ಮಗಳು-ಪ್ರಿಯಕರನ ಕೊಂದು ಮೊಸಳೆಗೆ ಆಹಾರವಾಗಿಸಿದ ಅಪ್ಪ!

Team Udayavani, Jun 20, 2023, 7:55 AM IST

ಭೋಪಾಲ್‌: ಮಧ್ಯಪ್ರದೇಶದ ಮೊರೆನಾ ಜಿಲ್ಲೆಯಲ್ಲಿ ತಂದೆಯೊಬ್ಬ ತನ್ನ 18 ವರ್ಷದ ಮಗಳು ಹಾಗೂ ಆಕೆಯ 21 ವರ್ಷದ ಪ್ರಿಯಕರನನ್ನು ಕೊಂದು ದೇಹವನ್ನು ಮೊಸಳಗೆಳಿಗೆ ಆಹಾರವಾಗಿಸಿರುವ ಘಟನೆ ವರದಿಯಾಗಿದ್ದು, ಪ್ರಕರಣ ಮರ್ಯಾದೆಗೇಡು ಹತ್ಯೆ ಎಂಬ ಶಂಕೆ ವ್ಯಕ್ತವಾಗಿದೆ.

ರಥನ್‌ಬಾಸಿ ಗ್ರಾಮದ ನಿವಾಸಿ ಶಿವಾನಿ ಥೋಮರ್‌ ಹಾಗೂ ನೆರೆಯ ಗ್ರಾಮ ಬಲುಪುರದ ನಿವಾಸಿ ರಾಧೇಶ್ಯಾಮ್‌ ತೋಮರ್‌ ಇಬ್ಬರೂ ಪ್ರೀತಿಸುತ್ತಿದ್ದರು. ಇವರಿಬ್ಬರ ಪ್ರೀತಿಗೆ ಶಿವಾನಿ ಮನೆಯಲ್ಲಿ ಆಕ್ಷೇಪವೂ ಇತ್ತು, ಈ ಸಂಬಂಧಿಸಿದಂತೆ ಹುಡುಗನ ಕುಟುಂಬಸ್ಥರಿಗೆ ಶಿವಾನಿ ತಂದೆ ಎಚ್ಚರಿಕೆಯನ್ನೂ ನೀಡಿದ್ದರು.

ಈ ನಡುವೆ ಪ್ರೇಮಿಗಳು ಶಿವಾನಿ ತಂದೆ ಕೈಗೆ ಒಟ್ಟಾಕಿ ಸಿಕ್ಕಿಬಿದ್ದಿದ್ದು, ಆ ಇಬ್ಬರನ್ನೂ ಯುವತಿಯ ತಂದೆ ಹತ್ಯೆಗೈದಿದ್ದಾನೆ. ಅನಂತರ ಮೃತದೇಹಗಳನ್ನು ಮೊಸಳೆಗಳಿರುವ ಚೆಂಬಲ್‌ ಕಣಿವೆಗೆ ಎಸೆದು, ಮಗಳು ನಾಪತ್ತೆಯಾಗಿರುವ ಬಗ್ಗೆ ದೂರು ನೀಡಿದ್ದಾನೆ. ತನಿಖೆ ವೇಳೆ ವಿಚಾರ ಬಯಲಾಗಿದೆ.