ಸೇವೆಯಿಂದ ಮಾಲೀಕನಿಗೆ ಅತೃಪ್ತಿ: ಹೊಸ ಟಾಟಾ ಸಫಾರಿ ಕಸ ಸಂಗ್ರಹಿಸಲು!!

Team Udayavani, Nov 17, 2021, 6:44 PM IST

ಜೈಪುರ:ಅಚ್ಚರಿಯ ಘಟನೆಯೊಂದರಲ್ಲಿ,ಟಾಟಾ ಸಫಾರಿಯ ಮಾಲೀಕರೊಬ್ಬರು ತಮ್ಮ ದುಬಾರಿ ಯಸ್ ಯುವಿ 
ಕಾರನ್ನು ಕಸ ಸಂಗ್ರಹಿಸುವ ವಾಹನವಾಗಿ ಸೇವೆ ಸಲ್ಲಿಸಲು ಮುನ್ಸಿಪಲ್ ಕಾರ್ಪೊರೇಷನ್ ಗೆ ನೀಡಿದ ವಿದ್ಯಮಾನ 
ರಾಜಸ್ಥಾನದಲ್ಲಿ ಇತ್ತೀಚೆಗೆ ನಡೆದಿದೆ.

ಮಾಲೀಕ ಟಾಟಾ ಸಫಾರಿಯ ಬ್ರೇಕ್‌ಗಳಿಗೆ ಸಂಬಂಧಿಸಿದಂತೆ ಪುನರಾವರ್ತಿತ ಸಮಸ್ಯೆಗಳನ್ನು ಎದುರಿಸುತ್ತಿರುವ ಕಾರಣ ಈ ವಿಚಿತ್ರ ನಿರ್ಧಾರ ಕೈಗೊಂಡಿದ್ದೇನೆ ಎಂದು ಹೇಳಿಕೊಂಡಿದ್ದಾರೆ.

ಹರ್ಷ ವ್ಲಾಗ್ಸ್ ಅಪ್‌ಲೋಡ್ ಮಾಡಿರುವ ಯು ಟ್ಯೂಬ್ ವೀಡಿಯೊದಲ್ಲಿ, ಮಾಲೀಕ ತಮ್ಮ ತೊಂದರೆಕೊಡುತ್ತಿದ್ದ ಟಾಟಾ ಸಫಾರಿ ಕುರಿತು ಮಾತನಾಡುವುದನ್ನು ನೋಡಬಹುದಾಗಿದೆ

ತನ್ನ ಟಾಟಾ ಸಫಾರಿ ಎಸ್‌ಯುವಿಯ ಬ್ರೇಕ್‌ಗಳಿಗೆ ಸಂಬಂಧಿಸಿದ ಸಮಸ್ಯೆಗಳನ್ನು ಎದುರಿಸುತ್ತಿದೆ ಮತ್ತು ಒಂದೆರಡು ಬಾರಿ ಬ್ರೇಕ್‌ಗಳನ್ನು ಬದಲಾಯಿಸಿದೆ ಆದಾಗ್ಯೂ, ಬ್ರೇಕ್‌ಗಳು ನಿರೀಕ್ಷೆಗಿಂತ ಬೇಗ ಹಾಳಾಗುತ್ತಲೇ ಇದ್ದವು, ಇದು ಮತ್ತೆ ಮತ್ತೆ ನನ್ನನ್ನು ಸರ್ವಿಸ್ ಸೆಂಟರ್ ಗೆ ಅಲೆಯುವಂತೆ ಮಾಡಿತು.

ಈ ಸಮಸ್ಯೆಗೆ ತಂತ್ರಜ್ಞರಿಂದ ಶಾಶ್ವತ ಪರಿಹಾರವನ್ನು ಪಡೆಯಲು ವಿಫಲವಾದ ನಂತರ ಅದನ್ನು ಕಸ ಸಂಗ್ರಹಿಸುವ ವಾಹನವಾಗಿ ಬಳಸಲು ನಿರ್ಧರಿಸಿದೆ ಎಂದು ಮಾಲೀಕ ಹೇಳಿಕೊಂಡಿದ್ದಾರೆ.

ಈ ಹಿಂದೆಯೂ ಕಾರುಗಳ ಇಂತಹ ಕೆಲ ಪ್ರಕರಣಗಳು ನಡೆದಿವೆ. ಟಾಟಾ ಸಫಾರಿ ಮಾತ್ರವಲ್ಲದೆ ಈ ಹಿಂದೆ, ಎಂಜಿ ಹೆಕ್ಟರ್, ಸ್ಕೋಡಾ ಆಕ್ಟೇವಿಯಾ ಮತ್ತು ಫೋರ್ಡ್ ಎಂಡೀವರ್‌ನಂತಹ ಕಾರುಗಳು ಸಹ ಇಂತಹ ಸಮಸ್ಯೆಯನ್ನು ಎದುರಿಸಿ, ಮಾಲೀಕರು ಕತ್ತೆಗಳನ್ನು ಕಟ್ಟಿ ಎಳೆಸಿ ಸುದ್ದಿಯಾಗಿದ್ದೂ ಇದೆ.