ಹೈದರಾಬಾದ್: ಭೀಕರ ಕಾರು ಅಪಘಾತದಲ್ಲಿ ತೆಲುಗು ನಟಿ ಗಾಯತ್ರಿ ಸಾವು

Team Udayavani, Mar 22, 2022, 3:19 PM IST

ನವದೆಹಲಿ: ಹೋಳಿ ಹಬ್ಬವನ್ನು ಮುಗಿಸಿ ವಾಪಸ್ ಆಗುತ್ತಿದ್ದ ವೇಳೆ ಸಂಭವಿಸಿದ ಭೀಕರ ಅಪಘಾತದಲ್ಲಿ ತೆಲುಗು ಚಿತ್ರರಂಗದ ಜನಪ್ರಿಯ ನಟಿ ಗಾಯತ್ರಿ (26ವರ್ಷ) ಸ್ಥಳದಲ್ಲಿಯೇ ಸಾವನ್ನಪ್ಪಿರುವ ಘಟನೆ ನಡೆದಿದೆ. ಈಕೆಯ ನಿಜವಾದ ಹೆಸರು ಡೊಲೈ ಡಿ ಕ್ರೂಝ್.

ಇದನ್ನೂ ಓದಿ:ಮಾರ್ಕ್ ವುಡ್ ಬದಲಿಗೆ ಜಿಂಬಾಬ್ವೆ ವೇಗಿಯನ್ನು ಕರೆತಂದ ಕೆ.ಎಲ್.ರಾಹುಲ್ ಬಳಗ

ಹಿಂದೂಸ್ತಾನ್ ಟೈಮ್ಸ್ ವರದಿ ಪ್ರಕಾರ, ನಟಿ ಗಾಯತ್ರಿಯ ಗೆಳೆಯ ಕಾರನ್ನು ಚಲಾಯಿಸುತ್ತಿದ್ದು, ನಿಯಂತ್ರಣ ತಪ್ಪಿ ಡಿವೈಡರ್ ಗೆ ಹೊಡೆದ ಘಟನೆ ಹೈದರಾಬಾದ್ ನ ಗಾಚಿಬೌಲಿಯಲ್ಲಿ ನಡೆದಿದ್ದು, ಭೀಕರ ಅಪಘಾತದಲ್ಲಿ ನಟಿ ಸ್ಥಳದಲ್ಲಿಯೇ ಸಾನ್ನಪ್ಪಿದ್ದು, ಆಕೆಯ ಗೆಳೆಯ ಗಾಯಗೊಂಡಿರುವುದಾಗಿ ತಿಳಿಸಿದೆ.

ಗಾಯತ್ರಿ ಅವರ ನಿಧನ ಸುದ್ದಿಯನ್ನು ಗೆಳತಿ, ನಟಿ ಸುರೇಖಾ ವಾಣಿ ಖಚಿತಪಡಿಸಿದ್ದು, ಆಕೆಯ ನಿಧನಕ್ಕೆ ತೆಲುಗು ಚಿತ್ರರಂಗದ ಗಣ್ಯರು ತೀವ್ರ ಸಂತಾಪ ಸೂಚಿಸಿದ್ದಾರೆ. ಗಾಯತ್ರಿ ಅಲಿಯಾಸ್ ಡೊಲೈ ಡಿ ಕ್ರೂಝ್ ಮೇಡಂ ಸರ್, ಮೇಡಂ ಅಂಟೆ ವೆಬ್ ಸೀರೀಸ್ ನಲ್ಲೂ ನಟಿಸಿದ್ದರು. ನಟಿ ಗಾಯತ್ರಿಯ ದಿಢೀರ್ ಸಾವಿನ ಘಟನೆಗೆ ಅಭಿಮಾನಿಗಳು, ಗೆಳೆಯರು, ಕುಟುಂಬ ಸದಸ್ಯರು ಆಘಾತ ವ್ಯಕ್ತಪಡಿಸಿರುವುದಾಗಿ ವರದಿ ತಿಳಿಸಿದೆ.