ಕೋವಿಡ್ 19 ವಿರುದ್ಧ ಬ್ರೇಕ್‌ ದ ಚೈನ್‌

Team Udayavani, Mar 20, 2020, 7:35 AM IST

ವಿದ್ಯಾನಗರ: ಕೋವಿಡ್ 19 ವೈರಸ್‌ ಹರಡುವುದನ್ನು ತಡೆಗಟ್ಟುವ ಮೂಲಕ ಮಾತ್ರ ಈ ರೋಗದಿಂದ ಜಗತ್ತನ್ನು ರಕ್ಷಿಸಲು ಸಾಧ್ಯ. ಅದಕ್ಕಾಗಿ ನಾವು ಪಾಲಿಸಬೇಕಾದ ಜಾಗ್ರತಾ ಕ್ರಮಗಳನ್ನು ಸೂಕ್ತ ರೀತಿಯಲ್ಲಿ ಪಾಲಿಸುವಲ್ಲಿ ಯಾವುದೇ ಉದಾಸೀನ ತೋರಬಾರದು. ಸ್ವತ್ಛತೆಗೆ ಆದ್ಯತೆ ನೀಡಬೇಕಾದುದು ಅತೀ ಅಗತ್ಯವಾಗಿದ್ದು ಬ್ರೇಕ್‌ ದ ಚೈನ್ ಆ ನಿಟ್ಟಿನಲ್ಲಿ ಹೆಚ್ಚು ಮಹತ್ವವನ್ನು ಪಡೆಯುತ್ತದೆ. ಆದಷ್ಟು ಈ ಸಂಕೋಲೆಯನ್ನು ತುಂಡರಿಸಿ ಜನರಿಂದ ಜನರಿಗೆ ಹರಡುವ ವೈರಸ್‌ನ್ನು ಹರಡದಂತೆ ಮಾಡಬೇಕು ಎಂದು ನಗರಸಭಾ ಸದಸ್ಯೆ ಶ್ರೀಲತಾ ಟೀಚರ್‌ ಹೇಳಿದರು.

ಅವರು ಸರಕಾರಿ ಹಿರಿಯ ಪ್ರಾಥಮಿಕ ಶಾಲೆಯ ಅಧ್ಯಾಪಕ ವೃಂದ ಹಾಗೂ ರಕ್ಷಕ-ಶಿಕ್ಷಕ ಸಂಘದ ನೇತƒತ್ವದಲ್ಲಿ ಬ್ರೇಕ್‌ ದ ಚೆ„ನ್‌ ಎಂಬ ಧ್ಯೇಯದೊಂದಿಗೆ ಶಾಲೆಯ ಸಮೀಪದ ಚಕ್ಕರ್‌ ಬಜಾರ್‌ ರಸ್ತೆ ಬದಿಯಲ್ಲಿ ಸ್ಥಾಪಿಸಲಾದ ನೀರಿನ ನಳ್ಳಿಯಲ್ಲಿ ಕೈ ತೊಳೆಯುವ ಮೂಲಕ ಉದ್ಘಾಟಿಸಿ ಮಾತನಾಡಿದರು.

