ಯರ್ರಾ ವ್ಯಾಲಿ ಕ್ಲಾಸಿಕ್‌ ಟೆನಿಸ್‌ : 40ರ ವೀನಸ್‌ ಗೆಲುವಿನ ನಗು

Team Udayavani, Jan 31, 2021, 12:15 AM IST

ಮೆಲ್ಬರ್ನ್: ಆಸ್ಟ್ರೇಲಿಯನ್‌ ಓಪನ್‌ ಟೆನಿಸ್‌ಗೆ ಪೂರ್ವಭಾವಿಯಾಗಿ ರವಿವಾರ ಮೊದಲ್ಗೊಂಡ “ಯರ್ರಾ ವ್ಯಾಲಿ ಕ್ಲಾಸಿಕ್‌ ಟೆನಿಸ್‌ ಟೂರ್ನಮೆಂಟ್‌’ನಲ್ಲಿ ಅಮೆರಿಕದ 40 ವರ್ಷದ ವೀನಸ್‌ ವಿಲಿಯಮ್ಸ್‌ ಗೆಲುವಿನ ನಗು ಹೊಮ್ಮಿಸಿದ್ದಾರೆ. ಮೊದಲ ಸುತ್ತಿನ ಪಂದ್ಯದಲ್ಲಿ ಅವರು ನೆದರ್ಲೆಂಡ್ಸ್‌ನ ಅರಾಂತ್ಸಾ ರುಸ್‌ ವಿರುದ್ಧ 6-1, 6-3 ನೇರ ಸೆಟ್‌ಗಳ ಜಯ ದಾಖಲಿಸಿದರು. ಮುಂದಿನ ಸುತ್ತಿನಲ್ಲಿ 4ನೇ ಶ್ರೇಯಾಂಕದ ಪೆಟ್ರಾ ಕ್ವಿಟೋವಾ ವಿರುದ್ಧ ಸೆಣಸಲಿದ್ದಾರೆ.

ಜೆಕ್‌ ಗಣರಾಜ್ಯದ ಮಾರೀ ಬೌಜ್ಕೋವಾ ತವರಿನ ನೆಚ್ಚಿನ ಆಟಗಾರ್ತಿ ಸಮಂತಾ ಸ್ಟೋಸರ್‌ ಅವರನ್ನು 6-2, 6-0 ಅಂತರದಿಂದ ಹಿಮ್ಮೆಟ್ಟಿಸಿದರು.

ರೊಮೇನಿಯಾದ ಶ್ರೇಯಾಂಕ ರಹಿತ ಆಟಗಾರ್ತಿ ಅನಾ ಬೋಗಾxನಾ ರಶ್ಯದ ಕ್ಯಾಮಿಲ್ಲಾ ರಖೀಮೋವಾ ಅವರನ್ನು 6-2, 6-2ರಿಂದ ಮಣಿಸಿ ಅಗ್ರ ಶ್ರೇಯಾಂಕದ ಆಸೀಸ್‌ ಆಟಗಾರ್ತಿ ಆ್ಯಶ್ಲಿ ಬಾರ್ಟಿ ಅವರನ್ನು ಎದುರಿಸಲು ಸಜ್ಜಾದರು.
ಟೆನಿಸಿಗರೆಲ್ಲ ಮೆಲ್ಬರ್ನ್ನಲ್ಲಿ ಕ್ವಾರಂಟೈನ್‌ ಪೂರೈಸಿ ಈ ಪಂದ್ಯಾವಳಿಯಲ್ಲಿ ಆಡಲಿಳಿದಿದ್ದಾರೆ.

ಇದನ್ನೂ ಓದಿ:ಆಸ್ಟ್ರೇಲಿಯನ್‌ ಓಪನ್‌ ಗ್ರ್ಯಾನ್ ‌ಸ್ಲಾಮ್‌ : 30 ಸಾವಿರ ವೀಕ್ಷಕರಿಗೆ ಪ್ರವೇಶ