ನಕಲಿ ನೋಟುಗಳ ಚಲಾವಣೆ: ದೆಹಲಿಯಲ್ಲಿ ಅಂತರರಾಷ್ಟ್ರೀಯ ಸಿಂಡಿಕೇಟ್ ಬಂಧನ

Team Udayavani, Jan 9, 2022, 6:37 PM IST

ಹೊಸದಿಲ್ಲಿ: ದೆಹಲಿ ಪೊಲೀಸ್ ವಿಶೇಷ ಸೆಲ್ ನಕಲಿ ಭಾರತೀಯ ಕರೆನ್ಸಿ ನೋಟುಗಳ ಚಲಾವಣೆಯಲ್ಲಿ ತೊಡಗಿದ್ದ 42ರ ಹರೆಯದ ಅಂತರರಾಷ್ಟ್ರೀಯ ಸಿಂಡಿಕೇಟ್ ಅನ್ನು ಬಂಧಿಸಿದ್ದಾರೆ ಎಂದು ಅಧಿಕಾರಿಗಳು ಭಾನುವಾರ ತಿಳಿಸಿದ್ದಾರೆ.

ಆರೋಪಿ, ಬಿಹಾರದ ಪೂರ್ವ ಚಂಪಾರಣ್ ಜಿಲ್ಲೆಯ ಯಮುನಾಪುರ ಗ್ರಾಮದ ರೈಸುಲ್ ಅಜಮ್ ಎನ್ನುವವನಾಗಿದ್ದು, ಇಲ್ಲಿನ ಇಂದ್ರಪ್ರಸ್ಥ ಪಾರ್ಕ್, ಸರಾಯ್ ಕಾಲೇ ಖಾನ್ ಬಳಿ ಬಂಧಿಸಲಾಗಿದ್ದು, ಆತನ ಬಳಿ 500 ರೂಪಾಯಿ ಮುಖಬೆಲೆಯ 2.98 ಲಕ್ಷ ರೂ ಮೌಲ್ಯದ ನಕಲಿ ನೋಟುಗಳು ಪತ್ತೆಯಾಗಿವೆ ಎಂದು ಅವರು ತಿಳಿಸಿದ್ದಾರೆ.

ಭಾರತ-ನೇಪಾಳ ಗಡಿಯಿಂದ ಬಿಹಾರದ ಮೋತಿಹಾರಿ ಜಿಲ್ಲೆಯ ರಕ್ಸಾಲ್ ಮೂಲಕ ನಕಲಿ ನೋಟುಗಳು ದೇಶದಲ್ಲಿ ರವಾನೆಯಾಗುತ್ತಿವೆ ಎಂದು ವಿಶೇಷ ಸೆಲ್ ಪೊಲೀಸ್ ಉಪ ಆಯುಕ್ತ ಜಸ್ಮೀತ್ ಸಿಂಗ್ ತಿಳಿಸಿದ್ದಾರೆ.

ಅಕ್ಟೋಬರ್ 2021 ರ ಕೊನೆಯ ವಾರದಲ್ಲಿ ವಿಶೇಷ ಸೆಲ್‌ನ ಇನ್ಸ್‌ಪೆಕ್ಟರ್ ಈಶ್ವರ್ ಸಿಂಗ್ ತಂಡಕ್ಕೆ ದೊರೆತ ಸುಳಿವು ಆಧರಿಸಿ ಈ ಬಂಧನ ನಡೆದಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.

“ಈ ಸಿಂಡಿಕೇಟ್ ಸದಸ್ಯರ ಚಲನವಲನಗಳ ಮೇಲೆ ಕಣ್ಗಾವಲು ಇರಿಸಲಾಗಿದ್ದು, ಅಗತ್ಯ ಗುಪ್ತಚರ ಮಾಹಿತಿಯನ್ನು ಸಂಗ್ರಹಿಸಲಾಗಿದೆ. ಈ ಸಿಂಡಿಕೇಟ್‌ನ ಪ್ರಮುಖ ಪೂರೈಕೆದಾರ ರೈಸುಲ್ ಅಜಮ್ ದೆಹಲಿ-ಎನ್‌ಸಿಆರ್, ಉತ್ತರ ಪ್ರದೇಶ, ಪಶ್ಚಿಮ ಬಂಗಾಳ, ಬಿಹಾರ ಮತ್ತು ದೇಶದ ಇತರ ಭಾಗಗಳಲ್ಲಿ ನಕಲಿ ನೋಟುಗಳ ಪೂರೈಕೆಯಲ್ಲಿ ಸಕ್ರಿಯವಾಗಿ ತೊಡಗಿಸಿಕೊಂಡಿದ್ದಾನೆ ಎಂದು ಅಧಿಕಾರಿ ತಿಳಿಸಿದ್ದಾರೆ.

ವಿಚಾರಣೆಯ ಸಮಯದಲ್ಲಿ, ಆಜಮ್ ನೇಪಾಳ ಮೂಲದ ವ್ಯಕ್ತಿಯಿಂದ ಸರಕುಗಳನ್ನು ಖರೀದಿಸಿರುವುದಾಗಿ ಎಂದು ಬಹಿರಂಗಪಡಿಸಿದ್ದು, ಆತನನ್ನು ಸುರೇಶ್ ಎಂದು ಗುರುತಿಸಲಾಗಿದೆ.ಹಣವನ್ನು ನೀಡಲು ದೆಹಲಿಗೆ ಬಂದಿದ್ದೇನೆ ಎಂದು ಆತ ಹೇಳಿರುವುದಾಗಿ ಪೊಲೀಸರು ತಿಳಿಸಿದ್ದಾರೆ.

ನಕಲಿ ನೋಟುಗಳನ್ನು ಚಲಾವಣೆ ಜಾಲದಲ್ಲಿ ಭಾಗಿಯಾಗಿದ್ದ ಆರೋಪದ ಮೇಲೆ ಅಜಂನನ್ನು ಈ ಹಿಂದೆ ಬೇರೆ ರಾಜ್ಯಗಳಲ್ಲಿ ಬಂಧಿಸಲಾಗಿತ್ತು.
ಹೆಚ್ಚಿನ ತನಿಖೆ ನಡೆಯುತ್ತಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.