ಟಿವಿ ಚಾನೆಲ್ ನಲ್ಲಿ ಹವಾಮಾನ ವರದಿ ವೇಳೆ ದಿಢೀರ್ “ನಗ್ನ” ದೃಶ್ಯ ಪ್ರಸಾರ

Team Udayavani, Oct 21, 2021, 11:40 AM IST

ವಾಷಿಂಗ್ಟನ್: ಕೆಲವೊಮ್ಮೆ ದೃಶ್ಯ ಮಾಧ್ಯಮಗಳಲ್ಲಿ ಸುದ್ದಿ ಪ್ರಸಾರವಾಗುತ್ತಿದ್ದ ವೇಳೆ ನಡೆಯುವ ಅವಾಂತರದ ಬಗ್ಗೆ ಓದಿರುತ್ತೀರಿ. ಇದೀಗ ಅದಕ್ಕೆ ಮತ್ತೊಂದು ಸೇರ್ಪಡೆ ವಾಷಿಂಗ್ಟನ್ ನಲ್ಲಿ ವೀಕ್ಷಕರು ಸ್ಥಳೀಯ ನ್ಯೂಸ್ ಚಾನೆಲ್ ನಲ್ಲಿ ಹವಾಮಾನ ವರದಿ ವೀಕ್ಷಿಸುತ್ತಿದ್ದಾಗ ದಿಢೀರನೆ ಅಶ್ಲೀಲ(ನಗ್ನ) ಚಿತ್ರಗಳ ಕ್ಲಿಪ್ಪಿಂಗ್ ಪ್ರಸಾರವಾದ ಘಟನೆ ನಡೆದಿತ್ತು.

ಇದನ್ನೂ ಓದಿ:ಜೈಲಿಗೆ ಬಂದು ಪುತ್ರನ ಭೇಟಿಯಾದ ಶಾರುಖ್; ಹೈಕೋರ್ಟ್ ನಲ್ಲಿ ಜಾಮೀನು?

ವಾಷಿಂಗ್ಟನ್ ನಲ್ಲಿನ ಸ್ಪೋಕೇನ್ ನಲ್ಲಿರುವ ಸ್ಥಳೀಯ ಸಿಬಿಎಸ್ ಸಂಯೋಜಿತ ಸುದ್ದಿವಾಹಿನಿಯಲ್ಲಿ ಸಂಜೆ 6ಗಂಟೆಗೆ ಹವಾಮಾನ ವರದಿ ಪ್ರಸಾರವಾದ ಸಂದರ್ಭದಲ್ಲಿ 13 ಸೆಕೆಂಡುಗಳ ಅಶ್ಲೀಲ ದೃಶ್ಯ ಪ್ರಸಾರಗೊಂಡಿತ್ತು
ಎಂದು ವರದಿ ತಿಳಿಸಿದೆ.

ಹವಾಮಾನ ತಜ್ಞೆ ಮಿಶೆಲ್ ಬಾಸ್ ಹವಾಮಾನದ ಕುರಿತು ವಿವರಣೆ ನೀಡುತ್ತಿದ್ದಾಗ ಬ್ಯಾಗ್ ಗ್ರೌಂಡ್ ನಲ್ಲಿ ಅಶ್ಲೀಲ ವಿಡಿಯೋ ತುಣುಕು ಪ್ರಸಾರವಾಗುತ್ತಿತ್ತು. ಈ ಸಂದರ್ಭದಲ್ಲಿ ಸಹ ನಿರೂಪಕಿಗೂ ಕೂಡಾ ಅಶ್ಲೀಲ ವಿಡಿಯೋ ಕ್ಲಿಪ್ ಬಗ್ಗೆ ಗಮನಕ್ಕೆ ಬಂದಿರಲಿಲ್ಲವಾಗಿತ್ತು.

ಭಾನುವಾರ ಸಂಜೆ 6ಗಂಟೆ ಸಮಯದಲ್ಲಿ ಹವಾಮಾನ ವರದಿ ಪ್ರಸಾರದ ಸಮಯದಲ್ಲಿ ಪ್ರಕಟವಾದ ಅಸಮರ್ಪಕ ವಿಡಿಯೋಕ್ಕಾಗಿ ಕ್ಷಮೆಯಾಚಿಸುವುದಾಗಿ ರಾತ್ರಿ 11 ಗಂಟೆ ಸುದ್ದಿ ಪ್ರಸಾರದ ವೇಳೆ ಘೋಷಿಸಿತ್ತು ಎಂದು ವರದಿ ವಿವರಿಸಿದೆ.

6ಗಂಟೆಯ ನಮ್ಮ ಸುದ್ದಿ ಪ್ರಸಾರದ ವೇಳೆ ಏನಾದರು ಸಂಭವಿಸಿದ್ದರೆ, ಆ ಬಗ್ಗೆ ಕ್ಷಮೆ ಕೇಳಲು ಬಯಸುತ್ತೇವೆ ಎಂದು ಕೆಆರ್ ಇಎಂ 2 ತಿಳಿಸಿತ್ತು. ಇನ್ನು ಮುಂದೆ ಇಂತಹ ಘಟನೆ ನಡೆಯದಂತೆ ಎಚ್ಚರ ವಹಿಸುವುದಾಗಿ ವೀಕ್ಷಕರಿಗೆ ಭರವಸೆ ನೀಡಿರುವುದಾಗಿ ವರದಿ ಹೇಳಿದೆ.