ಉಜ್ಜಯಿನಿಯಲ್ಲಿ ಮಣ್ಣಿನ ಹಣತೆಗಳನ್ನು ಬೆಳಗಿಸಿ ಗಿನ್ನೆಸ್ ದಾಖಲೆ

Team Udayavani, Feb 18, 2023, 11:19 PM IST

ಉಜ್ಜಯಿನಿ: 2023ರ ಮಹಾಶಿವರಾತ್ರಿ ಸಂದರ್ಭದಲ್ಲಿ ಉಜ್ಜಯಿನಿಯಲ್ಲಿ 21 ಲಕ್ಷ ಮಣ್ಣಿನ ಹಣತೆಗಳನ್ನು ಬೆಳಗಿಸುವ ಮೂಲಕ ಮಧ್ಯಪ್ರದೇಶ ಶನಿವಾರ ಗಿನ್ನೆಸ್ ದಾಖಲೆ ನಿರ್ಮಿಸಲಾಗಿದೆ.

ಈ ವರ್ಷ ಉಜ್ಜಯಿನಿಯಲ್ಲಿ ಮಹಾಶಿವರಾತ್ರಿಯಂದು ‘ಶಿವಜ್ಯೋತಿ ಅರ್ಪಣಂ-2023’ ಆಯೋಜಿಸಲಾಗಿತ್ತು. ಕಳೆದ ವರ್ಷ ಮಹಾಶಿವರಾತ್ರಿಯಂದು ಉಜ್ಜಯಿನಿಯಲ್ಲಿ 11,71,078 ದೀಪಗಳನ್ನು ಬೆಳಗಿಸಲಾಗಿತ್ತು.

ವರದಿಗಳ ಪ್ರಕಾರ, ದಾಖಲೆಯನ್ನು ಸಾಧಿಸಲು ಸುಮಾರು 22,000 ಸ್ವಯಂಸೇವಕರನ್ನು ನಿಯೋಜಿಸಲಾಗಿತ್ತು. ಈ ಹಿಂದೆ, “ಅಯೋಧ್ಯೆ ದೀಪೋತ್ಸವ 2022” ದೀಪಾವಳಿಯಂದು ಗರಿಷ್ಠ 15.76 ಲಕ್ಷ ದೀಪಗಳನ್ನು ಬೆಳಗಿಸುವ ದಾಖಲೆಯನ್ನು ಹೊಂದಿತ್ತು. ಮಂಗಳಕರ ಸಂದರ್ಭದಲ್ಲಿ, ಉಜ್ಜಯಿನಿಯು “ಶಿವಜ್ಯೋತಿ ಅರ್ಪಣಂ 2023” ನಲ್ಲಿ ಅತ್ಯಾಕರ್ಷಕ ಲೇಸರ್ ಶೋಗೆ ಸಾಕ್ಷಿಯಾಯಿತು. ಕಾರ್ಯಕ್ರಮದಲ್ಲಿ ಪಟಾಕಿಗಳನ್ನೂ ಸಿಡಿಸಲಾಯಿತು ಮತ್ತು ಶಿವನಿಗೆ ಭಕ್ತಿಗೀತೆಗಳನ್ನು ನುಡಿಸಲಾಯಿತು.

#WATCH | Madhya Pradesh: Ujjain witnesses laser show, bursting of firecrackers and music at the ‘Shiv Jyoti Arpanam 2023’, on the occasion of #Mahashivratri pic.twitter.com/9QjL7CUMyu

— ANI (@ANI) February 18, 2023