Hijab: ಹಿಜಾಬ್‌ ಧರಿಸಲು ಸೂಚಿಸಿದ್ದ ಶಾಲೆಯ ಕಟ್ಟಡ ಧ್ವಂಸ

Team Udayavani, Jun 16, 2023, 7:42 AM IST

ಭೋಪಾಲ: ಹಿಂದೂ ವಿದ್ಯಾರ್ಥಿನಿಯರಿಗೆ ಹಿಜಾಬ್‌ ಧರಿಸಬೇಕು ಎಂದು ಒತ್ತಾಯಿಸಿ ವಿವಾದಕ್ಕೆ ಗುರಿಯಾಗಿದ್ದ ಮಧ್ಯಪ್ರದೇಶದ ದಮೋಹ ಜಿಲ್ಲೆಯ ಶಾಲೆಯ ಒಂದು ಭಾಗವನ್ನು ಕೆಡವಿ ಹಾಕಲಾಗಿದೆ. ಬಿಗಿ ಪೊಲೀಸ್‌ ಭದ್ರತೆಯಲ್ಲಿ ಜೆಸಿಬಿ ಮೂಲಕ ಕಟ್ಟಡವನ್ನು ಕೆಡವಿ ಹಾಕಲು ಪ್ರಯತ್ನ ನಡೆಸಲಾಯಿತು. ನಿಗದಿಯಾಗಿರುವ ಸ್ಥಳದ ಮೂಲಕ ಜೆಸಿಬಿ ಶಾಲೆಯ ಆವರಣದೊಳಕ್ಕೆ ಪ್ರವೇಶಿಸಲು ಸಾಧ್ಯವಾಗಲಿಲ್ಲ. ಹೀಗಾಗಿ, 40 ಮಂದಿ ಕಾರ್ಮಿಕರು ಎರಡನೇ ಮಹಡಿಯಿಂದ ಕಡೆವಿ ಹಾಕುವ ಕಾರ್ಯ ನಡೆಸಿದ್ದಾರೆ.

ಕೆಡವಿ ಹಾಕಲಾಗಿರುವ ಭಾಗವನ್ನು ಶಾಲೆಯ ಆಡಳಿತ ಮಂಡಳಿ ಒತ್ತುವಾರಿ ಮಾಡಿಕೊಂಡ ಜಾಗದಲ್ಲಿ ನಿರ್ಮಿಸಿದೆ. ಈ ಬಗ್ಗೆ ನೋಟಿಸ್‌ ಕೂಡ ನೀಡಲಾಗಿತ್ತು ಎಂದು ದಮೋಹ ಮಹಾನಗರ ಪಾಲಿಕೆಯ ಆಯುಕ್ತರು ತಿಳಿಸಿದ್ದಾರೆ. ಮಧ್ಯಪ್ರದೇಶ ಬಿಜೆಪಿ ಘಟಕದ ಅಧ್ಯಕ್ಷ ವಿ.ಡಿ.ಶರ್ಮಾ ಮಾತಾಡಿದ “ಶಾಲೆಯ ಆಡಳಿತ ಮಂಡಳಿ ಜೆಹಾದಿ ಸಾಮ್ರಾಜ್ಯ ಸ್ಥಾಪನೆಗೆ ಮುಂದಾಗಿದೆ” ಎಂದು ದೂರಿದ್ದಾರೆ.