ಇ-ಸಿಗರೇಟ್‌, ವಿದೇಶಿ ಸಿಗರೇಟ್‌ ವಶ

Team Udayavani, Mar 30, 2023, 5:40 AM IST

ಮಂಗಳೂರು: ನಗರದ ಲಾಲ್‌ಭಾಗ್‌ನ ವಾಣಿಜ್ಯ ಸಂಕೀರ್ಣವೊಂದರ ಅಂಗಡಿಗಳಲ್ಲಿ ಅಕ್ರಮವಾಗಿ ಶೇಖರಿಸಿಡಲಾಗಿದ್ದ ಇ-ಸಿಗರೇಟ್‌ ಮತ್ತು ವಿದೇಶಿ ಸಿಗರೇಟ್‌ಗಳನ್ನು ಪೊಲೀಸರು ಸ್ವಾಧೀನಪಡಿಸಿಕೊಂಡಿದ್ದಾರೆ.

ಹಸನ್‌ ಷರೀಫ್ ಮತ್ತು ಇರ್ಷಾದ್‌ ತಮ್ಮ “ಯೂನಿಕ್‌ ವರ್ಲ್ಡ್ ಮೊಬೈಲ್‌ ಮತ್ತು ಹುಕ್ಕಾ ಶಾಪ್‌”ನಲ್ಲಿ ಅಕ್ರಮವಾಗಿ ಶೇಖರಿಸಿಟ್ಟಿದ್ದ 8 ಇ-ಸಿಗರೇಟ್‌ಗಳನ್ನು, 99 ದೇಶೀಯ ಸಿಗರೇಟ್‌ ಮತ್ತು ವಿದೇಶಿ ಸಿಗರೇಟ್‌ಗಳನ್ನು ಹಾಗೂ “ಆಮಂತ್ರಣ’ ಎಂಬ ಶಾಪ್‌ನಲ್ಲಿ ಸಂತೋಷ್‌, ಶಿವು ಮತ್ತು ಸ್ವಾತಿ ಎಂಬವರು ಅಕ್ರಮವಾಗಿ ಶೇಖರಿಸಿಟ್ಟಿದ್ದ ಒಟ್ಟು 74,178 ರೂ. ಮೌಲ್ಯದ ಇ-ಸಿಗರೇಟ್‌, ವಿದೇಶಿ/ಸ್ವದೇಶಿ ಸಿಗರೇಟ್‌ಗಳನ್ನು ಪೊಲೀಸರು ಸ್ವಾಧೀನಪಡಿಸಿ ಪ್ರಕರಣ ದಾಖಲಿಸಿಕೊಂಡಿದ್ದಾರೆ.