ರೈತ ವಿದ್ಯಾನಿಧಿ: ಖಾಲಿ ಡಬ್ಬ ಅಲ್ಲಾಡಿಸಿ ಹೆಚ್ಚು ಸದ್ದು ಮಾಡಿದ ಸಿಎಂ; ಕಾಂಗ್ರೆಸ್

Team Udayavani, Nov 25, 2021, 11:19 AM IST

ಬೆಂಗಳೂರು : ರೈತ ವಿದ್ಯಾನಿಧಿ ವಿಚಾರಕ್ಕೆ ಸಂಬಂಧಿಸಿ ಕರ್ನಾಟಕ ಕಾಂಗ್ರೆಸ್ ಸರಕಾರದ ಯೋಜನೆ ಖಾಲಿ ಡಬ್ಬ ಎಂದು ಟೀಕಿಸಿ ಗುರುವಾರ ಟ್ವೀಟ್ ಮಾಡಿದೆ.

ಕೆಪಿಸಿಸಿ ಮಾಡಿದ ಟ್ವೀಟ್ ನಲ್ಲಿ ”ಸಿಎಂ ಅಬ್ಬರದೊಂದಿಗೆ ಘೋಷಿಸಿದ ರೈತ ವಿದ್ಯಾನಿಧಿ ವಿದ್ಯಾರ್ಥಿ ವೇತನಕ್ಕೆ ಪ್ರತ್ಯೇಕ ಅರ್ಜಿ ಹಾಕುವ ವ್ಯವಸ್ಥೆಯೇ ಇಲ್ಲ, ಸಾಮಾನ್ಯ ವರ್ಗದ ಅರ್ಜಿಗಳನ್ನು ಮಾತ್ರ ಪರಿಗಣಿಸಲಾಗುತ್ತಿದೆ.ಹೀಗಾಗಿ ಇದುವರೆಗೂ ಕೇವಲ 16 ಸಾವಿರ ವಿದ್ಯಾರ್ಥಿಗಳಿಗೆ ಮಾತ್ರ ದೊರಕಿದೆ!. ಬೊಮ್ಮಾಯಿಯವರೇ, ಇಂತಹ ಖಾಲಿ ಡಬ್ಬ ಅಲ್ಲಾಡಿಸಿ ಹೆಚ್ಚು ಸದ್ದು ಮಾಡಿದಿರಲ್ಲವೇ!?” ಎಂದು ಬರೆದಿದೆ.

ಸಿಎಂ ರೈತ ವಿದ್ಯಾನಿಧಿ ಕಾಗದದ ಕುಸುಮ, ಬಿಜೆಪಿಯ ಪ್ರಚಾರ ಆನೆಯಷ್ಟು, ಕೆಲಸ ಇರುವೆಯಷ್ಟು ಎಂದು ಪೋಸ್ಟ್ ಮಾಡಿದೆ.

ಕೋವಿಡ್ ಸಮಯದಲ್ಲಿ ಯಾವ ರೈತರಿಗೂ ಪರಿಹಾರ ಕೊಡಲಿಲ್ಲ, ಬೆಳೆಗೆ ಮಾರುಕಟ್ಟೆಯನ್ನೂ ಕಲ್ಪಿಸದೆ ಬಿಜೆಪಿ ಸರ್ಕಾರ ರೈತರನ್ನು ನಡು ನೀರಿನಲ್ಲಿ ಕೈಬಿಟ್ಟಿತು. ಬಾಯಿ ಮಾತಿನಲ್ಲಿ ಘೋಷಿಸಿದ ಪರಿಹಾರ ಯಾವ ರೈತರ ಕೈಗೂ ಸೇರಲಿಲ್ಲ. ಮುಖ್ಯಮಂತ್ರಿಗಳು, ಕೋವಿಡ್ ವೇಳೆ ರೈತರಿಗೆ ಎಷ್ಟು ಪರಿಹಾರ ಕೊಡಲಾಗಿದೆ ಎಂಬ ಪಟ್ಟಿ ಬಿಡುಗಡೆ ಮಾಡಲಿ ಎಂದು ಕೆಪಿಸಿಸಿ ಅಧ್ಯಕ್ಷ ಡಿ.ಕೆ.ಶಿವಕುಮಾರ್ ಸರಕಾರಕ್ಕೆ ಸವಾಲು ಹಾಕಿದ್ದರು.