರಾರಂಭಿಸಲಾಗಿದೆ ಎಂದು ಪಾಕ್-ಅಫ್ಘಾನ್ ಜಂಟಿ ವಾಣಿಜ್ಯ ಮತ್ತು ಕೈಗಾರಿಕಾ ಸಂಸ್ಥೆ (ಪಿಎಜೆಸಿಸಿಐ), ಜಿಯಾ-ಉಲ್-ಹಕ್ ಸರ್ಹಾದಿ ಹೇಳಿದ್ದಾರೆ.