ಮುನಾವರ್ ಫಾರುಕಿ ಕಾರ್ಯಕ್ರಮ ರದ್ದಾದ ಬೆನ್ನಲ್ಲೇ ಟ್ರೆಂಡಿಂಗ್ ಆದ ಜಾಕಿರ್ ಖಾನ್

Team Udayavani, Nov 29, 2021, 11:54 AM IST

ಮುನಾವರ್ ಫಾರುಕಿ, ಝಾಕಿರ್ ಖಾನ್

ಬೆಂಗಳೂರು: ಬೆಂಗಳೂರು ಪೊಲೀಸರು ಸ್ಟ್ಯಾಂಡ್-ಅಪ್ ಕಾಮಿಡಿಯನ್ ಮುನಾವರ್ ಫಾರುಕಿ ಕಾರ್ಯಕ್ರಮಕ್ಕೆ ಭಾನುವಾರ ತಡೆ ಒಡ್ಡಿದ ಬೆನ್ನಲ್ಲೇ ಸಾಮಾಜಿಕ ತಾಣಗಳಲ್ಲಿ ಪರ-ವಿರೋಧದ ಭಾರೀ ಚರ್ಚೆಯಾಗುತ್ತಿದ್ದು, ಈ ನಡುವೆ ಝಾಕಿರ್ ಖಾನ್ ಎನ್ನುವ ಇನ್ನೊಬ್ಬ ಕಲಾವಿದ ಟ್ರೆಂಡಿಂಗ್ ಆಗುತ್ತಿದ್ದಾರೆ.

ಹಿಂದೂ ಧಾರ್ಮಿಕ ವಿಚಾರಗಳಿಗೆ ಧಕ್ಕೆ ತಂದ ಆರೋಪದಲ್ಲಿ ಮುನಾವರ್ ಫಾರುಕಿ ಕಾರ್ಯಕ್ರಮ ರದ್ದು ಮಾಡಲಾಗಿತ್ತು, ಆ ಬಳಿಕ ಸಾಮಾಜಿಕ ತಾಣಗಳಲ್ಲಿ ಹಲವರು ಪೋಲೀಸರ ಕ್ರಮವನ್ನು ಬೆಂಬಲಿಸಿದರೆ, ಹಲವರು ಮುಸ್ಲಿಂ ಆಗಿರುವುದರಿಂದ ಕಾರ್ಯಕ್ರಮ ರದ್ದು ಮಾಡಲಾಗಿದೆ ಎಂದು ಆಕ್ರೋಶ ವ್ಯಕ್ತ ಪಡಿಸಿದ್ದರು.

ಆಕ್ರೋಶ ವ್ಯಕ್ತವಾಗುತ್ತಿರುವ ವೇಳೆಯಲ್ಲೇ ಇನ್ನೊಬ್ಬ ಮುಸ್ಲಿಂ ಸ್ಟ್ಯಾಂಡ್-ಅಪ್ ಕಾಮಿಡಿಯನ್ ಝಾಕಿರ್ ಖಾನ್ ಟ್ರೆಂಡಿಂಗ್ ಆಗುತ್ತಿದ್ದಾರೆ. ಹಲವಾರು ಝಾಕಿರ್ ಖಾನ್ ಅವರು ಉತ್ತಮ ಹಾಸ್ಯ ಕಲಾವಿದ ಎಲ್ಲರೂ ಅವರ ಹಾಸ್ಯವನ್ನು ಸ್ವೀಕರಿಸುತ್ತಾರೆ.ಕಾರಣ, ಅವರೊಬ್ಬ ಉತ್ತಮ ಹಾಸ್ಯಗಾರ ಎಂದು ಬರೆದಿದ್ದಾರೆ.

Saw ‘Zakir Khan’ trending on Twitter, and I was under the impression that now they are going after him.
Turns out, now Zakir Khan is the good Muslim stand-up comedian and Munawar Faruqui is the bad Muslim stand-up comedian. pic.twitter.com/n0hHl2Fzmb

— Bobins Abraham Vayalil (@BobinsAbraham) November 29, 2021

ಭಾರತದ ಟಾಪ್ ಹಾಸ್ಯನಟ ಜಾಕಿರ್ ಖಾನ್, ಭಾರತದ ಟಾಪ್ ನಟರು,ಸಲ್ಮಾನ್ ಶಾರುಖ್, ಅಮೀರ್ ಖಾನ್, ಭಾರತದ ಅಗ್ರ ವೇಗದ ಬೌಲರ್ ಜಹೀರ್ ಖಾನ್, ಧರ್ಮದ ಕಾರಣದಿಂದ ಯಾರೂ ತಮ್ಮ ಕೆಲಸಗಳನ್ನು ಮಾಡುವುದನ್ನು ನಿಲ್ಲಿಸಲಿಲ್ಲ. ಜನರು ಅಸಹಿಷ್ಣುತೆ ಹೊಂದಿದ್ದರೆ, ಈ ವ್ಯಕ್ತಿಗಳು ಎಂದಿಗೂ ಅಗ್ರಸ್ಥಾನದಲ್ಲಿರುತ್ತಿರಲಿಲ್ಲ.ಆದ್ದರಿಂದ ನಿಮ್ಮ ಪ್ರಚಾರವನ್ನು ನಿಲ್ಲಿಸಿ ಎಂದು ಹಲವರು ಬೆಂಗಳೂರು ಪೊಲೀಸರ ಕ್ರಮ ವನ್ನು ಬೆಂಬಲಿಸಿದ್ದಾರೆ.