ಗಡಿ ವಿವಾದ;ಸರ್ವಪಕ್ಷ ನಿಯೋಗ ದೆಹಲಿಗೆ ಕೊಂಡೊಯ್ಯಿರಿ: ಸಿಎಂಗೆ ಡಿಕೆಶಿ ಮನವಿ

Team Udayavani, Dec 28, 2022, 4:48 PM IST

ಬೆಂಗಳೂರು : ಕರ್ನಾಟಕ- ಮಹಾರಾಷ್ಟ್ರ ಗಡಿ ವಿವಾದಕ್ಕೆ ಸಂಬಂಧಿಸಿದಂತೆ ಮುಖ್ಯಮಂತ್ರಿ ಬಸವರಾಜ ಬೊಮ್ಮಾಯಿ ಅವರು ಕೇಂದ್ರಕ್ಕೆ ಸರ್ವಪಕ್ಷಗಳ ನಿಯೋಗವನ್ನು ತಕ್ಷಣವೇ ಮುನ್ನಡೆಸುವಂತೆ ಕರ್ನಾಟಕ ಕಾಂಗ್ರೆಸ್ ಅಧ್ಯಕ್ಷ ಡಿ ಕೆ ಶಿವಕುಮಾರ್ ಅವರು ಬುಧವಾರ ಒತ್ತಾಯಿಸಿದ್ದು. ಪೊಳ್ಳು ಹೇಳಿಕೆಗಳೊಂದಿಗೆ ತುಟಿ ಅಲ್ಲಾಡಿಸುವುದು ಬೇಡ ಎಂದು ಕಿಡಿಕಾರಿದರು.

ಕರ್ನಾಟಕವು ಮಹಾರಾಷ್ಟ್ರಕ್ಕೆ ಒಂದು ಇಂಚು ಭೂಮಿಯನ್ನೂ ಬಿಟ್ಟುಕೊಡುವುದಿಲ್ಲ ಎಂಬ ಸಿಎಂ ಬೊಮ್ಮಾಯಿ ಅವರ ಹೇಳಿಕೆಗೆ ಪ್ರತಿಕ್ರಿಯಿಸಿ, ಈ ಬಗ್ಗೆ ಕೇಂದ್ರ ಗೃಹ ಸಚಿವ ಅಮಿತ್ ಶಾ ಅವರು ಸಾರ್ವಜನಿಕ ಭರವಸೆ ನೀಡಬೇಕು ಎಂದು ಒತ್ತಾಯಿಸಿದರು.

“ಸಿಎಂ ಕೇವಲ ಪೊಳ್ಳು ಹೇಳಿಕೆಗಳ ಮೂಲಕ ತುಟಿ ಅಲ್ಲಾಡಿಸು ಆಶ್ಚರ್ಯವಿಲ್ಲ. ಅವರು ನಿಜವಾಗಿಯೂ ಕರ್ನಾಟಕವನ್ನು ಮಹಾರಾಷ್ಟ್ರಕ್ಕೆ ಬಿಟ್ಟುಕೊಡಲು ಬಯಸುವುದಿಲ್ಲ ಎಂದು ಅವರು ಅರ್ಥಮಾಡಿಕೊಂಡರೆ, ಅವರು ತತ್ ಕ್ಷಣವೇ ದೆಹಲಿಗೆ ಸರ್ವಪಕ್ಷ ನಿಯೋಗವನ್ನು ಕರೆದೊಯ್ದು ಈ ವಿಷಯದ ಬಗ್ಗೆ ಗೃಹ ಸಚಿವರು ಸಾರ್ವಜನಿಕ ಭರವಸೆಯನ್ನು ನೀಡಲಿ ಎಂದು ಶಿವಕುಮಾರ್ ಟ್ವೀಟ್ ಮಾಡಿದ್ದಾರೆ.

ಗಡಿ ಸಮಸ್ಯೆಯ ಕುರಿತು ಮಹಾರಾಷ್ಟ್ರ ಶಾಸಕಾಂಗ ನಿರ್ಣಯವನ್ನು “ಬೇಜವಾಬ್ದಾರಿ ಮತ್ತು ಒಕ್ಕೂಟ ರಚನೆಯ ವಿರುದ್ಧ” ಎಂದು ಬಣ್ಣಿಸಿ ಬೊಮ್ಮಾಯಿ ಮಂಗಳವಾರ ರಾಜ್ಯದ ಒಂದು ಇಂಚು ಭೂಮಿಯನ್ನೂ ಬಿಟ್ಟುಕೊಡುವುದಿಲ್ಲ ಎಂದು ಪ್ರತಿಪಾದಿಸಿದ್ದರು.

Not surprised that CM is merely doing lip service with hollow statements. If he actually means that he doesn’t want to cede an inch of Karnataka to Maharashtra, he should immediately take a all party delegation to Delhi and let Home Minister give a public assurance on the matter. pic.twitter.com/0vQA5p96D6

— DK Shivakumar (@DKShivakumar) December 28, 2022