Viral: ಒಂಟಿಯಾದ ಝೆಲೆನ್‌ಸ್ಕಿ ಫೋಟೋ ವೈರಲ್‌ !

Team Udayavani, Jul 14, 2023, 7:59 AM IST

ಕೀವ್‌: ರಷ್ಯಾದ ಯುದ್ದೋನ್ಮಾದಿಂದ ಈಗಾಗಲೇ ಹೈರಾಣಾಗಿರುವ ಉಕ್ರೇನ್‌ ಅಧ್ಯಕ್ಷ ವೊಲೋಡಿಮಿರ್‌ ಝೆಲೆನ್‌ಸ್ಕಿ ಜಾಗತಿಕ ವೇದಿಕೆಗಳಲ್ಲಿ ಹಲವಾರು ಬಾರಿ ಉಕ್ರೇನ್‌ ಸಹಾಯಕ್ಕೆ ನಿಲ್ಲದ ರಾಷ್ಟ್ರಗಳ ಬಗ್ಗೆ ಅಸಮಾಧಾನ ಹೊರಹಾಕಿದ್ದಾರೆ. ಈಗ ಅವರು ಅಂಥದ್ದೇ ಅಸಮಾಧಾನದ ಚರ್ಯೆಯಲ್ಲಿರುವ ಫೋಟೋ ಒಂದು ಜಾಲತಾಣದಲ್ಲಿ ಭಾರೀ ವೈರಲ್‌ ಆಗಿದ್ದು, ಝೆಲೆನ್‌ಸ್ಕಿ ಒಬ್ಬೊಂಟಿಯಾಗಿ ಬಿಟ್ಟರು ಎನ್ನುವಂಥೆ ನೆಟ್ಟಿಗರು ಬಿಂಬಿಸಿದ್ದಾರೆ.

ಇತ್ತೀಚೆಗಷ್ಟೇ ನಡೆದ ನ್ಯಾಟೊ ರಾಷ್ಟ್ರಗಳ ಶೃಂಗಸಭೆಯಲ್ಲಿ ಝೆಲೆನ್‌ಸ್ಕಿ ಭಾಗಿಯಾಗಿದ್ದರು. ಈ ವೇಳೆ ಫೋಟೋ ಒಂದನ್ನು ಕ್ಲಿಕ್ಕಿಸಲಾಗಿದೆ. ಅದರಲ್ಲಿ ಬೇರೆ-ಬೇರೆ ರಾಷ್ಟ್ರದ ಪ್ರತಿನಿಧಿಗಳು ಒಬ್ಬರನ್ನೊಬ್ಬರು ಆಲಂಗಿಸಿ, ಮಾತನಾಡಿಸುತ್ತಿದ್ದರೆ. ಇತ್ತ ಝೆಲೆನ್‌ಸ್ಕಿ ಮಾತ್ರ ಒಬ್ಬಂಟಿಯಾಗಿ ಏನೋ ಯೋಚಿಸುತ್ತಾ ನಿಂತಿದ್ದಾರೆ. ಈ ಹಿನ್ನೆಯಲ್ಲಿ ಕೆಲ ನೆಟ್ಟಿಗರು ನ್ಯಾಟೊ ಸೇರುವ ಉದ್ದೇಶಕ್ಕೆ ಉಕ್ರೇನ್‌ ರಷ್ಯಾವನ್ನು ಎದುರು ಹಾಕಿಕೊಂಡಿತು, ಆದರೆ ನ್ಯಾಟೊ ರಾಷ್ಟ್ರಗಳು ಈಗ ಉಕ್ರೇನ್‌ ಅನ್ನು ಒಂಟಿ ಮಾಡಿಬಿಟ್ಟವು ಎಂದಿದ್ದಾರೆ. ಮತ್ತೂ ಕೆಲವರು ಆಹ್ವಾನವಿಲ್ಲದವರ ಮನೆಗೆ ಹೋದರೆ ಹೀಗೆಯೇ ಆಗುವುದು ಎಂದೆಲ್ಲಾ ಛೇಡಿಸಿದ್ದಾರೆ.