ಆಗಾಗ ಕೈಗಳನ್ನು ಸಾಬೂನಿನಿಂದ ತೊಳೆಯುವುದರಿಂದ ರೋಗ ಹರಡುವುದನ್ನು ಸಾಕಷ್ಟು ಮಟ್ಟಿಗೆ ತಡೆಯಬಹುದು. ಆದುದರಿಂದ ಇಂತಹ ಉತ್ತಮ ಕಾರ್ಯಕ್ಕೆ ಮುಂದಾಗುವ ಮೂಲಕ ಈ ದಾರಿಯಾಗಿ ಬರುವವರಿಗೂ, ಪರಿಸರದ ವ್ಯಾಪಾರಿಗಳಿಗೆ ಮತ್ತು ಗ್ರಾಹಕರಿಗೆ ಉಪಯೋಗವಾಗುವಂತೆ ಸೌಕರ್ಯ ಒದಗಿಸುವ ಮನಸು ಮಾಡುವ ಮೂಲಕ ಸರಕಾರಿ ಹಿರಿಯ ಪ್ರಾಥಮಿಕ ಶಾಲೆ ತನ್ನ ಜನಪರ ಕಾಳಿಜಿಯಿಂದ ಮಾದರಿಯಾಗಿದೆ ಎಂದರು.
ಶಾಲಾ ಮುಖ್ಯೋಪಾಧ್ಯಾಯಿನಿ ಲೀಲಾ ಟೀಚರ್‌ ಮಾತನಾಡಿ ಕೊರೊನಾವನ್ನು ಹಿಮ್ಮೆಟ್ಟಿಸುವ ನಿಟ್ಟಿನಲ್ಲಿ ಸರಕಾರದ ಆದೇಶವನ್ನು, ಸಲಹೆ-ಸೂಚನೆಗಳನ್ನು ಪಾಲಿಸುವುದು ಅತೀ ಅಗತ್ಯವಾಗಿದೆ. ಇದು ರೋಗ ಹರಡುವುದನ್ನು ತಡೆಯುವಲ್ಲಿ ಪ್ರಧಾನ ಪಾತ್ರ ವಹಿಸುತ್ತದೆ. ಆದುದರಿಂದ ಜನಸಾಮಾನ್ಯರಲ್ಲಿ ಎಚ್ಚರಿಕೆ ಮೂಡಿಸುವ ಜತೆಯಲ್ಲಿ ಕೈ ತೊಳೆಯುವ ಅಗತ್ಯ, ಮಹತ್ವವನ್ನರಿತು ಬ್ರೇಕ್‌ ದ ಚೆ„ನ್‌ನಲ್ಲಿ ಭಾಗವಹಿಸುವಂತೆ ಮಾಡುವಲ್ಲಿ ನೆರವಾಗುವ ಪುಟ್ಟ ಪ್ರಯತ್ನವನ್ನು ಮಾಡಲು ಮುಂದಾಗಿದ್ದೇವೆ. ಇದರ ಪ್ರಯೋಜನ ಪಡೆದು ರೋಗಮುಕ್ತವಾಗಿಸಲು ಎಲ್ಲರೂ ಮುಂದಾಗಬೇಕು ಎಂ¨ದರು. ಎಸ್‌.ಎಂ.ಸಿ ಚೆಯರ್‌ಮನ್‌ ರಾಶಿದ್‌ ಪೂರಣಂ, ರಕ್ಷಕ ಶಿಕ್ಷಕ ಸಂಘದ ಅಧ್ಯಕ್ಷ ಅನಿಲ್‌ ಕುಮಾರ್‌, ಶಿಕ್ಷಕ ವೃಂದದವರು ಹಾಗೂ ರಕ್ಷಕ-ಶಿಕ್ಷಕ ಸಂಘದ ಸದಸ್ಯರು ಉಪಸ್ಥಿತರಿದ್ದರು.

ಜಾಗ್ರತೆಯಿಂದ ಆರೋಗ್ಯ ರಕ್ಷಣೆ
ಶಾಲಾ ನೀರಿನ ಟ್ಯಾಂಕ್‌ನಿಂದ ನೀರಿನ ಸಂಪರ್ಕವಿರುವ ಈ ನಳ್ಳಿಯಲ್ಲಿ ದಿನದ 24 ಗಂಟೆಯೂ ನೀರು ಲಭ್ಯವಿದ್ದು ಜತೆಯಲ್ಲಿ ಸಾಬೂನು ಹಾಗೂ ಹ್ಯಾಂಡ್‌ ವಾಶ್‌ ದ್ರಾವಣವನ್ನು ನಳ್ಳಿಗೆ ನೇತು ಹಾಕಲಾಗಿದ್ದು ಶಾಲೆಯು ಬ್ರೇಕ್‌ ದ ಚೆ„ನ್‌ಗೆ ಮಹತ್ವದ ಕೊಡುಗೆಯನ್ನು ನೀಡಿದಂತಾಗಿದೆ.

ಕೊರೊನಾ ವೈರಸ್‌ ಜನರಲ್ಲಿ ಆತಂಕ ಸೃಷ್ಟಿಸಿರುವುದನ್ನು ಅಲ್ಲಗಳೆಯುವಂತಿಲ್ಲ. ಆದರೆ ಆದಷ್ಟು ಜಾಗ್ರತೆ ಮತ್ತು ಕಾಳಜಿಯ ಮೂಲಕ ಮಾತ್ರವೇ ದೂರಮಾಡಲು ಸಾಧ್ಯ. ಆದುದರಿಂದ ಪ್ರತಿಯೊಬ್ಬರೂ ಬ್ರೇಕ್‌ ದ ಚೈನ್‌ನಲ್ಲಿ ಭಾಗಿಗಳಾಗಬೇಕು. ನಮ್ಮನ್ನು ನಾವು ರಕ್ಷಿಸಿಕೊಳ್ಳುವ ಮೂಲಕ ಕೊರೊನಾದ ದಾಳಿಯಿಂದ ದೂರವಿರಲು ಸಾಧ್ಯ.
– ಅನಿಲ್‌ ಕುಮಾರ್‌, ರಕ್ಷಕ-ಶಿಕ್ಷಕ ಸಂಘದ ಅಧ್ಯಕ್ಷ