ISRO: ಆಗಸ್ಟ್‌ನಲ್ಲಿ ಗಗನಯಾನ “ಅಬಾರ್ಟ್‌ ಮಿಷನ್‌”

Team Udayavani, Jun 23, 2023, 7:47 AM IST

ಅಹಮದಾಬಾದ್‌: ಭಾರತದ ಮಹತ್ವಾಕಾಂ ಕ್ಷೆಯ ಗಗನಯಾನ ಯೋಜನೆಗೆ ಇಸ್ರೋ ಎಲ್ಲ ರೀತಿಯಲ್ಲೂ ಸಿದ್ಧತೆ ಮಾಡಿಕೊಳ್ಳುತ್ತಿದ್ದು, “ಇದೇ ವರ್ಷದ ಆಗಸ್ಟ್‌ ತಿಂಗಳಲ್ಲಿ ಬಾಹ್ಯಾ ಕಾಶನೌಕೆಯ ಮೊದಲ ಅಬಾರ್ಟ್‌ ಮಿಷನ್‌(ಅವಧಿ ಪೂರ್ವವಾಗಿ ಬಾಹ್ಯಾಕಾಶ ನೌಕೆ ಯನ್ನು ಸ್ಥಗಿತಗೊಳಿಸುವ ಪ್ರಕ್ರಿಯೆ) ಅನ್ನು ಕೈಗೆತ್ತಿಕೊಳ್ಳಲಾಗುತ್ತದೆ’ ಎಂದು ಇಸ್ರೋ ಅಧ್ಯಕ್ಷ ಎಸ್‌.ಸೋಮನಾಥ್‌ ಹೇಳಿದ್ದಾರೆ.

ಈ ಪರೀಕ್ಷಾರ್ಥ ಪ್ರಕ್ರಿಯೆಗಳೆಲ್ಲ ಪೂರ್ಣಗೊಂಡ ಬಳಿಕ ಅಂದರೆ ಮುಂದಿನ ವರ್ಷ ಮಾನವ ಸಹಿತ “ಗಗನಯಾನ”ದ ಉಡಾವಣೆ ನೆರವೇರ ಲಿದೆ ಎಂದೂ ಅವರು ಮಾಹಿತಿ ನೀಡಿದ್ದಾರೆ. ಅಲ್ಲದೇ “ಎಲ್ಲದಕ್ಕೂ ಮೊದಲು ಅಬಾರ್ಟ್‌ ಕಾರ್ಯಾಚರಣೆ ಯಶಸ್ವಿ ಯಾಗಬೇಕು. ಅದಕ್ಕೆಂದೇ ನಾವು ಪರೀಕ್ಷಾರ್ಥ ವಾಹನ ವೊಂದನ್ನು ಸಿದ್ಧಪಡಿಸಿದ್ದೇವೆ. ಕ್ರೂ ಮಾಡ್ನೂಲ್‌ ಮತ್ತು ಗಗನ ಯಾತ್ರಿಗಳು ಸುರಕ್ಷಿತವಾಗಿ ಪಾರಾಗುವಂಥ ವ್ಯವಸ್ಥೆ ಸಜ್ಜಾಗುತ್ತಿದೆ ಎಂದು ಅಹಮದಾಬಾದ್‌ನಲ್ಲಿ ಹೇಳಿದ್ದಾರೆ.