ನಿಷೇಧಿತ ಮಾದಕ ವಸ್ತು ಮಾರಾಟ: ಓರ್ವ ವಶಕ್ಕೆ 

Team Udayavani, Mar 17, 2023, 5:30 AM IST

ನಿಷೇಧಿತ ಮಾದಕ ವಸ್ತು ಮಾರಾಟ: ಓರ್ವ ವಶಕ್ಕೆ

ಉಡುಪಿ: ಹೆರ್ಗ ಗ್ರಾಮದ ಈಶ್ವರ ನಗರದ ಬಳಿಯ ಸಾರ್ವಜನಿಕ ಸ್ಥಳದಲ್ಲಿ ನಿಷೇದಿತ ಮಾದಕ ವಸ್ತು ಗಾಂಜಾ ಮಾರಾಟ ಮಾಡಲು ಬಂದಿದ್ದ ಬಬ್ಲು ಕುಮಾರ್‌ನನ್ನು ಸೆನ್‌ ಪೊಲೀಸ್‌ ಠಾಣೆಯವರು ವಶಕ್ಕೆ ತೆಗೆದುಕೊಂಡಿದ್ದಾರೆ.

ಠಾಣೆಯ ನಿರೀಕ್ಷಕ ಎಸ್‌.ಎಚ್‌.ಬಜಂತ್ರಿ ಅವರು ಪತ್ರಾಂಕಿತ ಅಧಿಕಾರಿ ಹಾಗೂ ಪಂಚರೊಂದಿಗೆ ದಾಳಿ ನಡೆಸಿ, ಆರೋಪಿಯಿಂದ 1 ಕೆ.ಜಿ. 102 ಗ್ರಾಂ ತೂಕದ ಗಾಂಜಾ, ಬೈಕ್‌, ಮೊಬೈಲ್‌ ಫೋನ್‌ ವಶಕ್ಕೆ ತೆಗೆದುಕೊಂಡಿದ್ದಾರೆ. ವಶಪಡಿಸಿಕೊಂಡು ಸೊತ್ತುಗಳ ಒಟ್ಟು ಮೌಲ್ಯ 43,000ರೂ.ಆಗಿದೆ.

———————-
ಇಸ್ಪೀಟು ಜುಗಾರಿ: ನಾಲ್ವರು ವಶಕ್ಕೆ
ಉಡುಪಿ: ಮೂಡನಿಡಂಬೂರು ಗ್ರಾಮದ ಕರಾವಳಿ ಜಂಕ್ಷನ್‌ ಹತ್ತಿರದ ಸಾರ್ವಜನಿಕ ಸ್ಥಳದಲ್ಲಿ ಇಸ್ಪೀಟು ಜುಗಾರಿ ಆಟವಾಡುತ್ತಿದ್ದ ಕಾಡಬೆಟ್ಟುವಿನ ಕಿರಣ್‌, ಕುಂದಾಪುರದ ರಮೇಶ್‌, ಬ್ರಹ್ಮಾವರದ ಪ್ರಕಾಶ್‌ ಶೆಟ್ಟಿ, 76 ಬಡಗಬೆಟ್ಟುವಿನ ಮಹಮ್ಮದ್‌ ಇಮ್ರಾನ್‌, ಕಟಪಾಡಿಯ ಸುನಿಲ್‌ ಪೂಜಾರಿಯನ್ನು ಉಡುಪಿ ನಗರ ಠಾಣೆಯ ಪಿಎಸ್‌ಐ ರವಿ ಬಿ.ಕೆ.ಅವರ ತಂಡ ವಶಕ್ಕೆ ಪಡೆದುಕೊಂಡಿದೆ.

ಆಟಕ್ಕೆ ಬಳಸಿದ 5,600 ರೂ. ಹಾಗೂ ಇತರ ಪರಿಕರಗಳನ್ನು ವಶಕ್ಕೆ ಪಡೆಯಲಾಗಿದೆ. ನಗರ ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.