ಕೋವಿಡ್-19 ಲಸಿಕೆ ಖರೀದಿಗೆ ಖರ್ಚಾದ ಹಣದ ವಿವರ ನೀಡಿದ ಕೇಂದ್ರ ಸರಕಾರ

Team Udayavani, Dec 23, 2021, 6:49 PM IST

ನವದೆಹಲಿ : ಕೇಂದ್ರ ಸರಕಾರದ ಅಂಕಿ ಅಂಶಗಳ ಪ್ರಕಾರ, ರಾಜ್ಯಗಳು ಮತ್ತು ಕೇಂದ್ರಾಡಳಿತ ಪ್ರದೇಶಗಳಿಗೆ ಉಚಿತವಾಗಿ ಕೋವಿಡ್-19 ಲಸಿಕೆಗಳನ್ನು ಖರೀದಿಸಲು 19,675 ಕೋಟಿ ರೂಪಾಯಿಗಳನ್ನು ಖರ್ಚು ಮಾಡಲಾಗಿದೆ.

ಕೋವಿಡ್-19 ಲಸಿಕೆಗಳಿಗಾಗಿ ಸರಕಾರವು 2021-2022ರ ಕೇಂದ್ರ ಬಜೆಟ್‌ನಲ್ಲಿ 35,000 ಕೋಟಿ ರೂ.ಗಳನ್ನು ಮೀಸಲಿಟ್ಟಿತ್ತು.

ಸಾಮಾಜಿಕ ಕಾರ್ಯಕರ್ತ ಅಮಿತ್ ಗುಪ್ತಾ ಅವರು ಸಲ್ಲಿಸಿದ ಆರ್‌ಟಿಐ ಅರ್ಜಿಗೆ ಉತ್ತರವನ್ನು ನೀಡಿ, . ಮೇ 1 ರಿಂದ ಡಿಸೆಂಬರ್ 20 ರವರೆಗೆ ಸರಕಾರಿ ಕೋವಿಡ್ ವ್ಯಾಕ್ಸಿನೇಷನ್ ಸೆಂಟರ್‌ಗಳಲ್ಲಿ (ಸಿವಿಸಿ) 117.56 ಕೋಟಿ ಅಂದರೆ ಶೇಕಡ 96.5 ಡೋಸ್‌ಗಳನ್ನು ನೀಡಲಾಗಿದೆ ಎಂದು ಕೇಂದ್ರ ಆರೋಗ್ಯ ಸಚಿವಾಲಯದ ಕೋವಿಡ್-19 ಲಸಿಕೆ ಆಡಳಿತ ಕೋಶ ತಿಳಿಸಿದೆ. ”ಸುಮಾರು 4.18 ಕೋಟಿ ಡೋಸ್‌ಗಳನ್ನು ಖಾಸಗಿ ಸಿವಿಸಿಗಳಲ್ಲಿ ನಿರ್ವಹಿಸಲಾಗಿದ್ದು, 3.55 ಕೋಟಿ ಡೋಸ್ ಕೋವಿಶೀಲ್ಡ್, 0.51 ಕೋಟಿ ಡೋಸ್ ಕೋವಾಕ್ಸಿನ್ ಮತ್ತು 0.ಎಲ್ ಕೋಟಿ ಡೋಸ್ ಸ್ಪುಟ್ನಿಕ್ ವಿ ಲಸಿಕೆ ಸೇರಿವೆ ಎಂದು ಅದು ಹೇಳಿದೆ.

ಜೂನ್ 21 ರಿಂದ ಜಾರಿಯಾಗುವ ‘ರಾಷ್ಟ್ರೀಯ ಕೋವಿಡ್ ವ್ಯಾಕ್ಸಿನೇಷನ್ ಕಾರ್ಯಕ್ರಮದ ಪರಿಷ್ಕೃತ ಮಾರ್ಗಸೂಚಿಗಳ’ ಅಡಿಯಲ್ಲಿ, ದೇಶೀಯ ಲಸಿಕೆ ತಯಾರಕರು ತಮ್ಮ ಮಾಸಿಕ ಲಸಿಕೆ ಉತ್ಪಾದನೆಯ 25 ಪ್ರತಿಶತವನ್ನು ನೇರವಾಗಿ ಖಾಸಗಿ ಆಸ್ಪತ್ರೆಗಳಿಗೆ ಒದಗಿಸಲು ಆಯ್ಕೆಯನ್ನು ಹೊಂದಿದ್ದಾರೆ ಮತ್ತು ಯಾವುದೇ ಉಳಿದ ಲಸಿಕೆಯನ್ನು ಸಹ ಸರ್ಕಾರವು ಖರೀದಿಸುತ್ತದೆ.

CoWIN ಪೋರ್ಟಲ್ ಪ್ರಕಾರ, ಜನವರಿ 16 ರಿಂದ ಲಸಿಕಾಕರಣ ಪ್ರಾರಂಭವಾದಾಗಿನಿಂದ ದೇಶದಲ್ಲಿ 140 ಕೋಟಿ ಡೋಸ್‌ಗಳನ್ನು ನೀಡಲಾಗಿದ್ದು, . 56.79 ಕೋಟಿ ಜನರು ಎರಡೂ ಡೋಸ್‌ಗಳನ್ನು ಸ್ವೀಕರಿಸಿದ್ದಾರೆ.